¹ Omudahwa mukolu adosa Stefano erhi: "Kakwo binali ntyo? " ² Stefano naye ashuza erhi: Benewirhu na balarha, munyunvirhize. Nnamahanga w'irenge abonekire larha wirhu Abrahamu amango ali omu cihugo c'e Mesopotamiya, embere agendi lama e Harani, ³ amubwira erhi: Rhenga emwinyu n'omu mulala gwawe, oje omu cihugo nakuyereka. ⁴ Ago mango Abrahamu arhenga muli eco cihugo c'Abakaldeya, ajibera e Harani. enyuma lyaho, ishe wa Abrahamu afa. Nnamahanga arhenza Abrahamu e Harani amuhira muli eci cihugomuli mwo buno. ⁵ Nnamahanga arhamuhaga bici muli eci cihugo, ciru ishwa liri nka bugali bwa Lushando, cikwone Nnamahanga amulaganya oku amuha lyo, n'okw'abantu b'omu buko bwage nabo balibera mwo enyuma ly'okufa kwage. N'obwo ago mango Abrahamu arhali gwerhe mwana. ⁶ Yunvagyi oku Nnamahanga amubwizire. Amubwira erhi: Abantu b'omu buko bwawe babera omu cihugo c'ihanga. Bayishi ba mwo baja banalibuzibwe mwo myaka magana ani. ⁷ Nnamahanga aderha erhi: Cikwone olwo lubaga lwana barhambule nanaluhane. Enyuma ly'aho, barhenga eyo bayisha n'oku ngashaniriza muli aha hantu. ⁸ Kandi Nnamahanga alaganana nabo na Abrahamu. Okukembulwa co cali cimanyuso c'oku laganana kwabo. Ntyo kwo Abrahamu akembwire mw'omugala Isaki erhi ayusa mugobe muguma abusirwe. Isaki naye akembula omugala Yakobo na Yakobo naye akembula ba shakuluza ikumi na babiri. ⁹ Abo bashakuluza bayagalwa na Yozefu, bamuguza mpu ajiba muja omu Misiri, cikwone Nnamahanga ali haguma naye. ¹⁰ Amukula omu malibuko gage goshi. Aha Yosefu okubonekana murhonyi, amuha n'obuhashe bw'oku yerekana obumanye amango ali emalanga ga mwami Farao w'e Misiri na w'omu bwami mwoshi. ¹¹ Ago mango ecizombo caja omu cihugo c'e Misiri coshi n'omu cihugo c'e Kanani coshi, amalibuko gali manene na ba shakuluza barhacibonaga ebi bankalya. ¹² Erhi Yakobo ayunva oku engano eli Misiri, arhangi rhuma yo ba shakuluza. ¹³ Erhi bashubirira yo bwa kabiri, Yosefu acimanyisa kuli bene wabo. Ntyo kwo Farao naye amanyire mw'omulala gwa Yosefu. ¹⁴ Ago mango Yosefu arhumiza mpu bajilonza ishe Yakobo n'omulala gwage gwoshi, bali hisire bantu makumi gali nda na barhanu. ¹⁵ Lero Yakobo aja e Misiri, afiraga eyo munda na ba shakuluza nabo yo bafirire. ¹⁶ Baheka emirhumba yabo e Sekemu n'okuibisha aha Abrahamu agulaga oku ngulo y'enfaranga, aha guliraga bene Hemori e Skemu. ¹⁷ Amango Nnamahanga ali alonzize eciragane ali laganize Abrahamu cihikirire gahika, olubaga lwirhu lwayushuka, lwagandaza omu Misiri. ¹⁸ Enyuma ly'aho owundi mwami orhali manyire Yosefu ayima e Misiri. ¹⁹ Oyo mwami arheba olubaga lwirhu n'okujira ba shakuluza kubi omu kubaseza mpu balekerere orhubonjo rhwabo lyo rhufa. ²⁰ Obwo lyo Musa aburhagwa,ali mwana mwinja,anali murhonyi emalanga ga Nnamahanga. Alerirwe omu kwabo myezi isharhu. ²¹ Erhi bamujandaga mwali wa Farao amurhola,amulera nka mugala wage yene. ²² Ntyo,Musa abigirizibwa amenge goshi ga Bantu b'e Misri,aba muzibu omu binwa bya n'omu mikolo. ²³ Erhi ahisa myaka makumi ani,atwa okw'ajirhangula bene wabo b'omu buko bwage,bo bali Bisraeli. ²⁴ Abona Mumisri muguma ali jira muguma wa muli bo buligo.Arhabala nnakujirhwa buligo ,n'omu kumwiholera,ayirha olya Mumisri. ²⁵ Akag'irire mpu wabo,Abisraeli,bamanya oku Nnamahanga amurhuma mpu ayish'ibalikuza cikwone barhamanyaga okw'o ²⁶ Erhi buca,Abisraeli babiri bali balwa,alonza okubafunga.Ababwira erhi: Bira bani,muli baguma,bici birhumire mwa libuzanya? ²⁷ Olya wahalaliraga owabo atundulika Musa,amubwira erhi: Nndi wakujiraga mukulu na muciranuzi wirhu ? ²⁸ Ka wamalonza mpu onyirhe nka kulya wayirhaga omu Misri ? ²⁹ Erhi Musa ayunva nt'yo ayaka,ajibera omucihugo c'e Mediani. Aburhirha yo banababirhi yo bagala babirhi. ³⁰ Enyuma lya myaka makumi ani,malahika abonekera Musa omu mpinga hofi n'entondo y'e Sinayi ali omungulumira