¹ Olusiku lw'idinye ly'emigati erhalimwo ngezo, lwo lwaderhagwa basaka lwlihofi. ² Abagula bakulu n'abakarani balonz'enjira z'oku yirha Yezu; bulya baliyobohire abantu. ³ N'obwo shetani aja muli Yuda, oyo waderhagwa iskariote, ali aganjirwe haguma nabo ikumi na babiri. ⁴ Na Yuda acigendera aj'iraga n'abagula bakulu n'abakulu b'abasirika, mpu njiranci ahashamwo okumulerha omu maboko gabo. ⁵ Bashagaluka, balagana oku muha enfaranga. ⁶ Erhi amabalaganya, alonzagy'amango minja g'oku hana Yezu kulibo, amango olubaga lurhahali. ⁷ N'olusiku lw'emigati erhalimwo ngenzo, amango galigakwanine okuniga omwanabuzi wa basaka gahika, ⁸ Yezu arhuma Petro na Yohana, aderha erhi: Mugendi rhurheganyiza Basaka, lyo rhumulya. ⁹ Bamudosa mpu: ngahi olonzize rhwamurheganyiza? ¹⁰ Ababwira erhi: Mulole, hano muja omulugo, mwashimana omulume obarhwire akabindi k'amishi; mumukulikire muli eyo nyumpa ajamwo; ¹¹ Mubwire nanyumpa mpu: Mwalimu akkudosize: ngahi hali aha nalira basaka rhwen'abigirizibwa bani? ¹² Naye amuyereka nyumpa nguma nene y'enyanya enabambirwe. omwo mwo mwarheganyiza basaka. ¹³ Bagenda babona nk'oku ababwiraga; nabo barheganya basaka. ¹⁴ N'amango akasanzi kahikaga atamala oku meza, n'abaganda bage haguma naye. ¹⁵ Ababwira erhi: Nalonzize bwenene okulya eyi basaka haguma naninyu embere z'okulibuzibwa kwani; ¹⁶ Bulya nmubwizire oku ntacirye ebasaka kandi, kuhika bihikirire omu bwami bwa Nnamahanga. ¹⁷ na erhi, arhol'ecikombe n'oku vuga omunkwa, aderha erhi: murhole eci cikombe muna cigabe omu kagarhi kinyu; ¹⁸ Bulya, mmubwizire kurhenga buno ntacinywe kandi amalehe g'omuzabibu kuhika abwami bwa Nnamahanga buyishe. ¹⁹ Buzinda byaho arhola omugati, na, erhi amavug'omunkwa, agubega abahereza, aderha erhi: Ogu gulu mubiri gwani gwahanagwa enyanya zinyu, mukajirantya omuku nkengera. ²⁰ Kandi ayanka ecikombe, enyuma ly'okulya, abahaco, anaderha: Eci cikombe ciri ndagano mpyahya omu muko gwani, ogwo gwabulajika enyanya zinyu. ²¹ Cikwone mulole okuboko kw'oyo wampana kuli haguma nanani oku gano meza. ²² Mwene omuntu acigendera nk'oku kwarhegekagwa. Cikwone obuhanya kuli oyo muntu wamuhna omu maboko g'abantu. ²³ Barhangira okudosanya mpundi omu garhi kabo wajira ogwo mwanzi. ²⁴ Kanazuka akadali omukagarhi k'entumwa: Mpu ndi omukagarhi kabo waba mukulu kulusha? ²⁵ Yezu ababwira erhi: Abami b'emilala bayima enyanya lyabo, n'abo bali n'irhegeko enyanya lyabo baderhwa oku bajira bwinja. ²⁶ Cikwone mwehe murhabe ntyo. Cikwone oli mukulu omu kagarhi kunyu abe nka murho, n'oyolinka murhambuzi, abe nka mukozi. ²⁷ Bulya ndi oli mukulu kulusha, k'oyo otamire agwerhe alya, erhi oyo oherhe wakola? Karhali oyo otamirealya? Cikwone niehe ndi omukagarhi kinyu nka mukozi. ²⁸ Cikwone mwehe muli bantu babezire haguma nanani omu marhangulo gani, ²⁹ Coccirhumire nani mubikire obwami nk'oku larha abumbikiraga. ³⁰ Lyomuhasha okulya n'okunywa oku meza gani omu bwami bwani, n'oku tamala oku ntebe z'obwami, mutw'emanja 'emilala ikumi n'ibiri y'abisraeli. ³¹ Nnahamwirhu aderha: Simoni, Simoni, Shetani amulonzize, mpu amuyerule nka ngano. ³² Cikwone nakuhunire mpulyo obwemere bwawe burhakinyiha, nawe, amango waba wamahindamuka, oyimanze benewinyu. ³³ Nnahamwirhu, Petro amubwira,Nkola ncirheganyize okugenda haguma nawe omu mugozi nokufa ntyo. ³⁴ Yezu aderha erhi: Petro, nkubwizire, oluhazi lurhabike ene orhampakana kasharhu oku orhamanyiri. ³⁵ Ababwira kandi erhi: Amango namurhumaga buzira nshoho, erhi nvumba, erhi nkwera, kamwabuzire akantu? Bashuza erhi: Ntako. ³⁶ Nantyo ababwira erhi: Cikwone buno ogwerh'enshoho ayirhole