¹ Kobobo motemo obe mee nyenyi, kobobo kusi bokoo butungwa bila koto ko kwa Filenyembe. Mee bokoo bwelo boso bekwa na Filenyambe. ² Kobobo olya ototome bokoo boa osotome mikataba ya Filenyambe; nee baa bololone botapoke malipizo monganda mwabo abo bene. ³ Komoa batonyaa basi bekoteniwa kobatoketa bya chocha,ingwa kobotoke ta bwabea.Bobo osokonda bila kotana bokoo? Keta bya chocha,otosekwe mebo. ⁴ Komoa nee mondo wa Filenyambe kwito kobya chocha. Bobo komoa ota kete byabee, toeme; kobobo ndasi bwendee kipanga bila ikomo. Komo nee mondo wa Filenyambe,ototosa bwabaa komondo waketa byebyaa. ⁵ Kobobo ota lazimishana kenyenye, ko sababu ya malipiso,bobo bwenawe kobobo kwe sababu yee iboe. ⁶ Kobobo kwake bwenawe otouti molambo. Kobobo awe ufalme moe nee mubatumishi ba Filenyambe, komoa boso ya ka kwakete mianda eena. ⁷ Muutu kila olya keso mokenda aba molambo koolya ota bwaana;molambo koolya oto bwaane molambo; booba koolya otobwaeme booba; kwi kya koolya oto bwaeme kuiyakya. ⁸ Mokenda waya nee monda keemo kese ne kese, kwe kokondana banu kwe banu. Kobobo awe otomokonda wanaka seesee yake. Osoketa sombo. ⁹ Komoa,ndukaketa bwambya, ndukache, nduka ibe, nduka konde,''mee kweeshurli chikine akoa ese boekelya monda mwa bisikekwa otamokonde wenao see yao bweawe mwene.'' ¹⁰ Kokonda kotasi koka subwe wenao seesee wemondo.Kobobo kokonda nee koka milika kwe bisi kekwa. ¹¹ Kwe komoa bobo motocheba soa, kw komoa loloe seesee nekotoka mokoo. Kwe komoa kooloswa kwito koteesee see zaidi yee soa elya itabokwe bae kwe komoa. ¹² Butu boso endelea, nee monyanya oteesee see. Tobeke kolokonge bikete bitu bya boa,nee tobwae bibonge bwee menyanya. ¹³ Nee twandele bwaseesee, bwe monyanya, neko kwa bisikekwa byabea au koko kolya,toendeleayo monda mwe bwambya au lotema otosi okaosomewa kokombiwa, na boe monda mwe kekee nee boala. ¹⁴ Bobo tomobwaa bwana wito Yesu Kristo, nee tobekaya mulume yito kwe kelokoba, kwe lotema lwito.