¹ Kwe bobo mundo we mukohesa biya, kwe bobo watumishi we Filenyambe ne lokane muse ne sire kwekweli ye kakuwa. ² Bobo biya bite tokeye kwe lokane kwe bobo aweteebo mukutumainiyo. ³ Kwane mee kila kyemo kuchinne byengo ne muko teswa ne baanu banu ju ye bando kwe bobo mene ne mukuteswa ne mwene. ⁴ Ne mukoteswa ne mwene bisi ne maana kwane mee, meyi simo alimuteswa ⁵ Kwebiye, ndekomuboboka juye bisembe kila kyemo ungwa buchebe ne isito otabese yemo binobye mwaanda usioseka hungamuwa ne kobowa kwe makusudi ye metema kwe bobo kila kemose utakonje kwe sifa yake koola kwe kawa. ⁶ Kwe kaka ne dada yinu, ne mwene apolo ne toma koola bilya kwe ajili yinu kwe bobo kuhola kuinu mutoosone kuifusa bitasine luka ne nde koyaka kwenjoo jubasi muko andika kwe bobo kuisi amosa banu muifanane ju ye mwisho. ⁷ Kwe bobo ninae usomowa utafauti kwinu kwe muisho? Inayi nde muketa bikini. ⁸ Mubetayero ni hise kwe mukokonda mubene kokonja ne mukaanza kotamo ye kwanza kwa buwa hinu bae kwekweli, kwe wakati toonewe kwe kwema kwebobo kwetu somoonelya. ⁹ Kwebibinenabye kakuwa oso beka baanu bae mitunge twe mukokonda kwe mwisho kwe bobo njeya ye kututana ne bando we uteswa kwe yalya tobechaya kokyambaya kwe kyambaya ko nganda kwe malaika ne bando. ¹⁰ Baanu ne bakosa lokani kwe ajili ye Kristo twe kuni lokani lwe Kristo twe kuminya bano boa mwene ne ngufu baheshimiwa kwe banu tu mukututa. ¹¹ Biye kwe sosa tosochekya ne kihu tuusi ne byekowatwene mocho, ne lukine tusi nemee. ¹² Tosoketa miemo kwe bidii kwe misanyi hite kine toozaraulika, toobarikuwa kwe tosochibecha, tuuvumiliya. ¹³ Boota tonda, toso hotosha kwenya kobechaya, ne bobo baso isabiya baokona ne mosenge ne kobemabema ne mianda ose. ¹⁴ Sikaendeke mianda ely juye kuabika hinu kwe bobo muka oteke kwe banabane ne mokonda. ¹⁵ Bowa bwe maana balimu beba bachefu elfukuwe Kristo, kwe isito kine kwe miye koko kuchikane kweesane wane wekakawa we Kristo kwe eteye munyiya. ¹⁶ Muitwena tuiyaya nimga konda mee. ¹⁷ Mee ndiyo kwe bowa ne mutu me baanu Timoteo kwe wsane ne komotonda winu mumu kujisifiya nq kotecha biya kwe bobo sika chebekele kwenjo. ¹⁸ Kwe bobo kila kyemo tachebe kwinu bye saa, isito wito. ¹⁹ Isito wito wakonde kwe bobo ndachebe mianda yelya kwe baabe mukujisifiya bobo tamwene kwe bobo tamue bye ngufu. ²⁰ Kwe ufalme we kakuwe ndabe mbaya ne mianda yenjoo kwe bobone ngufu. ²¹ Momo kokonda yeke? Meke baanu mwenene mwete ao kwe konda ne kiroho kye kohola?