n'ogwerh'envumba ntyo naye, n;orhagwerhu ngorho aguze omushangi gwage ayigule. ³⁷ Bulya, nmubwizire, oku bikwanine ogumwanzi gwayandikagwa guhikirire mulinie: Anaganjirwa haguma n'abajir'amabi. N'ebinyerekire bikola biri omu kuhikirira. ³⁸ Baderha mpu: Nnahamwirhu, olole aha hali ngorho zibiri. Ababwira erh: Bihashire. ³⁹ Aharhenga agenda, nk'oku bworhere bwage, kuhika oku ntondo y'emizetuni. N'abaganda bage bamukulikira. ⁴⁰ Amango ahikaga aho hantu ababwira erhi: Muhune murhakija omu marhangulo. ⁴¹ Aciberula kuli nk'oku lugero lw'oku banbda ibuye, afukama, ahuna. ⁴² Aderha: Larha okalonza ontengeze eci cikombe, cikwone kurhali kulonza kwani kwajirwa, cikwone okulonza kwawe kujirikane. ⁴³ lero malahika arhenga empingu omubonekera, amuzibuhya. ⁴⁴ Naye ali agwerhwe n'oburhe bunene,ahuna n'obwihanganyi, entubano yage yaba nka ntonyi za muko, zarhogera okw'idaho. ⁴⁵ N'erhiaba amahuna ayimuka, aj'emunda abaganda bage bali, ashingana bal'iro enyanya z'oburhe. ⁴⁶ Abadosa erhi: Bici birhumire mwaj'iro? muzuke muhune, lyo murhakija omumarhangulo. ⁴⁷ Ntyo amango ali aciherhe ababwira, olole olubaga lwayisha; na yuda, muguma wa muli abo ikumi nababiri, ye wali obashokolire, mpu amunyunyugurhe. ⁴⁸ Cikwone Yezu amubwira: Yuda, kawahana mwene omuntu omu kumunyunyugurha! ⁴⁹ Nabo abali haguma na Yezu, amango babonaga emyanzi yamaba, baderha mpu: Nnahamwirhu karhubatwe n'engorho? ⁵⁰ Na muguma mulibo ashurha mwambali w'omugula mukulu, amutwa okurhwiri kwelulyo. ⁵¹ Cikwone Yezu ashuza aderha erhi: Muleke okwo,ahumaa okwo kurhwiri kw'oyo mulume amufumya. ⁵² Ntyo Yezu abwira abakuhani bakulu, n'abagula b'omu ka Mungu, n'abashosi, bayishaga emunda âli erhi: ka mwayishire n'engorho n'orhurhi nka mwagendi hinva ecishumusi? ⁵³ Nali haguma na ninyu ensiku zoshi n'amango omu ka Mungu, murha lambulaga amaboko ginyu enyanya lyani. Cikwone buno kali kasanzi kinyu, n'obuhashe bw'omwizimya buli bwinyu. ⁵⁴ Erhi banagwarha Yezu, bamuheka, bamu longolana omu nyumpa y'o mukuhani mukulu. Cikwone Petro amukulikira kûli. ⁵⁵ Amango batwanaga omuliro omu kagarhi k'engo, batamala haguma. Petro atamala haguma nabo. ⁵⁶ Mujanyere muguma, amubona atamire omu bula bw'omuliro, amulolereza bwenene, aderha erhi: oyu muntu âli haguma naye. ⁵⁷ Cikwone amulahira aderha erhi: we mukazi, ntamumanyiri. ⁵⁸ Na buzinda bwa kasanzi katyunguni, owindi amubona, aderha erhi: nawe oli muguma wa muli bo. Perto ashuza erhi: we mulume arhali nie. ⁵⁹ Buzinda bwa nsa nguma, owindi mulume azibuhya okuderha, aderha erhi: okuli oyu muntu âli haguma naye, bulya ali mu Galilaya. ⁶⁰ Petro ashuza erhi: we mulume, ntamanyiri ebi ogwerhe waderha. Honaho amango acigwerhe aderha, oluhazi lwabika. ⁶¹ Nahamwirhu, ahindamuka, alola kwo Petro. Na Petro akengera akanwa Nnahamwirhu amubwiraga erhi: Ene han'oluhazi lubika erhi wama mpakana kasharhu. ⁶² Aj'embuga, agendi lakira yo n'oburhe bwenene. ⁶³ N'abo bantu baligwerhe Yezu bamuganyaguza n'okumushurha. ⁶⁴ Bamushweka n'amalanga, bamudosa, baderha mpu: leba ndi okushusire. ⁶⁵ Nayindi myanzi minji badesire omu kumujachira. ⁶⁶ N'erhi bucha, akagombe k'abashosi, n'abakuhani bakulu n'abakarani, barhimanana, bamuheka aha ngombe yabo. ⁶⁷ Baderha mpu: akaba oli KRISTO, orhubwire. Yezu ababwira erhi: ciru nanka mubwira, murhanka yemera; ⁶⁸ Na nkananka mudosa, murhashuze. ⁶⁹ Cikwone kurhenga buno mwene muntu atamala ekuboko kulyo kw'obuhashe bwa Mungu. ⁷⁰ Boshi baderha mpu: ka nawe ntyo oli mwene Mungu? ababwira erhi: mku desire, ndi ye. ⁷¹ Lero aderha: Karhuci gwerhe olwifinjo lw'obuhamirize? Rhwa muyunvurhe rhwene oku kanwa kage.