¹ Banda omu shekera omu Siyoni,omubeze oku mushozi gwani guchire!abal'omu chihugo boshi bajugume:Bulya olusiku lwa Nnamahanga luyishire bulya luyegerire. ² Lusiku lwa mwizizi,Lusiku lwa mwizizi,lusiku lwa bitu na lwa lubi,luyishire nka mulazo gwa chiyalagaza oku ntondo.Hali olubaga lwinji na lwa misi,nk'okurha sangi boneka,nanka kurhankaba omu myaka ya isha. ³ Emalanga gabo gilu muliro gwa k janganula,enyuma lya lyo ngulumira eyasire.Echihugo chali nka ishwa ly'Edeni burhanzi lero likol'irungu.Ntaye wa chizire. ⁴ Kubabona wanaderha mpu nfarasi walibisire nka abashona oku nfarasi. ⁵ Oku bayunva bana derha mpu lubi lwa mituga y'entambala oku nyanya ly'entondo,zaja libirha,wana derha mpu bidirho bya muliro guligwa gulumira nka gwa yoch'emilonge,nka basirika ba misi bachikubwir'oku ntambala. ⁶ Embere zabo olubaga lwa juguma,amalanga goshi gahinduke n'echoba. ⁷ Balibirhe nka balwi ba ntambala,bashone oku nkuta nka bantu ba ntambala;ngasi muguma arhol'eyage njira buzira kurhera olugero lwage. ⁸ Ntaye wakulumbya owabo,ngasi muntu alange omulongo gwage;bachi kanika aha karhi k'e nyumpa buzira ku shandakana. ⁹ Bachiyalagaza omu bishagala,balibirhira oku nkuta,bashona oku nyumpa badahira aha madirisha nka bishambo. ¹⁰ Emalanga gabo igulu lya juguma,empingu za dundagana,izuba n'omwezi gwaba mwizizi.entonde za rhenza obulangashane. ¹¹ Namuzinda ayunvis'izu lyage embere z'abasirika bage;buly'akampi kage kali kagali.N'omu hikiriza w'akanwa kage agwerhe obuhashe;bulya olusiku lwa Namuzinda luli lu nene,lwa chisomeza:Ndi wakalutugika? ¹² Kandi Namuzinda achiri derha,galui emunda ndi n'omurhima gwinyu gwoshi,haguma n'oku chishalisa,n'okulaka,n'oku yama! ¹³ Ber emirhima yinyu ch'arhali emishangi yinyu,muna galuke emwa Namuzinda Nnamahanga winyu;bulya ali waku babalira na wa bwonjo,mulembu oku bure na mugale oku bwonjo anaka gaya amabi. ¹⁴ Ndi omanyire oku arhaka galuka n'oku hinduka n'oku rhusigir'emigisho yage,entulo n'echinywebwa emwa Namuzinda Nnamahanga winyu? ¹⁵ Shurhi omushekera e Soni!kubizi oku chi shalisa,shambazi obushinganane buhamu. ¹⁶ Muhir'olubaga haguma,jiri obushiganane buchire,muhire abashosi haguma,muhir'abana haguma,chiru n'abali ba yonsa!omu hya mulume ahuluk'omu mwage,n'omuhya mukazi ahuluk'omu chumpa chage! ¹⁷ Abajinji balakire omu ka Namuzinda aha kagarhi k'echoluso n'enterekero abakolera Namuzinda,baderhe:Namuzinda ober'olubaga lwawe obwonjo!orha bonesagy'abantu bawe nshonyi,mpu libe itwiro lya migani omu mashanja!bulya gurhi baka derha omu bantu:Ngahi Nnamahanga wab'ali? ¹⁸ Namuzinda ayunjwire bwagalwa enyanya ly'echihugo chage,ana lanzire olubaga lwage. ¹⁹ Namuzinda ashuza,abwizir'olubaga lwage:Loli,namurhumir'engano,n'idivai n'amavurha,mwanayishi yigurha;ntana kachi muleka mubon'enshonyi omu mbaga. ²⁰ Namuheba hali n'abashombanyi b'enyanya inyu,nayishi ba hinvira omu chihugo h'emboho n'irungu.Baguma babo bali mbere baja omu nyanja y'e bushoshokero bw'izuba,omber nyuma omu nyanja y'idaki l'izuba;emirhumba yabo yakauduka mw'ibaya lya lumira omu chihugo choshi.Ntyo kwo bashugunuka balya bakujirir'amabi,buly'amajira binji. ²¹ Igulu, orha yobohe,j'omu busime ona chishinge bulya Namuzinda bulya Namuzinda amajira bintu binji! ²² Nsimba z'omu mashwa,murhayobohe.Bulya embanda z'omwirungu nayishi galuka,bulya emirhi ya leheka amalehe,mtini n'omuzabibu bya han'obugale bwabyo. ²³ Ninyu mwe bana b'e Siyoni mushagaluke muna chishinge omu Namuzinda Nnamahanga winyu,bulya ayishi muh'enkuba omu kasani kayo,ayishi murhumir'enkuba ntanzi n'enzinda nk'oku byana baga. ²⁴ Enyibo z'okuyungulula za yungulula engano n'emikenzi ya yunjula manvu n'amavurha. ²⁵ Namugalulira emyaka yalibagwa n'enzige Jeliki.hazile,gazmu,basirika nali murhumire. ²⁶ Muyishi lya munayigurhe munayigurhe,munayishi kuz'izino lya Namuzinda,Nnamahanga winyu,owa yishi bajirir'ebisomerine;n'olubaga lwani lurhaka chi liula. ²⁷ Mwanayishi manya oku ndi omu kagarhi ka Israeli,oku ndi Namuzinda,Nnamahanga winyu,n'oku harha chiri owindi,n'olubaga lwani lurhaka chiba omu malibuko. ²⁸ Ahanyuma lyebyo,nayishi bulaga muka wani oku banyu boshi;bagala binyu n'abanyere binyu bayishi ka leba,abashosi binyu bayishi ka lorha,n'emisole yinyu yayishi ka bonekerwa. ²⁹ Chiru oku bakozi omwezo nsiku nayishi nayishi galagaza omu rhima gwani. ³⁰ Nayishi langulana ebisomerine omu mpingu na han'igulu,omuko,omuliro,n'echigi; ³¹ Izuba lya yishi hinduka mwizizi,n'omwezi omu muko,embere z'okuyisha kwa Namuzinda,olwo lusiku luzibi na luzibu. ³² Aho ngasi awhamagala izino lya Namuzinda ayishi chira;obuchunguke bwayishi ba oku ntondo y'e Siyoni n'e yerusalemu,nkoku Namuzinda aderhaga,na haguma n'aba Namuzinda ayishi hamagala.