¹ Ena na marao ye karato ye meno koba kwino"kwe tonwatwe bashaidi bobele nane basato kela mwanda ndamochongolele. ² Nashikushila koocha,ne ite badia nabe kobako maraa ye kabele bwakale bodia bobo ite shabaako nashii komochongelela bwachii badia babe koketa zambi tangie adia,ne bakine basee kwe bodia adia ndabakee shikaolomele lukine ³ Nashikochongolela banuu lele kwe sababu mwemokolenga ushaidii bodia kristo washikoocha koetela meno.Awendale makomo kwino,naweole ne bokome monda mwino. ⁴ Kwe koba olekolswa kole makomo monda mwake,bobo totachikane nawe kwe bokome bwe Firinyambi,bobo batu nabo tole makomo kole awe,bodia totachikane amosaa nawe kwe bokome bwe Firinyambi bole kwino. ⁵ Mujilole banu benee bodia mwashi koba kole imanii,muipeme bonuu benee nane mushiikuicheba banuu benee,bodia Yesu kristo ole mondo mwino?nane bodia mwashikomokona. ⁶ Ne nale tomaini bobo motachebe kwe koba batu ndetwa konebwa. ⁷ Nabatu twashi komwengela Firinyambi,ndekokete kyendo kelee kebee,nde bodia batu tomoneketwashikuitabobwa bobo banuu mokote ledia letabe diachii nane bodia batu tole bole bole kokonebwa. ⁸ Kwe bobo totaobe koketa mwanda hosee komongo kwe ukwedii ne kwe ajidii ye ukwedii. ⁹ Kwe koba tole ne kyanya adiatwashikoba momakomo na banuu mole ne bokome.Twashi koeengela lele nadio,letemelekee kwinoo. ¹⁰ Nashikoandeka mianda ena adia nale kolee nabanuu itenaleko sechee kochowa kwe kepemo kye bokome bodia babe kombecha kole bwana kwe koyenga nane nde kwe koona awee. ¹¹ Boyatima,babotwa be kelome ne kyano kekachi mobene kyanya mokete molemo kwe ajidii ye kootoka motechwe motema mokondane banuu kwe banuu muchikane ne amani ne Firinyambi we kokondana ne amani otabe amosa nabanuu. ¹² Mosambateleane kela omosa kwe kianya kyachii. ¹³ Baumini basee bashikomosa mbatela. ¹⁴ Neema ye bwana Yesu kristo,kokondana kwe Firinyambi ne kukumbakana kwe motema mwachii obee amosa nabanuu basee.