¹ Kwe kocheba ite nabe kosamboka kwe welele kwe ajili yino, kwe base be Laodikia ne kwe base batashi komona mbala yake kwe lokoba. ² Nashi kotecha molemo kwe motema wabo washi kofarijiwa kwe kobesa kwe pamoja kwe upendo ne katika kwe utajiri wose wo welele we uhakika kamili we maarifa, kwe kocheba kwe siri ye kweli ye Firinyambe, ne kristo. ³ Kwe bobo kwe katika awe ne azima ise za hekima ne maarifa yashi kwiseka. ⁴ Nashi koocha kwe monda wose kwe kuushi kwe koketa mayele ku hotuba ye koshawishi. ⁵ Na bobo shishi nabo kwe lokoba, kwe lakini ne nabo kwe motema. Nashi koselela komona utaratibu wino mwaachi ne bokome bwino katika Kristo. ⁶ Kwe kopokea Kristo Bwanaa, moyake kwe mwene. ⁷ Mwimarishe kwe mwene, kwe kojenga kwe mwene, mwimarishe katika imani kwe kofundisha, ne kufungwa kwe shukrani mewelele. ⁸ Molele kwe mondo wowote kushi kobakwata kwe mayele ne myanda ye bodaka ye kodanganyika kulingana ne mapokeo ye bando, kwe kanuni ye kibali, kuushi kulingana na Kristo. ⁹ Kwe bobo katika awe ukamolifu mase we Firinyambe kuishi kwe lokoba. ¹⁰ Ne banu moshi kochekwa kwe mwene. Awe mwene ne motwe ye uwezo ne mamlaka. Ao mwene washi kobemba kwa tohara kwe botecha ne bando kwe koocha kwe lokoba kwe akini katika tohara ye Kristo. ¹¹ Twashi kochekwa ne awe kwe ubatizo. Kwe ajili y eimani kwe awe mwashi kufufulibwa kwe bokome bwe Firinyambe we mofufule koola kwe baku. ¹³ Mobe kokwa kwe makosa mono etashi kobemba kwe lokoba lwino. Obe koketa tobe mwecho ne kotosamehe makosa mito. ¹⁴ Washi kukuta kumbukumbu ye mesau yashi koandika ne taratibu ebe komongo ne batu. Obe koocha mase na kututa komosalaba. ¹⁵ Washi koocha bokome ne mamulaka. Washi koebeka bololo ne koetecha sherehe ye kokotwana kwe njela ye msalaba wakee. ¹⁶ Kwe ena mondo wose ushu kuhukumu banu kwe kodya ao kokosola, kwe kuhusu masu me sikukuu kwe songe ipya, kwe masu ma sabato. ¹⁷ Nde bobo kwe kivuli kwe myanda ye mokoba, kwe kiini le Kristo. ¹⁸ Mondo wose kuushi konya tuzo yake kwe kokonda nyenyekevu ne koabudu we malaika. Mondo ona koengela kwe myanda obe komona ne koshawishiwa ne mawazo make me lokoba. ¹⁹ Ne awe we mokokwata mutwe. Kwe mokoola kwe mutwe kwe lokoba lose kokoeta biungo biake ne mekuwa kuungana ne kokangamana kwe omosa; itashi kwe ukuaji washi kokwa ne kristo. ²⁰ Kwe bobo mwashi kokwa ne Kristo kwe tabia ye kebalo, buni mwashi kuishi kwe kebalo kwe komosaolela: ²¹ Mutashi kushika, kwe koonja kwe kugusa? ²² Ena mose yashi kokona kwe kooneka kwe mokoba ne matumizi, kwe koola ne koelekea ne mafundisho ye bando. ²³ Kwe sambo enaa hekima ye dini yashi kutengenezwa kwe mwene ne konyenyekea ne mateso me lokoba. Alakini diishi ne thamani kwe tamaa ye lokoba.