¹ Hanyuma y'ibyo, ku ngoma ya Aritazeruzi umwami w'i Buperesi, Ezira mwene Seraya mwene Azaria, mwene Hilukia, ² Mwene Shalumumwene Sadoki, mwene Ahitubu, ³ Mwene Amaria, mwene Azaria, mwene Merayoti, ⁴ Mwene Zerahia, mwene Uzi, mwene Buki, ⁵ Mwene Abishua, mwene Finehasi, mwene Eliazari, mwene Aroni, umutambyi mukuru. ⁶ Ezira uwo azamuka av'i Babuloni; kandi yar'umwanditsi w'umuhanga mu by'amategeko ya Mose yatanzwe n'Uwiteka Imana y'Isiraeli. Umwami amuha ibyo yamusabye byose, abiheshwa n'ukuboko k'Uwiteka Imana ye kwari kuri we. ⁷ Nuko bamwe mu Bisiraeli bazamuka n'abatambyi n'abakumirizi n'Abanetimu; abo bajy'i Yerusalemu mu mwaka wa karindwi wo ku ngoma y'umwami Aritazaruzi. ⁸ Ezira agera i Yerusalemu mu kwezi kwa gatanu ko mu mwaka wa karindwi uwo mwami ari ku ngoma. ⁹ Ndetse yahagurutse ku munsi wa mbere w'u kwezi kwa mbere, ava i Babuloni; maze ku munsi wa mbere w'ukwezi kwa gatanu agera i Yerusalemu, abiheshejwe n'ukuboko kw'Imana ye kwari kuri we. ¹⁰ Kuko yari yaramaramaje mu mutima gushaka amategeko n'amateka. ¹¹ Nuko aya magambo yakurikije ayo mu rwandiko umwami Aritazeruzi yahaye Ezira umutambyi n'umwanditsi; ndetse yari n'umwanditsi w'amagambo y'amategeko y'Uwiteka n'ibyo yategetse Abisiraeli. ¹² Aritazeruzi umwami w'abami yandikiye Ezira umutambyi, umwanditsi w'amategeko y'Imana nyir'ijuru n'amahoro masa n'ibindi. ¹³ Ntegetse itegeko, abantu b'Abisiraeli bose n'abatambyi babo b'Abalewi bari mu bihugu byanjye abashak'abwabo kujya i Yerusalemu, ngo mujyane. ¹⁴ Kuko njyewe umwami n'abajyanama banjye barindwi tugutumiye nguje kubaza by'i BUyuda n'i Yerusalemu, kuko amategeko y'Imana yaw'ufit'ameze. ¹⁵ Kandi ngujyan'ifeza n'izahabu ibyo njyewe umwami n'abajyanama banjye twatoy'Imana y'i Isiraeli ib'i Yerusalemu. ¹⁶ Kandi feza yose n'izahabu uzasanga mu gihugu cy'i Babuloni cyose, hamwe n'amaturo y'abantu n'ayabatambyi baturir'inzu y'Imana yabo ari Yerusalemu babikunze, badahatwa. ¹⁷ Nicyo kizatum'ugir'umwete cyane wo kujyan'izo mpiya, ukazigur'ibimasa n'amasekurumu y'intama n'abana b'intama, hamwe n'a,aturo y'amafu nay'iyokunywa aturanwa nabyo, akabitambira kucyotero cy'inzu y'Imana yanyu i Yerusalemu. ¹⁸ Kandi ibiza saguka kuri izo feza n'izahabu, wowe n'abanye wanyu uko muzashaka kubigenza, muzabigenze mutyo mukurikije iby'Imana yanyu ishaka. ¹⁹ Nibintu uhabwa byo gukoresha munzi y'Imana yawe, uzabimurikir'Imana i Yerusalemu. ²⁰ Kandi n'ibintu byose bazashaka kubw'inzu y'Imana yawe iby'uzab'ukwiriye gutanga, uzaja ubikura munzu ibikwamw'ibintu by'umwami, ubitange. ²¹ Njyewe ubwanj'umwami Aritazaruzi, ndegets'abanyabintu banjye bo hakurya y'uruzi bose, yuko icyo Ezira umutambyi, umwanditsi wa mategeko y'Imana yir'ijuru, azabaka cyose, kizaja gitangwa n'umwete wose. ²² Bikagarukira kw'italanto z'ifez'ijana, n'intego z'ingan'ijana, n'inshuro z'intango za vino ijana, n'ibibindi byamavuta ijana, n'umunyu udafit'urugero. ²³ Ikiza tegekwa n'Imana nyir'ijuru cyose gukorwa kunzu yayo, kije kikorwa bitunganye; kugira ngo uburakari butagera mugihugu cy'umwami n'abahungu be. ²⁴ Kandi tubasobanurir'ibyabatambyi n'Abalewi, n'abaririmbyi, n'abakumirizi n'abanetinimu n'abagaragu b'iyo nzu y'Imana bose uko bangana, nta tegeko ryo kubak'umusoro cyangw'ihoro cangw'ikoro. ²⁵ Kandi nawe, Ezira, uk'ubwenge bw'Imana yawe bukuri mo, uzatoranya abatware n'abacamanza bo gucir'imanza abantu bo hakurya y'uruzi, abaz'amategeko y'Imana yawe bose; nutayazi muje muyamwigisha. ²⁶ Maze utaz'emera kwitondera amategeko y'Imana yawe, n'amategeko y'umwami, bajye bagir'umwete wose wo kumucir'urubanza, rwab'uryo kwicwa, cyangwa urwo gucibwa cyangwa urwo kunyagw'ibye, cangwa uro kumuboha. ²⁷ Uwiteka Imana yabasogokuruza ishimwe, yashize mumitima w'umwami imigambi imez'ityo, yo kurimbish'inzu y'Uwiteka i Yerusalemu. ²⁸ Kandi niyo yasanga urihw'imbabazi zayo imbere y'Umwami n'abajya nama, n'imbere y'ibikomangoma bye bikomeye byose. Nuko mpeshw'imbara n'ukubo k'Uwiteka Imana yanjye kwari kuri njye; mpera ko nteranya abakuru bo mub'Isiraeli ngo tuzamukane.