¹ L'okongo wa loshi la Sabbato mbeta. Maria l'ose Magadala, Maria nyangende la Jakobo, ndo Salome, waka sombe malashi lote wa vo totee odo wa Yeso. ² Lo loshi l'otoyi la lo yinga, wakatshu lo doombo, la pendju ke lokese oko woho wakayatombaka yani. ³ Wakayataka vate: o toniya dive etale la wotwelo ke doombo? ⁴ ko weda washo l'olongo, wakeni da dive ne deki woke dakone lo doombo. ⁵ Wakoto leteyi ke doombo, wakeni olongolongo wa pami okiti lo lonya la pami oloti kandjo ke wema pee, ko vo wakaambe. ⁶ aka watee: tonyambake, nyaleko lotoki Yeso y'ose Nazarete, one lakawadake lo koruse, nde ambolo, nde keema lane too, nyende fashi kene kakawawodje. ⁷ koko nyo tshu totee Ambeki wande ndo Petero da nde ambotsho tondo la Galileya. leko konyotenana, oko yoho yaka nanyotee. ⁸ Waka tombe ma lo doombo ndo waka talawoka. wooma la lokomba lakawande, ko koko vo kombutee kanga oto otoyi, kote wa wooma wawo. ⁹ Yeso lo saa kaka noolo la pendju ka loshi la kwanza la lo yinga, akenema tondotondo le Maria l'ose Madala, one lakananya Wendji esambele. ¹⁰ akeembe lokumu la dimena le wane waki lande ndo wakiko lokeyi ndo wakaleleka. ¹¹ Lo wonya wakawoke da nde aleko la loomu, ndo akaweni, vo kombetawo. ¹² omalokongo wa laso,akene,lo yoho kyina,le ahende waki lomboka da vo tsho lo kambi. ¹³ wakakaloya da totee akina,vo wanewakikombetawoka. ¹⁴ mala kemwisho,akene ledikumi la otoyi,etena kakiwo lo mesa,ndo nde aka tshumula lote wetena kudu lasolo wolo,lote wa vo kombetawo wane waka weni nde mb'olo. ¹⁵ ko aka wate;nyotshu fashi tshe lo duniya,ndo nyotosambisha dikambo d'ololo le etongelo tshe. ¹⁶ one letawo ndo lobatizama akoka,koko onetshelahetawo ako hukumiwa. ¹⁷ nyeende ahindo wotshinde wane wetawo: lo lokombo lami, wakotshanya Wendji; Wa koteketa eteketa w'eyoyo; ¹⁸ Wa kokimee eloyi, kanga vo no Lolengo,ho watshee ko koolo; ko wa kahe anya le ekoni ko ekoni wako kolongana. ¹⁹ Owandji, lokongo wa nde mbatee, akafumbo l'olongo, ndo tokita lo lonya la lomi la Zambi. ²⁰ Ndo vo wakatshu to sambisha fashi tshee. Owandji aka kambaka lawo ndo aka kotshaka oteketa oma l'Ahindo wakaatshindeka.