¹ Bhafarisayo na bhatiranyi bha myomba bhiya ku Yerusaremu kuri Yesu; bhamushisha ² Bhushwa nki e bhemisa bhabhe bhanoange mihaniriso y'e bhakungu? Bhushe bhatangashua e mine bhusondori we rerisa. ³ wasubhiye bho: na bhanu, bhushwa nki munoa e momba wa Ongo. bhushwe n'erukusu rwe mihaniriso inu? ⁴ Bhushwa Ongo webhanga; subhaha so na nsoko, na: kinsi waseherayo ishe ari nina wakomenwa ubhansa rwikwa. ⁵ Ina bhanu mwebange: kinsi usebhayo kuri ishe ari kuri nina; e chamukusake mwani, natunja cho uhembo kuri Ongo nti ti wasubhaha ishe ari nina. ⁶ munoa e kinwa cha ongo bhushwa ne bhusukute we muhaniriso inu. ⁷ Bhakorotima, Isaya waronjanga bhutahwa wakonda kuri bhanu, warekia webha; ⁸ E bhea mbi bhansubhaha mumitutu, ina emitima yabho irikore nani. ⁹ Bhanubhengi bhusa mbu bhansubhaha, mor' ihana kinwa kai myomba ya bhea. ¹⁰ Warekiya wamabhikira enkumananano ehari we, washisha yo: murukire, ni teerera. ¹¹ Ntye kikimengi mo bhunu ngi kibhishange e mwea; ina ekisaange mo bhunu ngi kibhishange e mwea. ¹² Himpo e bhemisa bheya: bhamwire ongosi mbwe e bhafarisayo bhakushunana, e ntambi ya kurukirangabho e kinwa nchi? ¹³ Ina wasubya, webha: kinsi mbuto nji nti y'ekwa na Tita w'ekwiyo isekuranyiwa. ¹⁴ Mureki bo ; ibho bhihumihumi, ne kihumihumi cha menja kimbe kihumihumi e bhati, nti bhaakire mu kiribhu. ¹⁵ Petero wasubya wa mwire: tuturi e mushinga uno. ¹⁶ Yesu weba na banu nti nenki muteerera. ¹⁷ Nti bhanu mosi mbu ekiti kikimengi mo bhunu chetange na mo bhura nti chatawa na mo wiya? ¹⁸ Ina e bhitukange mo bhunu bwemweya bhisaange mo mutima; na byo byariya e mweya mu bhubhi. ¹⁹ Bushwa mu mutima ngi mutukange e mwanikiri wema, ishura, bhurasharasha bhusingirani, wibhi, kariho ka bhushukishuki, nkambao; ²⁰ Bhino ngi byakiya emwana we mweya mu bhisha; ina eririsa ntinashuwa emina ritamuniriya mu bhubhi. ²¹ Yesu watuka hiha wenda mo ruharo rwa ku Tiro na ku Sidoni. ²² Sunga, mumina mu kanana watuka munkati ne byati, wabhikira emurenge webha: ni kwiri bhonso e Nyerekurwitu, ongo musike wa Ndaudi: e kikumi chani kinubhiwange ne bhashumbu. ²³ Ina iwe nti wasubya kinwa, e bhemisa bhae bheya, bhamwire; mureki wendi rwae; bhushwa ukiyange bhurunga kurumwa nitu. ²⁴ Ina wasubya, webha: ntineya ina bhushwa ne sa mburi sarerimina mo numba ya bha Israeri. ²⁵ Ina wiya, na kwihicha webha: Nyerekirwitu, nisaki. ²⁶ wasubya, webha; ntirarengekana itinge e bhiyo bye bhana n'itaire byo mbibhi. ²⁷ Ina iwe weba; iira, e Nyerekurwitu; e mbibhi nayo irisanga mbi bikirengi mo bhutanda harirengi nyerekurwabo. ²⁸ Yesu wasubya wa mwire: ongo mumina, erisimira rabhe rikiri, ribhunduki imbu bhusondange ongo. E kikumi chae charama mu ntambi iya. ²⁹ Yesu watuka kuko weya kumushi ne nyansa ya ku gariraya; wataya mu rou, warika. ³⁰ Kikembe kikiri cha mwiyere nti bhari na bheya nkata, bhihumihumi, bhatwitwi na bhampe bhingi hima nabho; bhariya bho hamakako nae; wa ramya bho; ³¹ n'enkumanano y'isarima, bharekiya bhasunga e turumbu tw'ebha, esankata sasimana. nabho bhenda ne bhihumihumi byakae; bhatata Ongo wa bha Israeri. ³² Yesu wabhikira esantumwa sae kuriwe webha; Nasunga bhonso bhushwa ne kikembe bhushwa matu ashatu ano bhari hima nani, nabho basira chirisa. Ntangasonda irekebho bhendi na ntibharisa bhamenda kachikane mu munse. ³³ E bhemisa bhamwire bhuni ngwashee bhate tumbonsa twingi twamusukucha e kikembe kiti nchi hano munkati n'e bweru. ³⁴ Yesu were bho bhanu muri na tumbosa tunga? webha: turinda, na nchwi sikeke. ³⁵ Webha mbu e bhea bharike, ³⁶ Watinge etumbonsa turinda n'ebhikuro watata, wa bhenga to, waninka to e bhemisa nabho e bhemisa bhaninka e bhea. ³⁷ Ne bhati bharisa bhasukuta, bhasonja imbi byasianga mitundu irinda. ³⁸ Nambi e bharisanga abhesenga bhabhume bhihumbi bhinye, hima n'e bhomina n'e bhana. ³⁹ were e bhea bh'enda, wakime na kubha mo wato weya mu byati bya kumagadani.