¹ Ene bahoyi e bai sembo: La mito akaliola mongomba o mokengengeli, e pala e sili eitani. ² Etsi bai mito isemia emoi e bayi mito muali emoi e lahe malamu, baito a mitema bo yengebene bane bebayi a lokundu. ³ A tiyane sese abano a bano be sosoli mito o bowaho wa mito anoe koki booti e sika mwali eti sumbalikita a motema. ⁴ Ye koki ine ayayesi mbele e lahe o felo mbele e bokoki pe kati e sembo soolo. ⁵ Zambi la mito e tsilembeli boyahesi mbele e lahe yaondenge o kosilaye bokengi lingomba li Mongalima? ⁶ Eti bai ano eulanesi motema sikane ba hohi boya ndamboli a lolendo li zabulu. ⁷ Alingina boukoli litatoli po ine e tekwa kati e mabe kati helingo li Zabulu ⁸ La baito la mesala me ndala a bana bahewolo e tiyali a mito o moi bane mingi. ⁹ Esili e boyambi bana kati e lisosoli li wali. ¹⁰ Bomomeka felo, akele mbuse esili e lahe a tisibiae aisemia. ¹¹ Baali, ndenge e moi bekoki sembo mweheka eki, a lokundo lobakita i siaka. ¹² Baito a mesala mendala ayale molome mwali o moi ayalesi mwali bana bahe. ¹³ Zambi bane beyalisi mwali mosala bebayi a boangi e fulake. ¹⁴ Sika ane kwa oye. Kelino oetaki, ngakela letale ene ekoki ngo ehelo a mbele i Mongalima ebai a bomoyi. ¹⁵ Kasi po ine o lembele lokumwa, ndenge mbi ekoki boyayeli kati e mbele ine eyali Mongalima, lingomba e moi likoki pe bosuki i solo. ¹⁶ pe, saboemali, mosala u sembo i kolongi ano teyaesaka a monio, einolami a molimo a bandjelu eteya mia bobakano eino la mikati hemuano hetombolani kati o kembo.