¹ Omwishengero lye Antiokiya mwali abalebi n'abalimu: Barnaba, Simeoni ye waderhagwa Niger, Lukiyo we Kurene, Manaeni, waleragwa haguma bona kavurneri Heredi, na Sauli. ² Amango babire balibakolera Nnamahanga omu mukolo gwabo, erhi banacishalisizè, Mûka gwa Nnamahanga ababwira erhi: Muberulire Barnaba na Sauli banjirire omukolo nabahamagaliraga. ³ Ntyo, enyuma ly'oku cishalishasa n'okuhuna, babahirakwo amaboko, babalika bagenda. ⁴ Barnaba na Sauli erhi baba bamarhumwa na Mûka gwa Nnamahanga, bayandagalira Eseleukiya, eyo munda baja omu bwarho bayicira oku kalwa k'Ekipro. ⁵ Erhi bahika e Salemu, barhondera oku yigiriza akanwa ka Nnamahanga omu mashengero g'Abayahudi. Bali boshi na Yohana oku barhabala. ⁶ Erhi ba babamagerha bamagera oku kalwa bahika Epafu, barhimana yo muntu muguma w'obunywesi izino lyage ye Bar-Yezu, ali Muyahudi, ⁷ ali boshi n'omurhambo Serguyo Paolo, mtu mwenge. Oku handi ahamagala Barnaba na Sauli, analonza oku yunva omwanzi gwa Nnamahanga. ⁸ Cikwone Elima, olya mulozi, - kw'izino lyage lya derhagwa, - alahira oku omurhambo arheje eyo munda, n'okuhindula obwemere bwage. ⁹ Ago mango Sauli, ohamagalwa Paolo, ayunjuzibwa Mûka Mwimana, amuseza kw'amasu, ¹⁰ anaderha erhi: Oyu murhebanyi na mubi, mwene lyangombe, mushombanyi w'okuli, korhakaleka oku hindula enjira za Nnamahanga zikubusire? ¹¹ Bwonabuno, olole, okuboko kwa Nnamahanga kuli enyanya zawe, waba muhurha, orhashubi bona obulangashane bw'izuba okusanzi kasungunu. Hona ho olwikungu n'omwizimya byamuhokera, arhondera alonza, n'okumamarha, abantu bankamulongolana. ¹² Erhi omurhambo, abona ebijirikine, ayemera, asomerwa n'amigirizo ga Nnamahanga. ¹³ Paolo na ababo, banacirhenga Epafu, bayicira enyanja kuja e Perge omu Panfuliya. Yohana aciberula okubabo ashubira e Yerusalemu. ¹⁴ Kurhenga e Perge bashimba enjira ye Antiokiya ye Pisidiya. Erhi baja omucishagala oluzira lw'abayahudi, batamala. Enyuma lw'okusomwa kw'emyanzi ya marhegeko n'eya balebi, abakulu b'ecishagala barhuma omuntu mpu ababwire: Bene wirhu, erhi akaba mugwerhe akanwa kwanine aba bantu, mukaderhe. ¹⁶ Paolo ayimuka, ana, cilambula okuboko, aderha: Mwe bantu b'Israeli ninyu mwe murhinya Nnamahanga, muyunvirhizé! ¹⁷ Nyamuzinda wabo bantu bab'Israeli acishozire balarha. Aheba olw'olubaga omu lukengwa amango bali nka bigolo omu chihugo c'Emisiri, anabakula muli eco cihugo n'okuboko kwage kw'oburhwali. ¹⁸ Abalisa hofi myaka makumi gani omw'irungu; ¹⁹ ana, cishereza mbaga nda omu cihugo ce Canani, abashubiza ishwa okuba lyabo. ²⁰ Enyuma zaho, hofi myaka magani gani na makumi garhanu, abaha abahanuzi, kuhika amango g'omulebi Samweri. ²¹ Bahuna babe n'omwami, na Mungu abaha, Sauli, mwene Kushi, w'omu mulala gwa Benjame, ayima myaka makumi gani. ²² Kuba bamulahira, abaha Daudi kuba mwami wabo,aderha ogwage erhi: Nabwine Daudi mwene Yese, mtu ntonyizi, anajira nk'oku n'onzize kwoshi. ²³ Muguma w'omu bûko bwa Daudi ye Mungu alaganyagya ab'Israeli ye okuba muchunguzi ye Yezu. ²⁴ Embere arhasagiyisha, Yohana ali amayigiriza olubaga lw'ab'Israeli oku lugokole luna batizibwe. ²⁵ Amango Yohana ali hofi h'okufa aderha: Arhali nw'olya murhanyize; cikone, enyuma lyaani hayishire oyu ntankahogola ebirato ayambirhe. ²⁶ Bene wirhu, mwe b'omu muburhwa gw'Abrahamu, na ninyu mwe mukenga Mungu, mwe mwarhumirwe oku mwanzi g'obucunguke. 