¹ Jiso akatatee ndakanya too l'omamu wa njale. oloyi waato waka chumana leende, ko nde mbudee ko mbidjase lo mashua l'adiko wa ndjale. oloi tshe waka djase lo kete l'akenge w'aashi. ² Nde akaalakanga akombo efula lo weela. Akawote l'alaka nyelo ande atee.' ³ Nnyolonge, omonedi omochi akatshu la t'oona. ⁴ L'aama akanda toonaka, nambo ka wooh aka ko l'okenga mboka, wa fudu wakaholo ko vo nde. ⁵ Nambo kekina hakako l'ave a edee kaki bu kete efula ,akatombo wonyako waamee dikambo kete yeki kuu efula. ⁶ Laam'akatombe yaangi, akalongola la moma ne dia ko ndjola l'edo. ⁷ Nambo kekina kaka ko l'ate nde, ko laama akoli atende la kudunganya wooho, hawotonyi sha too elowa. ⁸ Nambo kekina aka ko lo kete ya dimena, akatonja elowa waka deeka la mbola. Amotshi akatondjaka akumi asato, akhumi asamalo la lokamal'otoi. ⁹ Ko nde mba tee at'one le l'atoi wamboka. ¹⁰ Laam'akanda tshikala ndame ooke, ane wa k'otshimba la dikumi l'ahende mbo mbombola dia weela. ¹¹ Nde mbate ate leenyu kakawasha dikambo d'oshami da diolelo da Nzambi koko le ane wele laandja tshe ayeeta lo weela. ¹² Kele wenyi ok'an'ahenyi, la mboka ok'an'ahoke, watokoyokadimola etema awo lee Nzambi. ¹³ Ko nde mbatee ate: laama hanyooke wela one, ngande wokokinyu mboka weela tshe? ¹⁴ Omenedi akoone ateketa. ¹⁵ Amotshi weki l'okinga mboka laam'akawo ne oteketa, laam'akawote ko Satana njo nya oteketa wakand'one le wo. ¹⁶ Akina, woh'ako otoi waka kondja woho lo wa ve, laam'akawoke ateketa, wa kalongola l'ongengeno. ¹⁷ Ko vo buu l'eedo l'atee awo,nde ambohomba shikimala laama wa yo yalopepemla wolola paa lo dikambo dia oteketa wa Nzambi, wambo tana edee kanoko. ¹⁸ Akina konya woho l'atei wate nde eko wako'ke oteketa ko la. ¹⁹ Lonyango la sui, la kesama l'okondji lamembama la ngandji. wambolaanya oteketa la mbokisha buu la woolo. ²⁰ Akina waka konya wooho lo kete y'ololo: aso, wakoke oteketa, ko vo mbolongola, la tondje elowa Akum'asato, Akum'asamalo la lokama. ²¹ nde mbate to ate; onde vo kitshaka tala la tshina dia mesa ,kana la tshina da tange onde aha dia mbidja l,adiko wa mesa . ²² ne dia nd,oko engo ka mbisha dia aha vo mbenyama ndoko kayombama kene kaha koke mbenama la yanyi. ²³ naka vate one lele l,atoyi wa mboka oke . ²⁴ nde mbate to, ate nyonge la yewo lo kene kokanyo. wayonyedika lo yediko yedikananyo ndo wayonyahe l,adiko . ²⁵ ne dia wayosha one l,aki l,engo koko one laki podi l,engo wayonya kanga kene kaki lande . ²⁶ nde mbate to ate woho ako mbele lo diulelo dia nzambi ;eko oko onto lambokadja woho lo kete . ²⁷ kana ndala kana memo l,otsho la yanyi woho wayotomba la vo wayola hawoteya ngane ambowola. ²⁸ kete tondjaka yoamame ,tondo adiyo,ko adungu,ko woho wambodingama l,atende . ²⁹ koko l,amayela olowa wayodja lokuwa dikambo etena ka dinela ambokoma . ³⁰ ko nde mbuta to; lakona ayotedikanya la diulelo dia l,olongo; kana yokedi yakona yayoyotedinya. ³¹ eko lo fona la woho w,asami ; lama wawodjawo lo kete eko woho woleki tshitshe lo weho tshe wa l,andja. ³² koko l.ama wa wodjawo lo kete ayotomba ko aya woke ndeka wa akatshi tshe ko nde ayotondje tahe,dia fuudu ya l,olongo yayahema la tshina da dedi dayo . ³³ lo tokedi efola mbakandasambishaka diuyi woho wakawakokaka mboka . ³⁴ nde kombaetshaka pudi la tokedi koko lo yisheshe akalakanyaka ambeki ande ³⁵ ko loshi lako la dikolo; jiso mbate ate totshu la wedi w,okedi. ³⁶ mal,okongo ko nde aka kaloya antu efula ,konde mboto lo watu koko aki ndo wato ekina wakiko . ³⁷ ko monga lopepe la wolo ,la asuku waki lu ndjakasha lo wato ko wakalodia wato l,ashi . ³⁸ la nde akalalaka kitshe ote lo tange ko nvo wakawemula mbote vate ; ombetsha we hayatshomuya lu kene kambotokomela tanga nvo ? ³⁹ Lam,akandemo ko nde pamwe lohedi, la oduwa lembo kii . ⁴⁰ ko nde mbate ate dikambokona dienyu la woma ? nyu kema la mbetawo ? ⁴¹ ko nvo mboka woma efula nvo mbuta l,amasawo vate akona one lele koyanga lopepe la oduwa wambolenya ?