¹ akawate lokina :lo mete kenyotemi wamotshi wele lane hawovo edja polo ndo dolele da zambi damboya la kudu. ² oma shishamalo,yeso akoshi petro,jake la joani,ko akatole lo kidima kotale.Akakadimo ; ³ ahondo wande wakakadimo wema pee,ndo koyango yele wema lokete oko shoshambo ya dihondo. ⁴ Elia la Mose wakaatombe,wakasawola la yeso. ⁵ aleko dimena sho ndjaala lane;toke tohombo tosato,miotshi yaye,otoyi la mose,ndo otoyi wa Elia. ⁶ ne da ndekombeya ke mbuta,woma wakawande. ⁷ dunge dakawafee,ko doyi dakatombe oma lo dunge: one aleko onami la ngandji:nyowoke! ⁸ sasa ambeki wakawendaka aleka tshe,ndo wakeni paka yeso ndame la wo. ⁹ oko wakawayaholoka lo kidima,yeso akaashimbe daha vo mbutee oto kene kekaweeni,edja paka on'oto mbolo ma lo nyoyi. ¹⁰ wakakime oteka wako,wakayambola laasawo ele mbolo lo nyoyi. ¹¹ ambeki wakawombola wone wombola:lotewana amandiki vate paka Elia ndja tondo? ¹² Akaakadimula:Elia akoya tondo,ndo ndjokaloya akambo tshe.ko loteena akandikama da on'oto sowa efula ndo moonyola? ¹³ koko lambonyote da Elia akaye,ko wakosoya oko woho wakawalange,oko kene kekandikama lote wande. ¹⁴ Saa kekawakomi suke l'ambeki,wakeni lateyi wawo oloyi wefula,ndo amandiki wakadjaka obishi lawo. ¹⁵ Saa kekaweni yeso,wakakashimo,ndo wakalawo le ndjowemula. ¹⁶ Akawambola:abishananyu lawo? ¹⁷ ko oto omotshi la l'oloyi akokadimula:olombo, lakeela onami lapami lele la hemo k'odenge waha teketa. ¹⁸ fazi tshe ketonowondaka,akosokola lo kete;ona akatombaka lofulo,kakatanya wanyu,ndo mbola yoo.lakasengisengi ambeki waye da vo mbitshanya odenge,koko vo hawodjisha. ¹⁹ Lokohoo l'otema wolo,ambowate yeso,edja polo lande komoyala lanyu? edja polo lande komotetemala memba wetsho wenyu? nyombelande. ²⁰ wakawelande. Ko saa keko ona akeni yeso, odonge wakosotshasotsha la kudu;akako lo kete,ndo fusafusa la lofulo l'onyo. ²¹ yeso akambola shende:shi ngiana yambonoka kene hemo? oma komboto yande,akokadimula shende l'ona. ²² ndo mala efula odenge wakosokolaka lo dja ndo laashi da mboyaka. koko,kana wekokaka tshe yoho miotshi,otokimanyia,otoke ketshi. ²³ Yeso akawote:naka wekokaka!...Tshe ndjalaka wodu le one lele la deetawo. ²⁴ ko kanga ona akawana:lambetawo!yaka y'okimanyia l'otema wolo wami! ²⁵ Yeso akeni oloyi w'ato wayalawo,akahangwe odenge ate:we odenge wahateketa ndo ehoke,lambokote te,tomba male okona,ndo tokaloyake lokina. ²⁶ ko akatombe,akaawana,ndo mbosotshasotsha la kudu tshe.ona akayala oko oto lambovo,lowohowa efula wakataka bate akavu. ²⁷ koko yeso,akokime lo lonya,ndo memada.ko akemala. ²⁸ saa kekoto yeso lolodu,ambeki wande wakawombola laasawo:lotena wahatatshanyisha onodenge? ²⁹ akaakadilmula:odenge wakotomba paka lo dombelo. ³⁰ wakamo malestshiwo,ko waka teho Galilaya.yeso konanga bo mbeya. ³¹ ne da nde akafundishaka ambeki wande,ko akawate:on'oto akokimwama laanya waato;wakoyaka,ko,ma lokongo wa shi shato ya ndevo,akoolo. ³² koko ambeki wande komboka oso otekeka,ko wakoke woma mombola. ³³ wakakomi le kapernaome.saa keetshinde lolodu,yeso akawambola: lotena wa djanyu obishi lo mboka? ³⁴ koko wakakite kii,ne da lomboka wakadjaka obishi laasawo da mbeya etshi opalanga. ³⁵ ko akakite,akelee dikumi l'ahende,ko akawate:naka oto akolanga ndjaala wa tondo,akoyala le mwisho wa tshe ndo osolemu wa tshe. ³⁶ ko akoshi yana ya dikenda,akokitsha laatei wawo,akokime lanyande ko akawote: ³⁷ onetshe lolongola lolokombo lami otoyi laasa aneena;amonongola lemee;ko la nongola,hanonongola lemi,koko one lakatomi. ³⁸ joani akawote:mwadimu, takeni pami kemotshi atshanya edenge lolokombo laye;ko takoshimbe,ne da nde kotoyela. ³⁹ hanyu mboshimba,akakadimula yeso,ne da kowoto, lotshe dihindo lolokombo lami,lakoka teketa koolo lotemi. ⁴⁰ one lahatohetsha aleko laso. ⁴¹ ko one lonyosha kopo daashi dano lolokombo lami,ne da nyu nyaleko wa kristo,lambonyote lo mete,nde hoshisha madipo wande. ⁴² koko,naka omotshi ombotakanya dikenda dimotshi dambetawo,akoleka dimena lende wawodje dive da woke lo wodi,ko mbosokola laashi. ⁴³ naka lonya laye laleko djonga ya weko,hembolalo;akoleka dimena leye mboto la lonya otoyi lo dolelo, ⁴⁴ ko wohomba wa ndjaala la anya ahende ndo tsho lo difuku da dja daha dimalaki poo. ⁴⁵ naka lokolo laye laleko djonga ya weko,hembolalo;akoleka dimena we mboto etshumbe lo loseno la poo, ⁴⁶ kodiko we ndjaaja l'ekolo weko ehende ndo sokoma lo difuku da dja daha dimalaki. ⁴⁷ naka so daye daleko djonga ya weko,nya do; ajoleka dimena leye mboto la so otoyi lo dolelo da zambi,kodiko ndjaala la washo ahende ndo sokoma lo dja, ⁴⁸ lenele osoho wa wo hawovokaki. ⁴⁹ ne da oto tshe okodjama leho la dja. ⁵⁰ leho aleko yango ya dimena;koko naka leho laya kema la pe,lana onyo likaya pe?nyoyale la leho lenyu nyame,ndo nyonge la kii amotshi la akina.