¹ Erotundo Yesu watuka mo numba warika kumushi ne nyansa. ² Bhea bhingi bhamwemisa nti bhari kumushi nae, wakime mu bhwaato, warika. E bhea bhati bhabhesa nti bharika kumushi ne nyasa. ³ Warebho mu mishumo mu bhikai bhingi, washisha bho. ⁴ Muhingi uma watuka wenda keka, wakia wekange mbuto sima sakirae kumushi n'ense, mironge yiya yarisato. ⁵ Simpe sahuka mu makoi hasira oto rwa sonda bhushi nti sasheenga oto. ⁶ Arekia ematu emwishi eya sashire sakama bhushe sisira miri. ⁷ Simpe sahuka mu menke emenke y'iondonda kurito sasonda. ⁸ Simpe sahuka hari oto rwa konda, sabhuta mbuto, sima sabhuta iyana, simpe makumi mutubha, simpe makumi ashatu. ⁹ Kinsi uri na mate iyorukira werukire. ¹⁰ Esantumwa siya kumushi nae, samwire bhushanki ongo shishangebho mu mishumo? ¹¹ Yesu wasubiebo bhushe murininkwa bwenge bhwe sibha bhishisharo bhye bhwime bhwe kwiyo imbu nti bhwarininkwa bhampe. ¹² Bhushe ingu ukwengi waaninkwa na usebha mu bhingi, ina kuringu usira ne kiri nae wasenyakwa cho. ¹³ Ngi kisingwange nere bho mu mishumo, bhushe morikae bhatangakae na murirukira bhatangerukira. ¹⁴ Kongo ebhutahwa bwa Isaya bhwabhererera kuri bho: mukwerukirayo mo mate inu ina mutusibhiyo kikai, mukaeyo mo meso inu na mutu sungiyo. ¹⁵ Bhushe mitima y'ebea mbi yasuma nguru, bhasumyayo emate abho na bharindikayo emeso abho, kongo kiro bhakae mu meso abho na kwerukira mu mate abho kiro bhasibha mo mitima yabho na kwesibhirira kongo naramya bho. ¹⁶ Bhakasanirwa imbi bhakaengi mu meso abho ne mate bhushe bhorukirange. ¹⁷ Nabhushisha mor'eira bhatahwa bhingi nambi b'er'eira, bhe bwenge bhahunanga isunga, n'iorukira bwerukirange bhanu na nti bharorukira byo. ¹⁸ Bhanu, mwerukira emushumo w'emuhingi. ¹⁹ Kuti mwea worukira e bhinwa na nti wasimirabyo mushumbu ntwiya kakuto esambuto mo mutima wae, nge sambuto sahukanga munkati n'ense. ²⁰ Ingu wasianga esambuto munkati na makoi, nge mwea worukirange ebinwa bya Ongo n'esimira byo na ngoa. ²¹ Ina bhisira bhuriki. ²² Ingu esambuto siri munkati emenke, ngingu werukirange ebinwa bya Ongo myereko mikeke ye chuo yasingwa ekinwa cha hunyaara. ²³ Embuto sahukenga m'oto rwakonda, ngingu worukiranga ebinwa bya Ongo n'etinge byo, wabhuta byuma, chuma kima cha bhuta iyana na kimpe makumi mutubha, na kimpe makumi ashatu. ²⁴ Wasonda ininka bo umpe mushumo webha: ebhubhake bwa kokwiyo bwa susana na mwea wekanga mbuto sakonda morishwa rae. ²⁵ Ina akiya e bhea barere, mushumba wiya weka binsari munkati ne mbuto wenda rae. ²⁶ Akiya ebhisu byameshuka ni buta byuma, e bhinsari nabyo byasaa. ²⁷ E bhakori bhiyere mine kurwabo, ukwekanga mbuto sa konda kuningi kwa kutuka e bhinsari? ²⁸ Wasubiebo emurenda ngwakukiambo, bhamwere ongo sondange tukuraebyo. ²⁹ Watina , bhushi mukia bhanu mukuraange ebhinsari esambuto nato satuka hima. ³⁰ Mureki byo bhi'ku mongo iya mor otu rwe rikao namo ntambi yerikao, nashishayo ebhakauri mukutu kasa e bhinsari mushike