¹ Tochange ekee indee? Toyechange monda mwe bobee komoa Filenyambe longesange? ² Ndebabo. Bae bakwechange monda mwe bobee, totaobange lukine kuishianga monda mwe bibi? ³ INdee motachebanga hite kungwanga balya babatizwange monda mwa Kristo na kobatiwange monda mwe Filenyambe kwake? ⁴ Tobechange tochekwanga amosa make koetelanga ubatizo monda mwe Filenyamabe. Bobo nakoketwanga indee ingwa nabae tobange koendanga monda boya boya bwe maisha. ⁵ Kobobo ingwa tososambelwanga amosa nake monda kolengama kwe Filenyambe, indee totasambelwange monda mwe kochekokanga kwake. ⁶ Bae tosochebanga bobo, bonda bwito bwe kale nakosongochwanga amosa make, indee ingwa lokoba le bobe lolalwange. Bibi biolange indee ingwa toyechanga kungwa bando bemoemo bebobee. ⁷ Awe okwechange osoketwanga wenee sambo koengananga na bobee. ⁸ Kobobo ingwa tosokwechanga amosa na Klisitu, tusu imenyonga indee tota chikanange amosa nakee nawe. ⁹ Totochebanga indee Klisitu nakochekokanga kolanga mwe bakwee, ne ungwa indee mokwee babelee. Kokwa kotomota walanga lukine. ¹⁰ Kobobo kwe ilomgo lye kokwechanga kwe bobee, na kowechanga mala kamosakwe ajili lee base. Nani bobo, maisha matwishinga awe, utishinga komwecho wa Filenyambe. ¹¹ Konjea ena ena, nabanu indee motopaswanga kuibalekanga kungwa bakwee monda mwe bobee, ingwa mwecho mwa Filenyambe monda Klisitu Yesu. ¹² Kwekomoa bobo nde kotomanga bobee etawalange lokoba lwao indee komoanga mwecho kuiyikanga bikonde swa byakee. ¹³ Ndekochanga keba kye lokoba lwao monda mwe bobee ingwa biombolwa bitasi ne sambo, ingwa biombolwa bitasi ne sambo, ingwa iyochanga banu bene kwa Filenyambe, indee bwe ne mwiyochange keba kye ngoba chinu ingwa bwe biombolwa bye sambo kwa Filenyambe. ¹⁴ Ndekotomanga bobee bobanyamge. kwe komoanga musi mosee mwe kanuni,indee mosee mwe lokwa. ¹⁵ Neke indee? Toketange bwabea kokomoanga tusi mosee mwe kanuni, indee mosee mwe lokwa? Ndebobo. ¹⁶ Motochebanga ite kwake awe indee musuiyochanga banu bene bwe bando bememo indee nabanu musungwanga bando bemwemo bake, awe motopashwanga komotena? Ena ne kweli nani ingwa nabanu ne bando be mwemo monda mwebobee indo be moemo bekotenemga etochalanga kosambo. ¹⁷ Kobobo osekwange Filenyambe! Kwekomoa mobechange bando bemoemo bebobee, kobobo mosotenanga kolanga metema chibya kolengana ne bifundeswa byabilibwange banu. ¹⁸ Moso ketibwanga kolekibwanga kolanga kobobee, ne mosoketwanga bando be mwemo be sambo. ¹⁹ Natochanga bwe montu kwe komoa bobee bwe ngoba chinu. Kobobo ingwa bolya bwaochanga byungo bye ngoba chinu kungwa bacha kwe bobee ne ubaya, kwe komoa bobo ne bobo, indee mochange byungo bye ngoba chinu kungwanga bacha be sambo kwe kotokeswanga. ²⁰ Kobobo abechange banu bacha be bobee, mobechange huru nyoho ne sambo. ²¹ Kwe saa ena, mobechange ne kimuka ekee komanda indee kwebono mosomoanga masoni kwacho? Kobobo bita olelee komianda chichi ne kokwa. ²² Kobobo kokomoanga ingwa bobo moso ketwanga huru nyoho ne bobee ne mosoketibwanga bacha kwa Filenyambe mwene kimuka kwekomoanga kotokeswa kiolelo ne mwecho we losee. ²³ Kokomoa malipo ne bobee ne kokwa, indee zawadi ye bokata lya Filenyambe ne mwecho we losee monda mwa Klisitu Yesu Isito wito.