¹ Olusiku lurhanzi lw'omugobe, baja ebwa nshinda hibungubungu, n'okuheba amarasi bali rheganyize. ² Barhingana okw'ibuye lyakuzirwe eluso lw'enshinda; ³ N'erhi badaha, barhashinganaga omubiri gwa Nnahamwirhu Yezu. ⁴ Erhi baba barhaci manyiri eci bankarhanya enyanya ly'eco, alaga, balume babirhi babayishira, n'emishangi yali yakalomeka. ⁵ Bagwarhwa n'ecoba, bayunamya amalanga okw'idaho; cikwoki bababwira: Bulya gurhi mulikwo mwalongeza ozine omu bafire? ⁶ Arhaciri hano, cikwone anafusire. Mukengere gurhi ababwizire omu kasanzi aciri e Galilaya, ⁷ Ali anakaderha: Bishinganine omwana w'omuntu ahânwe omu maboko g'abe byaha, amanikwe anafuke omu lusiku lw'a kasharhu. ⁸ Banakengera emyanzi ya Yezu. ⁹ Erhi bagaluka ebwa nshinda, bamanyusa balya ikumi na muguma byoshi n'abandi boshi. ¹⁰ Abadesire ebyo emw'entumwa bali Maria Maria we Magdala, Jane, Maria Nnina wa Yaobo n'abandi bali boshi. ¹¹ Barlola eyo myanzi nka bilorho, na barha yemeraga abo bakazi. ¹² cikwoki petro ayimuka, n'okulibirhira ebwa ncinda, erhi ayunama, abona ebirere byone okw'idaho, ana galuka emwage, n'oku somerwa n'ebya hikirire. ¹³ Lero, lwonolwo lusiku, bigirizibwa babiri bajaga omu lugo ludesirwe Emmau, lwali oku lugenzi lwa stadi makumi galindarhu; ¹⁴ Na balibakashambala ebyabire. ¹⁵ Erhi bakola bali baderha n'oku hagisanya, Yezu ayegera, banagenda boshi omu njira. ¹⁶ cikwoki amasu gabo garhamumanyaga. ¹⁷ Ababwira: Bici mulikwo mwaderha mwanaja mwagenda, lyo muba bure ntya? ¹⁸ Muguma wabo, oderhwa Cleopa, amushuza: k'oli muguma, w'omu Yerusalemu orhamanyiri ebyazindigi ba omwezi nsiku? ¹⁹ Bici ebyo? Nabo bamushuza: Ebya hisire enyanya lya Yezu w'e Nanzareti, olya wali mulebi w'obuhashe bunene omu bijiro n'emyanzi emalanga ga Nnamahanga n'emalanga g'olubaga lwoshi, ²⁰ Na gurhi abagula bakulu n'abatwi b'emanja bamuhanaga mpu ayirhwe. ²¹ Rhwali langalire oku ye wana cize Israeli; cikwoki haguma nokwo, nsiku zisharhu izi kurhenga ebyo bijirikine. ²² Biri by'okuli oku bakazi baguma bali haguma na nirhu barhusomezize; ene baja ebwa nshinda hibungubungu. ²³ Barhashinganire omubiri gwage, bamayishi rhubwira oku ba malaika bababonekire n'okubamanyusa oku azine. ²⁴ Baguma muli rhwe bajire ebwa nshinda, bana rhingana ebintu nkoku abo bakazi banadesire; cikwone yehé, barhamubwine. ²⁵ Lero Yezu ababwira: Ewe mwe balume murhadwerhi bwenge, na mwe b'emirhima milembu oku yemera ebya desîrwe n'abalebi! ²⁶ Birhali shinganine Kristu alibuke n'ebyo bintu, n'oku daha omu bukuze bwage? ²⁷ Na, kurhangira oku Musa n'oku balebi boshi, abamanyusa omu mandiko ebyali muyerekire. ²⁸ Erhi bayegera olugo emunda bajaga, alonza okugendekera hali. ²⁹ Cikwoki bamuseza n'okuderha: Obere nanirhu bulya ebijingo byana yegera, n'omushi gukola gwahwa. Anadaha, n'okubera nabo. ³⁰ Erhi akola ali oku meza nabo, arhola omugati; n'erhi aba amavuga omunkwa, agugaba, n'okubaha gwo. ³¹ Lero amasu gabo gayiguka, bana mumanya, cikwone ahirigirha emalanga gabo. ³² Bana bwirana: Emirhima irhu erhaliko yagulumira omu ndalala zirhu, ene ali arhushambaza omu njira n'okurhumanyusa amandiko? ³³ Bana yimuka omwako kasanzi, bagaluka e Yerusalemu, bashingana balya ikumi na muguma, n'abali haguma nabo, barhinganine ³⁴ banaderha: Nnahamwirhu anafûsire kwo binali, ananabonekire na Simoni. ³⁵ Bana bashambalira ebi bashinganine nabyo omu njira, n'oku bamu manyire mwo ene agaba omugati. ³⁶ Erhi bali bashambala okuli nk'oko, yena nene doka ababonekera omu karhikabo, ana babwira: Omurhula gube haguma ninyu! ³⁷ Lero ecoba cabagwarha, barhanya mpu nkaba muzimu babwine. ³⁸ Cikwoki ababwira: Bulya gurhi mulugusire, na bulya gurhi entanya mwenezo zamazuka omu mirhima yinyu? ³⁹ Sinzagi amaboko gani, niene dok'oyu; mumpume kwo mulole: omuzimu arhajira munyafu erhi civuha, nkoku muna mbwine. ⁴⁰ N'omu kuderh'ebyo, abalangula amaboko gage n'amagulu gage. ⁴¹ Lero, omwobwo bushagaluke, barhali ciyemera ciru, banaciri omu kusomerwa, lero ababwira: kamugwerhe ebyokulya? ⁴² Bamu hereza ensamaki nyoce n'ecirholo co buci. ⁴³ Arhola, analya emalanga gabo. ⁴⁴ Lero ababwira: byo nakagi babwira amango nâli haguma na ninyu, oku byali shinganine bihikirire byoshi byali yandisirwe enyanya zani omu citabu ca Musa, n'abalebi, n'omu nanga. ⁴⁵ Lero abayugula obwenge, lyo bamanyusa amandiko. ⁴⁶ Na anababwira: biyandisirwe oku kristo ayishi libuzibwa, anayishi fuka omu bafu olusiku lwa kasharhu, ⁴⁷ Obuciyunjuze n'oku babalirwa ebyaha byayigirizibwa okw'izino lyage oku amashanja goshi, kurhondera e Yerusalemu. ⁴⁸ Muli bahamirizi b'okwo. ⁴⁹ Alaga, narhuma enyanya linyu bilya larha alaganaga, cikwoki mwehe muberage omu lugo kuhika muyambikwe obuhashe bw'enyanya. ⁵⁰ Abalongolana kuhika e Betania, na, anâlengéza amaboko, abagisha. Erhi ali abagisha, aciberula nabo, ana lengezibwa e malunga. ⁵² Nabo, erhi baba bama mwikumba, bashubira e Yerusalemu n'obushagaluke bwinji; ⁵³ Banabera omu ka Nnamuzinda, bakuza n'okuvuga Nnamuzinda omunkwa.