¹ Loshi l'ongenongeno la Pasaka nde akate wahekayi akahombe la monga l'okongoo wa shii hyende Elombodi Wakohani ndo Endele Nombe wakayange yoho ya munda Yeso lo Mayele, ndo mbodaka. ² lote wakatka: da hakoke ndjala l'etena k'ongenongeno, lote lofunge hayoyala lasawo. ³ Oko Yeso lekinde le Betania, lo loodu la Simona kanga sodi, odimoto omotshi akooto saa kekanalekaka, eki la yango ya duwola ashi, yeki l'opomu loko wa beyi wolo; ndo akole yango yako yeki l'opomu, ko mbutee l'ote wa Yeso. ⁴ Amotshi wakenya lateyi awo lonyngu lawo: lazima lakona la shisha Opomu one ⁵ Tato sondja ndeka kama shato yakuta ko mbisha ase wola. ndo weki la kele lote wodimoto ko. ⁶ Koko Yeso ambota: nyoo wotshika. lootena wa wenyanyu paa? akatshe engo ke dimena lote wami. ⁷ Lote nyaleko shitshe l'ase woola, ndo nyu kokaka mbatshee ololo saa tshe kelanganyu, koko nyu ko tsheemi shitshee. ⁸ Nde katshee kene kekanakoke tshee; aka longosodi tondo demba dami oko loodu. ⁹ Lambonyotee lo mete, fashi tshee kowo sambishaka lokumu l'ololo la Zambi, wakotaka lote wodimoto one lo duniya tshee, wakotaka ndo lo wengo wewo lote wodimoto one kene kekana tshee. ¹⁰ Yuda Eskariote, otoyi l'oloyi wa dikumi l'ahende, akatshu lee Alombodi Wafarisayo lote wande tokimo Yeso. ¹¹ Kisha mba longalonga, weki la fura, wakaloke akuta. ndo Yuda akone yoho ya dimena ya mbolambola. ¹² Loshi la tondo l'ekate bila okayi, lene aka walongosola Pasaka, Ambeki wa Yeso waka wotee: lende alangaye totshu totokongosole Pasaka? ¹³ Ko akatome ahende lasa Ambeki wande, ndo akawatee: nyo tshu l'osomba; nyakototana pami kimo embe Lodimba lashetshitshi, nyoyele. ¹⁴ Fashi kemo konoto, nyotee kanga loodu: Mwadimu ate: lende ele fashi konole Pasaka l'Ambeki wande? ¹⁵ Ndo ako nyenya tshumba ke woke ke lediko, kele la neema la dee tshee sawasawa: loko ko nyolongosola Pasaka. ¹⁶ Ambeki waka tshu wakakome l'Osomba, ndo wakatane dango oko waka nawatee; ndo waka longosla Pasaka. ¹⁷ Dikolo da kakoke, akatomee nde la dikumi l'ahende. ¹⁸ Wakati wekiwo lo meesa ndo keka walekaka, Yeso akate: lambotee lo mete, otoyi lasanyu, lale lami, akotowa. ¹⁹ Wakatatee ndjakiyanya, ndo mbuta otoyi l'otoyi: wonde lemi? ²⁰ Aka kadimola: aleko otoyi lo dikumi l'ahende, ladja lami lonya lonya. ²¹ On'oto akatshu da ndjela kene kek'andikama lote wande. koko laana le oto lambokimo on'oto. ndeka dimena atotooto. ²² Wakati waka walekaka, Yeso akoshi okate; ndo kisha tshokola, aka hembola, ko aka washa ko mbuta ate: nyoshi kene aleko Demba Dami. ²³ Akoshi lokina Divayi, ndo kisha tshokola, aka washa, ndo wakano vo tshee. ²⁴ ko akawatee: one aleko Dikila dami Dikila da daka, ne dakatshulo lote wefula. ²⁵ Lambonyotee lo mete hanyokaki lokina elowa wa Vinyo polo loshi loko mono lokina lo Dolelo da Zambi. ²⁶ Kisha memba Esambo we Lotombo, waka tshu lo kidima k'Oliva. ²⁷ Yeso aka watee: nyotshee nyakengenga, lote ak'andikama: lakokomola onami wekoko ndo ekoko wako handjo ²⁸ Koko, kisha lo moyoolo, lakotsho tondo kenyu le Galileya. ²⁹ Petero ambowotee: saa kele tshe wakengenga, hamengenga. ³⁰ Ndo Yeso ambowotee: lambokotee lo mete, wee lelo l'onotsho one, tondo ke koko mbeka mala hyende, oko manguna mala shato. ³¹ Koko Petero aka mokadimola la kudu: naka akokoka lemi vo laye, hamokanguna ndo tshee wakate wohakotoyi. ³² Waka tshu l'okongo lo fashi kemo k'elewo Getesemane, ndo Yeso ambotee Ambeki wande: nyokite lane, saa ko molombaka. ³³ Akoshi Petero,Yakobo la Joani ndo akatatee ndjala la woma ndo okeyi. ³⁴ Ambowatee: Anima wami waleko lokandokando polo lo nyoyi; nyotshikale lane, ndo nyokesha. ³⁵ Kisha tsho yema le tondo, aka yakosha lo kete, ndo aka lombe ate: naka akakokaka, saa keko