¹ Bhaho bha Galata kalebhu na mayele? motayo abhongo?bhana yongiande polele bhe bhone niyo Yezu kristo okande pasi ka kuruse. ² Nabhabhe bha nana neyengie si mabhelu mimoti,bhanakulande elimo kola bhana tose mobheko,bhana bhinike mateya bhonokande? ³ Bhone kalebhanu na mayele? sika bhana bhandande na kegbangba bhanabha bhanagbutiage namabhelu ma nzolo? ⁴ Wuniyo bhonokande pasi bhokpa? atende bhe ike bhokpa sibho. ⁵ Nkunzi mo opi bhanu kegbangba awagya makamwisi kanu kaligo agiabho kola tosa mobheko kola bhonoki mateya pe bhanabhiniki? ⁶ Edhingi bho kawalaga wanza Abarama amoyamba Nkunnzi,Wuniyo Nkunzi amomonda sika molo wanza. ⁷ Yibhani bhe bhaho bhe bhabinikia Nkunzi,bhabaniki bhanza bhika Abarama. ⁸ Nka dheli ye Nkunzi obhengeli ka walaga wanza obhisa bhapagano bhaho bhanza,kola bhoyambi mikabhu,wuniyo amobhengeli Abarama mabhelu me: ⁹ Wunio bhaho bhabinikia bhava mabhelu manza sika moko na Abarama mola bhasembo. ¹⁰ Kinika kango kale molo amoti mo ate na bhosembo ka Nkunzi kaligo. ¹¹ Kale kango, kale molo amoti mo ade Nkakunzi kamiso name sobhe akola abhiniki mobheko,akola molo mo ade na me sobhe a'ola bhukia yake avat agoisa. ¹² Molo mo abhiniki mobheko ate ike na bhukia,kasi molo mo katosi mobheko bhe kene egoisa. ¹³ Sika kristu ye amoti bhade molo mo bhamodhakisanda ke nigolo atesokosagi kugulia me malibhoto bhekpe tagiande kugulia mobheko,akola edhingi bhe molo mo bhamogbati naka mosa bha molakelake malibhoto egia sibho. ¹⁴ akola Yesu klistu, bha pagano bhenyasago sibho nyasaga ye Ayala enande, pe bhasu,tene kegbangba te Nkunzi apageliande ¹⁵ Bhanikama,wqsani nano wanise nawa mabhulu miasu bhaho: molo kadhinge walaga akola bhake otekeliabhu miki bhana sikia,molo amoti katebhe okoma mabhulu mia,kike bholoto walaga mo bhaho nibho bhadhingi molo amoti kate bhe akome, ata walaga ya bhaho nibho bhadhingi. ¹⁶ Nkunzi apagelia nde Abalama na bhamake mabhulu me edhingi bhe bhamake na letina lake bhekpe awanisia nde si molo amoti, molo ya ini klistu ¹⁷ Nangibhe na ngebhe: mobheko ipi bhanga kama mine na tuku isalo kafiamba walaga mo omosiela bhaniki moki,sika Nkunzi adhingande; nande mobeko mo kqtende bhe bhonole mabhelu me kunzi apageliande. ¹⁸ Soko bhaho bhenande mabhulu manza akulamobheko,abha kabhenande gwa giagu guni wane Nkunzi amopande Abalama mabhulu ?anza akola pagela ye Nkunzi amopande. ¹⁹ Nande mobheko mo abhisande akola gete? mobheko mo adukuande akula wanisa bhe bhaho bhe kabhamotosi Nkunzi.Atende bhe mobheko ya ike kina ka dheliye mena Abalama adaku, mo Nkunzi amo pageliande bha nzelu bhanyamisande mobheko akola molo walibhoto mo ikande kakadhimba bhaho. ²⁰ Molo walibhoto katende bhike dheliye molo walibhoto katende bhikedheli ye mikina molo kaleya nande kunzi asiye amoti. ²¹ Nande mobheko kabhengiani namabhulu me bhapagelinde kike sibho mobheko katende bhe anyamise egoisa, aba bhaho bhe bhatosagi mobheko bhadendendo bhaho bhe sobhe ka Nkunzi ka miso. ²² Kasi kawopia bhawalaga bhe esatu bhawani bhe bhasu bhaho bhe kpe takasopia memalibhoto, bhaho bhekpe bhe bhamo bhuki Yezu klisto bhena laka mabhelu manza mika Nkunzi na nde Nkunzi opagelande kugulia bhukia ikabhu. ²³ Bhitiye katayibande bhukia ye mobheko ikande atenguma pe atebhondiaga; tikande tabhondiga bhe te ate nyolie bhukia. ²⁴ Mobheko ikande atebhondiaga kina bhiti ye Klistu ade okula bhasu tade bhaho bhe sobhe ka Nkunzi kamiso akula bhukia ikasu. ²⁵ Kasi sika teni dhelia bhukia, kate goto bhe ta mobhukie molo mo ikagande ate bhondiaga, ²⁶ Akula bhanu bhekpe bha bhama Nkunzi,akula bhukia Yezu Klistu. ²⁷ Asibho,bhanu bhekpe bhanavini bhatisimo palimoti na Yezu,bhana deni bhaho bhe nagamba Kristu. ²⁸ Sika bhanu bhekpe bhana deni molo amoti kasopia Kristu Yezu ,bhaho bhekpe bhadeni sika mo Yuda namolo mo kamugi mukina,na bage muka molo mo kasopia lekumu,na moloko pe na mokali. ²⁹ Galande bhana bhaho bhika Klistu,bhana pe bhama Abalama pe bhenenalaka mabhulu manza bhekpe me Nkunzi amopagelande.