¹ Yeso akawatee l'okina l'ekela.Pami kemotshi akakambe shamba.mbidja lokombo la tshima difuku,mbika esongo weetale ;ko ki tsha elami,ko akonee lo ngelo ke woke. ² Lo dina,akatomi okambi womotshi le elami,le toosa eteni k'elowa ke l'osongo wa vigno. ³ waka wonde,mbokomola,ndo mbokaloya anyaanya. ⁴ lookina akatomi ose olemu okina lewo; wakokomola l'ote,ndo mbotola. ⁵ akatomi lasato, lakawayake;ndo wakina efula, wakaakomola ndo mbayaka. ⁶ Etshi la onande la ngandji efula;akotomi tsha lewo lo mwisho,ndo mbuta ate: wakeshimia onami. ⁷ koko aselemu wako wakate laasawo: nyamena Pena; nyoye, tooyake, ndo ohena wakoyaala waso. ⁸ waka wonde, mboyaka,ndo mbosokola l'andja wa shamba ya vigno. ⁹ sasa,ota kanga shamba ya vigno? akoya, akoyaka asolemu, ndo akosha shamba ya vigno le wakina. ¹⁰ Nyu kosoma onoteketa lo mwandiko: Dive dakasokola wane wakakaka aya dive da tshuku; ¹¹ mbetee malo ngandji ke zambi keyande,ndo dako lo washo waso? ¹² wakalange monda, koko wakoke woma w'ooloyi. wakoke da lotewo kakate Yeso osookela. ko wakonee, ndo wakatshu. ¹³ wakatomi le Yeso afarisayo wamotshi ndo wa herodia wamotshi,le bo manda l'eteketa wende ndamee. ¹⁴ ko wakaye lendjowote: olombodi,we oleko mete, ndo homaleeka oto; ne da we hende woho wele ato, ndo we fundishaka dikambo da Zambi lo mete.Onde kokaka ,kana keema,da dipa olambo le kaizaro? ¹⁵ Yeso,oko wakandeyaka dewo dawo, akaakadimula: lotena wa pimanyu?nyumbela akuta, kele meni. ¹⁶ Waka wela dimotshi;ko yeso akawambola: Omee kene elongi la one mwandiko? wa kayizaro, kaka wokadimula. ¹⁷ Okone akawatee: Nyokaloya le kayizaro kene kele ke kayizaro, ndo le Zambi kene kele ke Zambi.ndo wetshi la mushangazo lolokombo lande. ¹⁸ Ase adukayi, wakataka da ko elwelo, wakaye suke la Yeso, ko vo mombola: ¹⁹ Owandji, enda kene kekataandike mose:naka lotwande lomotshi ambovo, ndo tshika odimoto otoyi, keema l'ana, lotwande amboyotshuka wadietshinde, ndo kayo hena diwotshi da lotwande. ²⁰ koko, etshi boto esambele d'apami. latondo mbotshuka, ko akavu k'ombota lande. ²¹ one la hende akawoshi waadi, ndo akavu k'ombota. woho wako otoyi ndo le lasato, ²² ko l'esambele keko kowoto l'akote ona. L'okongo wawo tshe, odimoto akavu ndonde. ²³ Lo dolwelo , lo vo tshe,odimoto oko akoyala wadena? la tshe esambele waka woshi waadi. ²⁴ Yeso akaakadimula: nyukema la munga, ne da hanyoke mandiko, ndo kudu ke Zambi? ²⁵ ne da, lo dolwelo da nyoyi,apami hawotshuka waadi, ndo adimato hawotshukamaki la waomi, koko wakoyala oko andjelu lol'ongo. ²⁶ Lo kene keendana la dolwelo da lo nyoyi ,nyu koosoma, lo mukanda wa mose, kene keka wotee Zambi, lote wesoko ke dja: ndeko Zambi ke Abrahama, Zambi ke Isaka, ndo Zambi ke Yakobo? ²⁷ Zambi kema Zambi ke wane wakavu, koko ke wane wasena. nyaleko lo munga ke woke. ²⁸ Omotshi l'ateyi k'endele,lakawaoke wadja obishi, akeye da yeso akakadimula dimena le adukayi, aka sukana, ko akawombola: na olembe wa tondo l'elembe tshe? ²⁹ yeso akakadimula: heni la tondo: longa, Israel, owandji, Zambi keso, aleko otoyi wako w'owandji; ³⁰ ndo: langa owandji waye, Zambi keye, la otema waye tshee, la anima waye tshee, la lokani laye tshee ndo la kudu keye tshee. ³¹ Enda la hende: kolange wonyaye oko weme.kodidjango dikina da woke oko wako. ³² ondele akawote: dimena, owandji; okate mete da zambi aleko otoyi, ndo kowokina lele oko nde, ³³ ndo mbolanga l'otema otoyi, la lokani lande tshee, la anima wande ndo kudu kende tshee, ndo nanga wonyaye oko wemee, oso ndeka elambo tshe wa lotshumba ndo elambo ekina tshee. ³⁴ Yeso,mena da akashile la kadimula la yimba, ambowote: we keema etale la dolelo da zambi. ndo kowoto lakapimi mombola wembola. ³⁵ Yeso, akatetemala ndakanya lo tepelo, ate:woho wakona wata elende bate kristo aleko ona Davidi? ³⁶ davidi ndame,etshi ia nyuma ke Zambi, akate: kita lo lonya lami la lomi, polo ndo loomete atoni waye lohona la wee kitsha ekolo. ³⁷ Davidi ndame akawelee owandji; woho wa kona welende onande? ndo oloyi wa woke wakoolongaka la ongenongeno. ³⁸ Akawate l'olakanyeelo wande: nyoyaombe le endele, walanga mengola la kandjo yeetale, tawaemulaka lo fazi yaato efula; ³⁹ fashi ya tondo lo synagogi, ndo fashi ya tondo lo difesto; ⁴⁰ walanya vudu ya waadi weedo,ndo wa lomba alombeelo weetale. wakolomboshama la kudu koleki. ⁴¹ yeso,etshi kita mbelane la esendi k'ekekuta, akeendaka woho wa kawadjaka akuta. Efula ke ase ongonu wakadjaka akuta efula. ⁴² Akeeni lookina wadietshi odo la woola, aka dje akuta ahende wa toshiki, lo eteni ke l'anei. ⁴³ ko Yeso,akelee ambeki wande, akawatee: lamonyote lomete, wadi etshi odo akakimwi efula ndeka wane tshee wodji lo dikengo; ⁴⁴ ne da vo tshe wakadji kene kele ongunu wawo wefula, koko nde akadji kene kele lande, tshe keetshi lande, tshe kekana hombe sena lato.