¹ Lakawayasukanaka tsha le yerusalema,ko weesthi suke la Betefagela ndo lo betania,tsha lo kidima keesongo we vigno,yeso akatomi ambeki wande ahende, ² akawatee:nyotsho lo ngelo kele letondo kenyu;naka nyambooto,nyakotana, on'okoko kelekama,kaanga oto otyi atahemaka; nyookelekole,nyoye lande. ³ naka oto ambokotee:lote wana watsheye okoko?kowe mbokadimula:owandji aleko lato loohomba.ndo kakiye akotshika da nde ndja laane. ⁴ ambeki,wakatshu,wakatotana okoko kelekama laandja suke la lokuke,lolokomba la mboka,ko wakokelekola. ⁵ ato wamotshi wetshi laano wakawatee:atshenyu? Lotena wa kelekolanyu oko on'okoko? ⁶ waka kadimula oko shambo yaka watee yeso.ko wakaatshike watshu. ⁷ akeela Yeso on'okoko,laadiko da nde waka sokola ahondo wawo,ko yeso akakite laadiko. ⁸ Efula keeto wakaale ahondo wawo lo mboka ndo wakina pembola tahi ma leekonda. ⁹ wane wakeetee yeso le tondo ndo wane wakatawoyelaka wakaawana:Ozana!otshoko le one looya lolokombo l'owandji! ¹⁰ otshoko le lowandji layaye,lowandji la Davide,sheso!Ozana l'oloongo! ¹¹ yeso akooto le yerusalem,lo lodu la zambi.saa kekana shikike tshe,oko wetshi wonya wambeeta,akatshu le betania la ambeki dikumi la ahende. ¹² Loyi, omalabo tombo tomba le betania,Yeso akooke ndjala. ¹³ akeeni letale osongo w'elowa wetshi la akatshi efula, akatshu le tenda kina akakoke tana yango miotshi;ko,akasukana,akatani paka akatshi,ne da shi ya figo. ¹⁴ akoshi oteketa,akawotee:kowo lakoka nde olowa waye!ko ambeki wakawooke. ¹⁵ wakakomi le yerusalem,ko yeso akooto lolodu la zambi.akatshanya wane waka sondjaka ndo wane waka sombaka lolodu la zambi;akasokola meza wakanga wakengolaka akuta,ndo fazi ya wane wakasondjaka tokudumba; ¹⁶ ndo kotshika kowoto memba yango lolodu la Zambi. ¹⁷ ko akafundishaka ndo mbuta:aha akandikama:lodu lami akelemee lodu la dombeelo lo wedja tshe?koko nyu,nyambolikadimula fazi ke wevi. ¹⁸ wakohani la endele,waka wooke,wakoni woho wa mboyaka;ne da waka wokaka woma,lote oloyi wakandama la mafundisho wande. ¹⁹ saa ke dikolo,yeso lo ngelo ke woke. ²⁰ la pendju, watete,ambeki osongo wa figo wamooma polo leedo. ²¹ Petero, akoho kene kekete,akatee Yeso:olmbodi,enda,osongo wa figo wakaya dje mananu wambooma. ²² Yeso akoshi oteketa, ko mbate:nyoyale la mbetawo le Zambi. ²³ lambonyote lo mete naka oto mbutee kidima:mo malaako ndo yaasokola lo ndjale,ndo toyalake la okandokando lootema,koko etawo wete kene ketande keko tshema,okeena ke mbotshema. ²⁴ Dako da nyotemi:kene tshe koonanyu lo dombelo,nyetawo da nyamboshila la kipata ,ndo nyakeena keko kotshama. ²⁵ ko,saa kelenyu wemema nya lomba,naka oleko la dikambo looto, dimanyiande,da shenyu lele l'olongo nyo dimanyiya pekaato yanyu. ²⁶ koko naka hanyodimanyiya,ndo shenyu lele l'olongo honyo dimanyiya lookina pekaato yanyu. ²⁷ wakatshu lookina le Yerusalem,ko,saa kekatetetaka Yeso lo lodu la Zambi,wakohani,endele ndo epalanga wakaye leende, ²⁸ ndo mbotee:L'akoka wakona watsheye ane akambo,ndo okoshaa akoka wa tshee? ²⁹ Yeso akaakadimula:lakonyombola ndo nyu wombola womotshi;nyokadimule,ndo lakonyote l'akoka wotwakona watshemi akambwaane. ³⁰ obatizo wa joani wakaye oma l'olongo,kana le ato? nyo kadimule. ³¹ koko waka kaniaka osoku laasawo:naka sho kadimula:Oma l'olongo,akota:lotewana wetshinyu koombetawo? ³² ndo naka sho kadimula:male ato...okokaka ato woma,ne da vo tshee wakosaka joani ombutshi. ³³ laaso wakakadimula Yeso:hateye.Ko yeso mbatee:ndo lemi haleye,hamonyote l'akoka wakona watshemi aneekambo.