y'ishaka lyakag'ihya. ³¹ Musa asomerwa erhi abonekera ntyo.cikwone erhi aja acitunda mpu lyo alolera hofi,ayunva izu lya Namuzinda aderha erhi: ³² Nie Nnamahanga wa bashakuluza bawe,Nnamahanga wa Abrahamu,wa Isaka na wa Yakobo,Musa arhondera okugera mwo omusisi gw'oboba,ciru arhacishomerwa mpu alole ³³ Ago mango Nnamahanga amubwira erhi : Hogola ebirato bulya aha waja hali hantu himana. ³⁴ Nabwine amalibuko g'olubaga lwani omu Misri,nayunvirhe amalibuko gabo nyishirage nti balikuze.Yishiga nkurhume e Misri. ³⁵ Olya Musa Abisraeli balahiraga amango aderhaga mpu: Nndi wakujiraga mukulu na muciranuzi ? ye Nnamahanga arhumire mpu abe mukulu na mulikuza wabo,haguma n'oburhabale bw'olya malahika wamubonekeraga omwishaka . ³⁶ Musa ye wa rhenzizagye Abisraeli omu Misri, omukijira ebirhangaza n'ebisomerine muli eco cihugo oku nyanja ndukula n'omu mpinga myaka makumi ani. ³⁷ Oyo busa ye bwiraga Abisraeli erhi: Nnamahanga amuhumira omulebi wage oli akani aba muguma w'omu lubaga lwinyu. ³⁸ Oyo ye wali aha lubaga lwe Israeli lwali lushimanine omu mpinga :Ali boshi nabashakuluza,n'olya malahika wamudesagya oku ntondo y'e Sinayi;ahabwa ebinwa bya Nnamahanga biyujwire buzine, mpu arhuhereze byo. ³⁹ Cikwone bashakuluza barhalonzagya okumuyumva ,bamutundulika,balonza okushubira e Misri. ⁴⁰ Babwira Aroni mpu: Rhujirire ennama Zakarhushokolera bulya rhurhamanyiri okw'olya Musa warhurhenzagya e Misri anabire. ⁴¹ Z'on'ezo nsiku ,bajira akanina ,n'okurherekera eyo nshushano bana jiririra echiremwa ch'amaboko gabo olusiku lukulu . ⁴² Lero Nyamuzinda Anachi bahindusire omugongo anabaleka mpu baka haramya emirhwe y'oku nkuba, now kulya kuyandisirwe omu chitabu ch'abalebi, mpu: ka hali embagwa mwa mbagire erhi enterekero mwa nterekerire, bene Israeli ,mwerya myaka makumi ani mwali omu irungu? ⁴³ Mwakabarhula cha moleki n'enyenyezi Nyamuzinda winyu Refani, ezo nshushano mwajira mpu mukazihramya ! Nani nkolaga namululiza kurhaluka e Babiloni. ⁴⁴ Omu irungu balarha bagwerhe echihando c'engano ,kulya anali arhesire owarhumaga Musa mpu achijire nshusho abonaga. ⁴⁵ Erhi baba bama chihabwa ,balarha bachi heka omu chihugo banyegaga balya mashanja Nnamahanga alibirhaga kwo embere zabo Yozwe ye wali chirongozi cabo;byaha ntyo kuhika amango ga Daudi. ⁴⁶ Ana chi rhona emwa Nnamahanga ,anashenga ashobol'enshokano y'okuyubakira Nyamuzinda wa Yakobao enyumpa, ⁴⁷ Salomoni ye waishi muyubakira e nyumpa. ⁴⁸ Chi ow'enyanya arhabera omu nyumpa za yubakagwa n'amaboko g'abantu, nk'oku omulebi adesire, erhi : ⁴⁹ Irunga to ntebe y'obwami bwani n'igulu co cirhi ch'amagulu gani. Nyumpa nci mwanyubakira erhi ahantu hani naka rhamukira go mwanzi gwa Nyakasane ogwo. ⁵⁰ Kakurhali kuboko kwani kwa jiraga ebyo byoshi? ⁵¹ Mwe bacikanyi cirhagomba, agamarhwiri n'emirhima erha kembulagwa, muyorha mulahira oku yunva Muka Mwimana! ⁵² Mulebi ohi basho barha libuzagya? Bankside abakagi leba okuyisha kw' Omushinganyanya, olya muzindilenganya mwanamuyirha. ⁵³ Mwe mwahirwe na bamalahika Amarhegeko, murhanagashimbaga. ⁵⁴ Erhi bayunva ebyobinwa, bakunira bwenene banakalumira Stefano amino. ⁵⁵ Ci yehe, bulya ali yunjwire Muka Mwimana Anachi hakajira enyanya., abona irenge lya Nyamuzinda, na Yesu ayimanzire ekulyo kwa Nyamuzinda. ⁵⁶ Anaci derha , erhi namabona e Mpingu eri nyigule, na mwene -omuntu ayimanzire ekulyo kwa Nnamahanga! ⁵⁷ Banaci genda orhuhababo, bafuka amarhwiri, bacimwihunika kwo caligumiza . ⁵⁸ N'erhi baba bama mukul'omu lugo, bamu banda amabuye, abahamirizi baliba rherekize emyambalo yabo aha magulu g'omwana w'omusole, izino lyage ye Saulu. ⁵⁹ Erhi baba bakola badwirhe bamubanda amabwiye,Stefano akashenga, erhi : Yagirwa Yesu oyankirire Omuka gwani. ⁶⁰ Oku bindi anaci fukama,ayakuzan'izu linene, erhi: <> N'erhi ayusi derh'ako kanwa arhenga mw'omuka.