byo hima ni shikabyo ina esambuto sendi mo mutundu wani. ³¹ Wasonda ikera umpe mushumo, weba: ebubake bwa kokwiyo bwasusanyiwa na mbuto nkeke, mwea uma weka murishwa rae. ³² Mbuto nkeke irenga esiti, akiya yoshukange yabesa nkiri irenga esanyenyi, yabhesa muti mukiri ne mironge y'ekwiyo yakambe mo sentabhi sango muti. ³³ Washisha bho umpe mushumo, e bhubhake bwa kokwiyo bwasusana na ntero mumina uma watinge yo waria yo mu nsara ishatu sa nchano niya m'oero r'iaa. ³⁴ Yesu washisha e nkumanano e bhinwa bhiti mbi mu mishumo. ³⁵ Kongo byabererera imbi byebwanga n'emutahwa: n'obhora yo e bhunu bwani mu bhinwa, nasheayo mbi byarebiswa mo ntangiro. ³⁶ Himpo wahensa enkumanano wakime mu numba, esantumwa siya kumushinae na bhebhange, tutondori emushumo we binsari mo rishwa. ³⁷ Wasubya: ingu wekanga e e mbuto sa konda nge mwana w'emwea. ³⁸ erishwa, ng'echuo kino, e mbuto sa hunda, e bhana b'e bhubhake, e bhinsari, e bhana bha mushumbu. ³⁹ Emurenda ingu wekanga nti mushumbu; e bhakauri ngi hende chuo: e bhakauri ng'esangashani. ⁴⁰ Imbu bhukuraanga bho ebinsari nitaa byo mu kasha, bhisebhesayo bhumbo hende echuo. ⁴¹ Musike wa Ongo watumayo e bhasanasana bhae bhasekutoyo mo bhubhake bwae ebhabhisha nambi bhakiange bhubhi, ⁴² N'itaabho mo rirunga, kunko kusebhayo kiro n'eshiisha emeno. ⁴³ Bhe riira bhasanayo bhuri mwishi mo bhubhake bwa Tita, kubha ongo'ri na mate iyorukira. ⁴⁴ E bhubhake bwa kokwiyo bwasusanyiwa na bhehe byabiswa munkati niishwa. E mwea ewasheengabyo wabhisa, na mo sangoa sae wenda wachuya bhiti bhiri nae n'echura erishwa. ⁴⁵ E bhubhake bwa kokwiyo bwasusanyiwa tu na mwea mwendendi wachura muringa wakonda. ⁴⁶ Washee muringa wa bhusi bwasuma wenda wachuya ebhiti bhiri nae wachurao. ⁴⁷ E bhubhake bwa kokwiyo bwasusanyiwa tu na bhukira bwatawa munyansa na bwatinge ebiti bya kinsi nsusanya. ⁴⁸ Bwakia bwa marisa emurobi wakururabo, wakia wamarika kumushi warondora esanchwi sakonda waria to mu mutundu na wataa insi sema. ⁴⁹ Ngebusebesayo byo hende chuo, bhasanasana bhasiyayo mwikia kwa hehe ebhabhi nambi bhakonda. ⁵⁰ Na bhasetawayo murumini rw'ekasha kunko kwabhesayo kiro n'eshiisha emeno. ⁵¹ Mumerukira ebhitimbi? bharisiya. ⁵² Wire tu bho: bhusha kingi mutiranyi urina bwenge mumbi byakae ebwami bwa kokwiyo bhwasusanyiwa na mine numba wakuto mu bhehe bya bhikai bhishasha na bya kare. ⁵³ Yesu wakiya wamaheanya emishumo. ⁵⁴ Wenda ku kwabo, wenda uhanange mo sinangoki, nambi bhabhesenga bhamwerukirengi bhashishara, na bhebhange: kuni ngi kwakutowe ebwenge n'ebhishisharo? ⁵⁵ Ntingi musike wangu utunganyanga ebisai, nti Maria ngi nina, Yakobho, Yosefu, Simoni na Yuda ntingi bhasike bhabho? ⁵⁶ Na bhisi bhabho ntimbi bari munkati nitu? kuni ngi kwa kutowe ebwengembu. ⁵⁷ Na r'ibhesange kuribho myereko yefundwa, yehimwa Yesu washishabho: emutahwa usira otunda kukwabho. ⁵⁸ Nti wakianga bhishisharo bhingi nko bhushe bwe mitima yabho yasuma.