¹ Lama aka ya tomboka Yeso lo Tepelo, otoyi w'Ombeki aka wote ate: Mwalimu, enda naa aso ave, naa woso wokelo? Yeso aka kadimola ate: ² nya leko lo mena wakelo wawoke? hotshikala dive lo dive hobomoka. ³ Wakakite lo kidima k'Oliva, mbelengale la Tepelo. ko Petero, Jakobo, Joani, l'Andele aka wombola wombola le ndamee. ⁴ Ototee wakati wakona wokoma keso? ndo na halama kena kehombaso mbeya d'akambo wakotshama? ⁵ Yeso aka kite, ko nde mbatee ate: nyo tshee hande. ⁶ Aha oto nyodja lo pekato ne da efula wakoya lo tshimbo la lokombo lami,wata vate; lemi kele ko vo wakodja ato efula lo pekato. ⁷ Koo nyoka wateketa da taa la looka la taa, nyototshimbake lomba, ne da pombaka akambo wako ndjala. keso honga mwisho. ⁸ Wedja wakoloshana ndo wa olelo wakoloshana ; ko akoyala adidimu wa kete lo fashi tshee. keso akoyala mwazo wasoyi. ⁹ Nyoshi hanga lo nyamee. wakonyotowa lo tuminadi, wakonyokola lo Sinagogi; nyakolombola la tondo ke wa Guvelenele, la tondo k'ewandji lote wami, da nyu mbakimanyiya oko ameni. ¹⁰ Tondotondo pombaka losongo l'ololo sambishama le wedja tshee. ¹¹ Wakati wowonyotola da tonyowa nyotokiyanyake yondo, koko nyotokiyanyake tondo lo kene ko nyota, koko nyotekete da kene ko wonyosha ko kiko saa, dikambo aha nyu koteketa koko nyuma k'ololo. ¹² Akanga woto wakotowana lo nyoyi, ombotshi akotowa ona, ana wakotowa ambotshi ko wako yakana. ¹³ N yakohetshama le ato tshee lote wa lokombo lami, koko one lo vumidiya poolo le mwisho ako kaa. ¹⁴ Saa konyena l'etena keko engo ka wononi ka tonga elanyelo, one longa memala lo fashi ke hakoke, sala yambalo yala osomadi da wee mbeya, laaso wane wonga le Yuda watate ndawo lo bidima. ¹⁵ Kele oto longa lo tshoto atoholoke, ndo atotoke da ndjosa yango mwotshi ya lo loodu lande. ¹⁶ Ndo one loyala lo mashamba atokaloyake ekongokongo da ndjosa dihondo da nde. ¹⁷ Mananu le adimato woyala l'akundu ndo wane wolonyaka lo shii yako. ¹⁸ Nyolombe da akambo wako watoyalake lo tshitshi. ¹⁹ Ne da okeyi lo shii ya tshitshi yako, akoyala oko wane wahatayalaka lo Duniya da ka tonge Zambi polo lelo, ndo honga poo. ²⁰ Ndo otononga owandji kosusa sho shii, k'oto la tooka, koko atshu lote wanongo yaka ndasone. ²¹ Naka omotshi amonyotee ate: Kristo aleko lane, kana aleko leko aha nyu mbetawo, nyutewetawoke. ²² Ne da Kristo ya kashi, ndo Avutshi wakashi wakotomba, ndo wakoshee tolembetelo, ndo akambo wa mashangazo da munganiya asonami naka keso kekoka. ²³ Laso nyosenake lambotanyotee asakambo tondo. ²⁴ Koko lo sho shii, malokongo wa sowi, wonya wakoyala dihidi ndo weedi hotondja mwangaza lokina. ²⁵ Tooto takoko ma l'olongo ndo kudu ke ma l'olongo keko sokasoka. ²⁶ Ko takena ona Zambi ayaye ma lo wange la wolo w'efula la lotombo. ²⁷ ko ako toma Wandjelo, ndo ako homanya asonami la ameyi wa andja malo etatelo ke andja polo le mwisho w'olongo. ²⁸ Nyoya fundisha woho wa fona malo osongo. wele la tokatshi lo kakiloni la akatshi, nya keya nyate to etena keko kaya suke. ²⁹ Woho wako, naka nyamena akambo wako wambokoma, nyeye nyate on'oto aya suke la mulango. ³⁰ Lambonyotee lo mete, lone lolonga halete poo, paka akambo wako wambokoa. ³¹ Olongo la kete waketa, koko eteketa wami heta poo. ³² Oto heya loshi kana saa, kanga adjel owa l'olongo,kanga ona paka mbapa ndamee. ³³ Nyokesha, ndo nyo lame dikambo hanyeya waki wa saa ko ndoya. ³⁴ Akonga lakengola ko tshika loodu lande, ko ekambi wande wakoka ndo mbisha oto l'oto lotomu lande, ko nde mbutee elami waso da nde kesha. ³⁵ Nyokesha, ne da hanyeye saa koya Owandji kanga loodu, kana la dikolo, kana la kati k'otsho, kana saa keeka koko, kana la pendju; ³⁶ Nyoke woma hayonyatana mbishama, lo heyelo kande lo shashimola. ³⁷ Kene kanyotemi, lambo nyotee lenyutshe nyo kesha.