keka wangoma lande. ³⁶ Akate: Aba, mbapa, daango tshee kokokaka, wangola kene kikombe lemi! mala tshe, aha kene kelangemi koko kene kelangaye. ³⁷ Ndo aka tshu le Ambeki wakanatane lo djoo ko ambotee Petero: Simona, amboshama! hokeshisha kanga saa otoyi. ³⁸ Nyo kesha ndo nyolobe, lote hanyoyoko lo madjaribu; Nyuma keleko tayadi koko demba woodu. ³⁹ Aka yawangola lokina ndo nomba woho ako otoyi. ⁴⁰ Aka yokaloya, ndo akatani lokina lo djoo; lote washo wawo weki wotsho. vo kombeya mbokadimola. ⁴¹ Aka yokaloya mala ke sato, ndo aka watee: nyoshami sasa; ndo nyomuya! ambokoka saa kembokoka hanyeni on'oto ambotowama l'anya wase koolo. ⁴² Nyemale, totshu, hanyeni one la towa ambosukana. ⁴³ Ndo kakiye, woho waka nateketaka lokina, akakome Yuda, otoyi lo dikumi l'ahende, ndo vo lande leemba leki la kuwa, l'esongo ane waka tomama la Elombodi w 'Akohani, la wa Endele Nombe ndo Epalanga wa wedja. ⁴⁴ One la kotowe aka washa kene halama: one lo mosha bishi kele nde;nyo wonde, ndo nyotole kyokee. ⁴⁵ Kaakanakomi, aka sukana le Yeso, mbuta: Olombodi! ndo aka wosha bishi. ⁴⁶ Ko ato wako waka wodjee Yeso lanya ko monda. ⁴⁷ Otiyi lane weki lanoo, aka tondja lokuwa, ko kota mutumishi W'olombodi ndo mbohembola toyi. ⁴⁸ Yeso akoshi oteketa ko mbatee: nyakayee, oko ahanga mende la kuwa ndo l'esongo le ndjomunda? ⁴⁹ Leeki shii tshee lateyi anyu, laka fundishaka lo Tepelo, ndo nyu komundami. koko loote wa miandiko kotshama. ⁵⁰ Ko vo tshee wane waki la Yeso wakokimo ndo wakolawo. ⁵¹ Olongolongo wa pami akoyele, ekipaka la dihiya lo demba dande. wakawonde. ⁵² Koko akakimo dihondo, ndo ndjakokee otakataka. ⁵³ Wakatole Yeso le Omboledi Welombodi, Wakohani, lene kahomama Epalanga ndo Endele nombe. ⁵⁴ Petero akoyele yema tshale, polo leteyi ke lokombo le Ekumanyi ke Wakohani; akakite nde la watumishi, ndo aka yalangalaka l'omamu wadja. ⁵⁵ Elombodi Wakohani ndo Sanedive wokonaka shikike kashi lote Yeso, da mbodaka, ndo vo kopata mboka; ⁵⁶ Lote efula wakalange mbuta kashi lote wande; koko yawa kokoka ⁵⁷ ,57 Amotshi wakemala, ndo mbuta akombo wa kashi lote wande mbuta: ⁵⁸ Takawoke aya: lakonukola Tepelo kene kekakama laanya wato, ndo kisha shii shato, lakoka kikina kehokama laanya wato. ⁵⁹ Kanga lote wa so dikambo, Ushuhuda wawo kondala mete. ⁶⁰ Ko Omboledi Wakohani akemala lateyi w'oloyi mumbola Yeso, ndo mbuta: wee hadjibiya kodikambo? ⁶¹ Yeso akalehombala , ndo kodjibiya kodikambo. Omboledi Wakohani aka wombola lokina, ndo mbotee: oleko Kristo ona Zambi k'etshoko? ⁶² Yeso akadjibiya: leko nde. ndo nyakena on'oto kita lolomi la kudu ke Zambi, ndo akoya lo wange wa l'olongo. ⁶³ Ko Omboledi Wakohani akate ahonbo wande, ndo mbuta: talekoko la faïda lokina kene washi kike? ⁶⁴ Nyakoke Lawotolawa, ndo nyu loloyi? vo tshee wakatee nde kokaka vo. ⁶⁵ Ndo amotshi wakohangwee ndo mbokomola. weedu weenya, la mbotee: taa Ekela! ndo atumishi waka woshi la mbosha wembola we Miamatanya ⁶⁶ Saa keki Petero leese leteyi ke lokombo akeni mutumissshi w'odimoto akaye wee Omboledi Wakohani. ⁶⁷ Mena Petero laka yalangalaka akawende ndo mbotee: ndo wee eki la Yeso y'ose Nazarete. ⁶⁸ Aka wanguna mbuta: haleye, haloke kene konaye mbota, ko aka tombe ko tsho tolaama ndo koko akeeke. ⁶⁹ Mutumishi w'odimoto, akaweni, akate lokina ane weki laano: one aleko omotshi wakwato. ndo aka wanguna lokina. ⁷⁰ Yema tshiki, ane weki lano, wambote lokina Petero: metemete oleko omotshi wakwato, lote oleko ose Galileya . ⁷¹ Ko akatate tshe akesokeso, ndo ndamba: haleye osoto latanyu. ⁷² Ko keko saa lo mala ke hende, koko akeeke. ndo Petero akooho oteketa wakawotee Yeso: tondo ke koko mbeka mala hyende, okomanguna mala shato. ndo akawaze, aka lele.