¹ Okoki oyakumesi..... loo etsiitani.Le lwa ombe la yemonaneli pe la yemoniseli bi nkolo. ² Le lembeli mito emoyi mokilisito, yee eteyalaka, iketa bilanga laaho a mekeleka, a yenanga tee o maloola o isaso ( amba momolo e bilongo, ndji lembeli, amba eholo e bilongo, ndji lembeli, Mongalima elembeli). ³ pe le lembeli ine ano mito (amba momolo e bilongo too soo bilongo biyahe ndji lembeli, Mongalima elembeli) ⁴ etetsua a paladiso, pe eteokoka bahoyi bine bibitake bitsikoki a mito boeki. ⁵ Leeko yakumesa po e lo mito, kasi po ela mangine, ndji ya kumesa po e yeketa ela. ⁶ La lekundji boyakumesi, ndjiokoyala yekete, fuko ine leokoeka liekela, kasi nga y'okofesa, po ine mito so limoyi abie alikanisi lufulaku po ela la yene liyeni ye kati ela too yene yeokoki ye po ela. ⁷ Pe po ine lindjiyale a boyenesi po e bofela bi yemoneseli ela, bete iselaka keke a monyo, anzelu u satana po ine a ofe ngo mbata pe apekesi ngo lolendo. ⁸ Mbala isaso nga sambela nkolo po ebomokofwesi penepene ela ⁹ pe eekelaki ngo: ngolu ela ngwao, ikakoka loo ndenge, fuko ine lokulu ela ikokisami kati e bolembu. Leoko yakumesia mingi po e bolembu ela, fuko ine la lebayi a bolembu, nde leoko pota ¹⁰ ko loo ndenge, leyanangeli a bolembu, a bosekaki, a bolimbo, a bonyokoli, a bowawa, po e kilisito; fuko ine la leyali a bolembu, nde leoko pota ¹¹ Indeyalaka yekete: onu nde botomaki ngo leyale yekete, fuko ine ndjiteyalaka mbuse e b'apostolu, atako ndjiteyalaka mito o bwanya. ¹² Bisili bi batomani ela bit'enenaka kati e ino la boyali a motema usondamake, la bilembo, la bikela bi bokamwesi pe la bikamwisi. ¹³ Po embi besili onu oine baito bane betsiiki litomba boeteli masanga bisiaka? po ine botsiyalaki mokumba ela? Bolimbesi ngo po e yo liohi. ¹⁴ Lita, po e mbala e isaso ng'inola bokei ngino, pe ndjiokoyala mokumba uino; fuko ine ndjipali bima bi ino, kasi onu mangine.Baenga betsi pala po e baboti, kasi baboti nga bepala po e baenga. ¹⁵ Po ela, leoko tusia bima a bonangeli, pe leoko ya tusia mangine po e melimo meino, a lokundo ofela nguino, ngoo lekundami peeni. ¹⁶ Ndji yalaki mokumba uino; kasi mito o bomelake, pe lesilaki onu a bomelake. ¹⁷ Leukolaki bomengo po e ino la mito emoyi e motomelaki onu ngo? ¹⁸ le longaki a Tito ake ngino, pe la yee, letomaki monginena: Tito elongi onu bima? Totsiyeli la yee a molimo ndenge emoyi, a matambe ndenge emoyi? ¹⁹ Iketa baose ofela, onu bokanisa ine osu tosamba ngino. Felo e Mongalima la Kilisito, nde toeka; pe kwitu, bakundami, toeka po e lokumu yeino ²⁰ fuko ine le anga oine ndjiena onu ane eokotsua ngo ndenge ekundji ngo, po onu boene ngo mangine ndenge onu botsi kundji. Le anga bitole, bombanda, wango, bohelani, bosokesi, bosokesi bo lokuta, lolendo, lienge. ²¹ Le anga 'te la nga tsuana, Mongalima aokesi bosambo po enu, pe ndji lela po e baito ofela ba masumu baane betsi lengesi motema po e litsii, boseka pe botsangani, kwene eyali bo.