¹ Mununu, wamana muchakulwe na baana, byani mukeba munda ya kalalahu, - na kagami buuka lekubafula, na booso bayuke kalalahu, - ² kwa mana ya kalalahu ya ku gididila kweetu; na yimuyakana netu mpaka mba kukilele: ³ na kalesha, na lusa na hwee yaykane hankachi yenu ku nkanda ya Fidi chabaaba na nkanda ya Yesu Kristu, mwana wa shabaana, munda ya kalalahu na mapendo! ⁴ Ndena kyanya kya kukusa baana bamushimuka munda ya kanuni, kulondena na bishila byatulekusa kushabana. ⁵ Kwa bibi, kyanakusha, Kyria, - kashikwakukuvutila kumu kishila kilia, lakini kyatulekusa hakubanga, - ikyatufudila bamo na baangi. ⁶ Na kifulu kyashikamane na kushimuka kulondenana bishila. Ibeebya bishila binage kushimukina, munda yaage byamulehusha hakubanga. ⁷ Na bawelele bayongeshi batukila hakantu, bashimushinkika bibi Yesu Kristu lekuya mukoba. Gigi igeegwa, imuyongeshi na mpinga Krisu. ⁸ Mugonge banu beene, bina kamushimishanga bikuba byenu bya kashi, bina mutambule kuyuula kwa kufakula. ⁹ Gooso imukwenda kulehe shimushi kamana munda ya kishima bya Kristu kan Fidi; geegwa imushikamana munda ya keekya kishila ina shabana na mwana. ¹⁰ Hitu gimo akuya kweenu na kale kumutwadila keekya kishima, kashikumutambula munda ya shibo yenu, na kashi kumushikika! ¹¹ Na geegwa waboya: na kumushikika! asambakana nakubiha kwa bintu. ¹² Ashi buyaana bwelele bwa bintu bya minkelele, shile keba kuta na makalatashi na butonto; na kuhagila kwenda kweenu, na kumusakwila kukano kwa kukano, kwa kyanya kyetu kyayakane kilegele. ¹³ Baana ba nana bachakulwe bakushikika.