¹ Bhita ká mbiko dji ékiè niya? indjese á kulu djanu liyo nushianie bhita á mango mànú? ² Nu nakulu k nundjé anu na éma; nu bha olusia ká núnà ka bhebhé, ngé nundjé anú lokulu lá ipata; nu na mbiko ká na bhita, k ná kanda, mungusa nundje vfémie ànú. ³ Nú vfémie ká nundje pati anu, mungusa nundje djibhie anu ivfema ékima, mungusa nú onduwe ivféma kú iyo iya kúlú djanu. ⁴ Nuwe bha mavfanyi! nundje djibhianu tàa iyonda kisi i bhuakodhu na Mbali? undjo ú onduwe igwalá mbéni wa kisi adji kia akodhu wa Mbali. ⁵ Nu waziè taa makpaluwa mavfie ébhela: Mbali u onduwe na kabhebhe mpumatima uwo u avfisià angasu? ⁶ Ngé u owa lokowa la lúéte, i naeyo makpalua mavfiem Mbali andjé onduwe èse bhaà bha bhavfenyuwé, ngé ú ouwe lokowa lèse anga bhàa bha bhadjidulusie. ⁷ Tu muesimia kotiyo Mbali; mbèse nuwe iné móka mugu, ká ú kénie dhomú nànú. ⁸ Un'bhambai Mbali, ka uné bhambie nuwe. Okiyai mabhi manu, nuwe bhaa nuna djambi, tshubhulai mipumatima manu, nuwebhàa nu na mipumatima ta mivfili. ⁹ Djibhai taa nú bhabhoka á mpumatima gwalai toku bhushé bha bhosiana, lilai; kià i osiyà lánú lidji basia á bhukuku. ¹⁰ Nudjidulusiai á pele na Bhwán, ká idje unetubhuluwe. ¹¹ Mbèse nuwe ivfiana á bhushi, bhamonima. Undjo uvfie bhushi dyulu lá wanyese ao u ukumue wanyaèse, ubhie bhubhi dyulu la selia ká ú ukumie selia. Ngo ani wa okumuwa selià, undjé ái undjo ú luvfie itshi lá selia ngé ú úndjo ú ukumue selia. ¹² Undjo ú kakie ká ukambisakie seliaú èse ku tomoi, undjo upasiè ibhikisia ká ibholisia; ngé owé, owé néni? undjo ú ukumuwe mangénàna? ¹³ Anga nuwe kotiyo, bhaa nuvfie: bhusibhuno ao kapume tukenie a ndeiya dhène temoi, tudjumanie owa édjo ku étubhú, na ikia bhutshulusi ká na ipata faidha! ¹⁴ nuwé bhàa nundje djibhie anu ibhika lanu la kapuma! ngo ibhika lánú li indje? owé ú movfuvfi wa isala úwo udja niye evfumbu ta djàa, ká uwo ká kàamo ilimuwa. ¹⁵ Ibhia bhusumba nuvfie: ani Mbali a onda, tu bhikie ka tu kiie ino ao éyo. ¹⁶ Nge ketetino na dji bibisia a mawazo manu ma bhisa ú. Bhisaú bhitopa bha namuno bhino bhi bha bhibhibhi. ¹⁷ 1ni mushé ú djibhie ikià bhusumbá ká á gwala mbese ilikia, á kia djambi.