¹ Looshi yako, ato efula wakaye le tondo ke Yeso, ko vo kondjala la dango dande, laso ko Yeso akelee Ambeki ko nde mbatee ate: ² La mbilola la kangi lote wato wane; neda tatee shi shato waleko suke lami koko koodango da vo nde. Naka lemi mbatoma le kawo, ne da amotshi laasawo oma letale. ⁴ Ambeki wande wakookadimola vate: na woho wotsheso mbalesha lane lo shenga? ⁵ Yeso akawambola ekate nyana wele lanyu? Esambele. ⁶ Laso ko Yeso aka kitsha ato lo kete akoshi ekate wako esambele, mala nde mboka losaka aka waatee, ko nde mbisha Ambeki da vo paka ko vo wakahake lee ato. ⁷ Weetshi ndo la to sese, ko Yeso mboka lokina losaka, ko nde paka woho wako. ⁸ wakale ndo waka lote ko waka tongona tunga esambele da ekate waka tshikala. ⁹ weetshi ato suke la defu neyi l'okongo ko Yeso mbahandjola. ¹⁰ Kaako ko Yeso mbudee lo wato nde l'Ambeki wande, ko aka tshu longelo ke Dalmanutha. ¹¹ Wafarisayao wakaye, wakatate mamanee la Yeso ndo da vo nomba, waka lombe djembetelo yama l'olongo. ¹² Yeso aka lodama la nyuma k'ololo, akate ate: lotekona loodi lone nombaka paka djembetelo? Lambonyete mete tee: hanyena djembetelo nyu loodi lone. ¹³ Omalaso nde aka moo lewo, aka dee lookina lo wato da nde tsho le wedi wa hende. ¹⁴ Ambeki wakohee da mbosa ekate, wetshiko l'otoyi lo wato. ¹⁵ Yeso aka washaka: nyoene aha la woduya Wafarisayo kana aha la woduya wa Herode. ¹⁶ Ambeki waka kaniyaka lasawo ko vo mbutaka lote wa sho kema l'ekate. ¹⁷ Yeso akeye keso, ko nde aka watee: lotekona akaniyanyu lote wahanyu l'ekate naa? laso nyalekoko ko tomba? lookina ko ndo hanyoke? onde nyaleko l'otema kudu? ¹⁸ Nyaleko la washo koko hanyini? nyalelo l'atoyi ko hanyoke? ndo nyu kema la wengo ? ¹⁹ Saa kekamalesha ekate etanu lote wato defu tanu tunga ngana da betshi d'ekate da kanyatongona? dikumi l'ahende kekawokadimola. ²⁰ Lo saa kekamalesha ekate esambele le ato defu neyi asaka angana wolodi lateni wakany'ela? kekawokadimola. ²¹ Aka wate ate: nyotoke lokina? ²² Waka tshu tsha le Betesaïda ko wake laa Yeso kanga Dimi, kakawolombe da nde mbo kime. ²³ aka kime Dimi, la lonya ko nde ako tome laandja wa ngelo; ko nde mbodja losoyi lo washo mbahe anya ko nde akawombola naka ambena yango myotshi. ²⁴ Akeende ko nde mbuta lambena ato koko lambena oko etamba wakendakenda. ²⁵ Yeso aka wodje lookina anya lo washo ndo ko saa Dimi ak'enda tee aka kalangana ko mena sawasawa. ²⁶ Laso Yeso akotome lo loodu lande aka wotee: totoke longelo. ²⁷ Yeso aka tshu, l'Ambeki wande lo ngelo ke Kaïsariya ka Filipo, aka wambola lo mboka ate: atawo elemi? ²⁸ Wakokadimola: Joani yo Batizani, akina, Eliya, akina, otoyi l'ateyi Wembutshi. ²⁹ ko nde aka wambola, ko nyu ambutanyu elemi? Petero akokadimola: wee kele Kristo. Yeso akaa shurutisha kiokomiya da aha mbutee keso le oto kina. ³¹ Laso akatatee mbafundisha da akahombama d'on'oto sowa efula, akasokoma l'epalanga, l'elombodi wa Wakohani, ndo le w'Endele ko ndo vo, ndo akolo kisha shi shato. ³² Aka wateka akambo aso hwehwe. ko Petero, aka tshu lande l'omamu, ko nde mumee ³³ Koko Yeso aka kadimola ko nde menda Ambeki wande ko nde pangwe Petero, ko nde mbuta nyoye l'okongo wami! lote wa we hokanya akambo wa Zambi, koko paka tokani t'ato. ³⁴ Ko akele oloyi w'Ambeki wande aka wate: naka akina nangaka ndja ma lemi, ayatee ndame ambedama musalaba wande ko nde ndjela mi. ³⁵ Naka kanga la langa mbitsha loseno lande ako lihombaa, koko kanga la shisha loseno lote wami ndo lote woteketa ako lotsha. ³⁶ Ko akimanyiande le oto da kondja tshee naka amboshisha anima wande? ³⁷ Ahombande mengonya la anima wande? ³⁸ Ne da one loomboka soni ndo d'oteketa wami letondo ke kumbo kene keloseka, ndo kepekaato, on'oto ndo nde akowooka soni saa koondoya lolotombo la she, kaae la wamalaïka.