27 Bulya abantu be Yerusalemu n'abakulu baako barhamanyaga Yezu ye ndi, na, erhi, emyanzi y'Abalebi yakagi somwa ngasi lusiku luzira lw'Abayahudi. ²⁸ Cirwakaba ntyo barhobonaga eco bagwarhirako lya bamutwire olubanja mpu afe, badosa Pilato mpu amuyîrhe. ²⁹ Erhi, kuba buzida bamahikiriza nk'oku byaliyandisirwe kuli ye, bamumanika oku musalaba, bamuhonola n'oku muhira omu nshinda. ³⁰ Cikwone Mungu amufûla. ³¹ Nsiku nyinji akabonekera balya balimukulikire kurhenga e Galilaya kuhika e Yerusalemu, nabo baba-bakola badima baage emw'olubaga. ³² Na nirhu rhwene, rhumudwirhire eyi myanzi y'omurhula ya Mungu alaganyagya ba sho kukuza mpu bajire. ³³ Mungu arhujiriraga nka bana have, erhi afûla Yezu, nk'oku by'andisirwe omu nyimbo ziderhwa Zaburi cihimbi ca kabiri: Oli mugala wani, ene lyo nakuburhaga. ³⁴ Amufulaga omu bafîre lyo arhanagi cihola, ko cidesire erhi: Na nacimuhe emigisho mimana enali y'okuli nalaganyagya Daudi, eyo migisho eshinganine. ³⁵ Co cirhumire ashubiri mu manyisa omu cindi cihimbi erhi: Orhankalika owawe ahola. ³⁶ Yeehe, Daudi, amango gage akozire ebi Mungu ali rheganyize akola, buzinda âfa, abishwa hofi na bashakuluza bage, ahola. ³⁷ Cikwone oyo Mungu afûlaga arhaholaga. ³⁸ Cikwone, bene wirhu, kuli ye rhwayigirizibwe oku babalirwa ebyaha, ³⁹ na ngasi yeshi wamuyemire adosibwa nayé bilya byoshi murhankadosibwe kugera amarhegeko ga Mûsa. ⁴⁰ Erhi, mucilange lyo muleki hikirirwa n'ebya lebagwa: ⁴¹ Loli, mwe muganywa, Musomerwe munahirangire; bulya amango ginyu najira omukolo, omukolo gulya murhankayemera ciru omuntu ankakuganirirago. ⁴² Erhi bahuluka, babahuna mpu bashubirire olusiku luzira bashubi derha oko ko munanene; ⁴³ erhi; ihano lihwa, abayahudi n'abantu bayemeraga idini bashimbulira Paulo na Barnaba, nabo babwira n'oku bashimbiriza mpu, barhalekaga okucishwekera oku bugashane bya Mungu. ⁴⁴ Omu lusiku luzira lw'abayahudi lwali kulikire, hofi boshi b'omu lugo barhimanana mpu bayunve akanwa ka Mungu. ⁴⁵ Erhi Abayahudi babona abo bantu banji bayagalwa bwenene, balahira ebi Paulo aderhaga, babihindamula banamujacira. ⁴⁶ Paulo na Barnaba banababwira n'oburhwali: Kushinganine mubwirwe burhangiriza emyanzi ya Mungu; cikwone, bulya muli mwalahira munabwinine oku murhakwanini okunali obuzine bw'ensiku na mango, labagi, rhukola rhacijira emwabarhali bayahudi. ⁴⁷ Bulya ebyo rhurhegesirwe na Nnahamwirhu: Lyo mpisa obwalagale omu milala, lyohisa obucizè ngasi hoshi hoshi omw'igulu. ⁴⁸ Erhi abarhali bayahudi bayunva ntyo, barhonderha okucitakira akanwa ka Nnahamwirhu, na ngasi balirheganyizibwe obuzine bw'ensiku na mango bayemera. ⁴⁹ Akanwa ka Nnahamwirhu kagandaza omu cihugo coshi. ⁵⁰ Cikwone bashumika bakabakulula bakagashaniza n'abantu b'omu lugo; barhuma Paulo na Barnaba, bashimburwa babakaga emwabo. ⁵¹ Paulo na Barnaba babakumulira kw'oluvu lwabali omushando, bacira e Ekania, ⁵² abagirizibwa basima bwenene n'okuyunjuzibwa Mûka Ocesibwe.