¹ Yeso akaye omaleko,akatshu lo ngelo ka juda,ndekanajurde.oloyi waato waka homana lookina suke lande,ko oko mbekeelo,akakite lookina le mbofundisha. ² afarisayo wakatate la mboteketsha;da mbohemba,ko wakawombola kana kokaka le pami mbitshanya wedende. ³ akaakadimula ate:na kekanyandike mose? ⁴ mose, akawawotee,akatosha lotshongo la mandika mukanda wa loseko kana mbitshanya. ⁵ ko yeso akawatee:loote wa otema wolo wakanyosha mose oso olembe. ⁶ koko omletateelo keendja,Zambi akatonge pami la odimoto; ⁷ loko kele pami akotshika she la nyangu,ko ako mamatana la wadende, ⁸ ko bahende wakoyaala demba otoyi.laaso hayoyaala ato ahende lookina,koko oto otoyi. ⁹ ahooto kakitola kene kekakakatanya Zambi. ¹⁰ saa ketshiwo lolodu,ko ambeki wakawombola lookina loote wako. ¹¹ akawatee:one tshee la seka wadende ko tshuka okina ,ombotshe loseka; ¹² ko naka odimoto lambomoo lo diwala dande ko toshukama le pami kikina ambotshee loseka. ¹³ wakaweela anawaakenda ,da nde mbakimee.koko ambeki wande wakawatshanya. ¹⁴ Yeso akeni keso ko akomala ko akawatee:nyotshike anawaakenda waye leemi,ndo ha nyu mbashimba;ne da dolelo da Zambi daleko da wane wa fona lawo. ¹⁵ lambo nyote mete, onelele hayaadi oko ona dikenda hooto lo dolelo da lolongo poo. ¹⁶ ko akawaembe laanya wande ndo mbatshokola,ndo mbawahe anya. ¹⁷ Oko wetshi yeso lo mboka,oto omotshi akalawo, ko ndja sokoka laadwe l'atondo kende:mwadimu wa dimena,ko nde akawombola,ahombami tshee da lemi kita dolelo da pondjo? ¹⁸ Yeso akawote:lootena ambeleye kanga oloolo?ko lele oloolo paka Zambi ndamee. ¹⁹ wembeyaka elembe:totsheke loseka;toyakake;to vake;totake kashi;totsheke oto koolo;lenya sho la nyo. ²⁰ akookadimula:ombetsha,lambotsheeka aswakambo oma lo dikenda dami. ²¹ Yeso, akaweende,akoolange,ko mbotee ate:ambotshikala dikambo otoyi;tshoka,sondja tshee kele laye, sha ase wola,ndo okyala la ongonu l'olongo.Ndo ondjele. ²² koko,akayaale l'olengolengo loosoteketa,pami keko akatshu l'olengolengo;ne da etshi la daango efula. ²³ yeso,akende lateyi,akate ambeki wande ate:akoyala kudu da wane wele la ongonu mboto lo dolelo da zambi! ²⁴ ambeki waka shangala lote wakate yeso osoku.ko akanyomowate lokina ate:anami,aleko kudu da wane wayasha loongonu mboto lo dolelo da zambi! ²⁵ aleko wodu efula le ponda mboto lo dundu da shindanu da kanga ongonu mboto lo dolelo da zambi. ²⁶ ambeki waka shangala lokina efula,ko wakatane vame lasawo;naoto loka na? ²⁷ yeso akawaende,ko mbuta ate:keso hakokama le ato,koko aha le zambi:ne da tshe keleko wodu le zambi. ²⁸ petero akawote ate:enda,sho takatshike tshe ko takakoyele. ²⁹ yeso akakadimula ate:lambokote mete,kowoto la tshika, lotemi ndo lote wa lokumu ladina,lodu lande,boto da apami kana adimato,nyangu,shende,kana anaande,kana kete yawo, ³⁰ ko nde halongodi mala lokama,sasa lo lolonga lone,vudu,boto da apami la adimato, waanyangu,ana,ndo kete,la asoyi,la lo lolonga layaye loseno la poo. ³¹ wane wetshi le tondo wakoyala lookongo,ndo wane wetshi lookongo wakoyala le tondo. ³² watshi lomboka otsha le yerusalema,ko yesu le tondo kewo.ambeki wakafukutana,ko wakatawoyelaka la wooma.ko yeso akahomanya dikumi l'ahende dako lokina suke lande,ko akatate la mbate kene kowokome: ³³ nyenda,tambotsho le yerusalema,ko on'oto akolamboma le wakohani ndo le endele.ko vo wakowodja lokanu ndo lo nyoyi,ndo wakolambola le apagani, ³⁴ wakootshekeleya,wakowote soyi,wakokomola fimbo,wakoyaka,ko lokongo wa shi shato, akoolo. ³⁵ anawa Zebedeyo,jake la joani ,waka sukana yeso,ko wakawote bate:mwadimu,sho kombolaka we tshe kene kotokolomba. ³⁶ akawate ate:alanganyu lemi nyotshe? ³⁷ otosha dikimo,kekawawote,da kita one lo lonya la loomi ko okina lo lomoso laye,saa koyoyala lolotombo laye. ³⁸ yeso akakadimula ate:hanyeye kene kelombanyu.nyu kokaka no kikombe ke hombami no,kana nyu nongola obatizo wahombami batizama? ³⁹ sho kokaka,kakawate.ko yeso akaakadimula ate:aleko mete da nyakono kikombe kehombami noo,kana nyu batizama obatizo wahombami batizama; ⁴⁰ koko lokene kendana la kita lo lomi kana lo lomoso,keso hendana lami,ndo wane wakadjame wopata keso. ⁴¹ Ne dikumi,lakawoke osoku,watate la momale jake la joani. ⁴² yeso akawaele, ko mbate ate:nyumbeyaka one wane wendawo oko ewandji wa wedja walekombahukumo, la epalanga walekombawaheme la kudu. ⁴³ keso keema laasanyu.koko one lalanga ndjala opalanga laasanyu ,ayale ose olemu wa nyu; ⁴⁴ ndo one lalanga ndjala wa tondo laasanyu,ayale ohombo wanyu tshe. ⁴⁵ ne da on'oto akaye aha da ndjookambe,koko da ndjookambe ato olemu,ndo nambola loseno lande oko beyi da tshungola ato efula. ⁴⁶ wakakomi le Jeriko.ko,saa kekatombe yeso leko,nde la ambeki wande la oloyi waato,ona Timeyo,Bartelemeo,kanga lolombo ndo dimi akakitaka l'omamu wa mboka. ⁴⁷ akooke one yeso y'ose nazarete,ko akaawana, ona Davide,Yeso omboke kangi! ⁴⁸ efula wakooshimbe da nde nembohala,koko akaawana la kudu efula,ona Davide lee omboke kangi! ⁴⁹ yeso akemala ko mbuta ate:nyeleende.wakawele kanga dimi,la mbote onee:yala la ohetoheto,emala,ambokele. ⁵⁰ kanga dimi akasokola koti da nde,ko,nde fumbo,ko ndja le Yeso. ⁵¹ Yeso akoshi oteketa,mbote ate:alangaye lemi kotshe?olombodi,kakokadimula kanga dimi,te nyomosena lookina. ⁵² Ko Yeso akawote ate:tshoka,mbetawo keye kembokotsha.ko nde akeni, ko ndjela yeso.