¹ L'olongo wa shi motshi, Jiso aka tshu la Kapernauma, ko lokumu laka kokane dia nde eko lo luudu. ² Ko anto waka tshumana efula lo yediko yele ndoko liole yakilo kangu lo soko, konde akasambisha oteketa. ³ Waka wela kanga ekuse ndo anto aneyi waka ya wembaka. ⁴ Oko wakiwo toka sukana lana l'ose w'oloyi w'anto. Vo waka wotshiya omaloadiko, ko aka holoya kanga ekuse ashami lo mbeto. ⁵ Lanakandenyi mbetawo kawo, Jiso akate kangu ekuse ate: Onami, pekatoyaye yambo dimanyiyama. ⁶ Afundji amotshi wakiko lawo wakate l'etema awo vate; ⁷ Ngande wakoka ont one teketa ngaso? Nde ambohela Nzambi. Akona akoka dimanyiyana pekato naka aha Nzambi? ⁸ Jiso akeyaka tokanyi tawo aka wate ate: ''Landena kakanyiyanyu akambo wa kolo l'etema anyu?'' ⁹ Kokona kolwki wodu mbuta: Pekato yaye yambo dimanyiyama kana Eemala, osa mbeto kaye, kendakenda? ¹⁰ Koko, dianyu mbeya d'ona onto akalongola wolo wa dimanyiya kolo la nkete, nde akate kanga ekuse ate, ¹¹ Lambokodjange, eemala. Osa mbeto kaye, tshoka lo luudu laye. ¹² Wonya ako wame, nde akonela, akoshi mbeto kande, ndo akutombe l'ateyi ndo waka tombola Nzambi wate vate: sho tatenaka dia ngane. ¹³ Jiso akatshu l'omamu wa ndjale, oloyi wanto tshe wakoyele, konde aka wa wetsha. ¹⁴ Lamakanda tetakaka, Jiso akenyi Lewi, Onaki Alafayo, odjashi lo biro waka wa futshaka elambo. Nde aka wote ate: ''ondjele''. Lewi akone, nto aka woyele. ¹⁵ Jiso, akaeka lo luudu la Lewi, Afutshanyishi w'elambo ndo onto akina efula waki la lokumu lla kolo waki kame lande l'ambla ande wale. ¹⁶ Eteni ka ka wenyi dikmbo so, Afundji la Afarise, vo wakate Ambeki ande vate: Landena kale Ombetshi anyu l'afushanyishi w'elambo ndo anto wele la lokumu la kolo? ¹⁷ Lama koke Jiso dikambo so, nde akate ate: Anto wele alemba ki kema l'ohomba w'onganga, paka anto ane wele la hemo. Di kondja ndjoyanga anto w'elolo , koko akanga wa pekato. ¹⁸ Ambeki wa Joanyi la Afarise waka kilaka mbo yande. Vo wakaye le Jiso nde waka wote vate: Landena kele ambeki wa Joanyi la Afarize kilaka mboyande koko ambeki aye ha wokile? ¹⁹ Jiso aka kadimola ate: ondena angenye w'otshuki wa wadi kokaka kila mboya nde etena kele otshuki wa wadi eke kame lawo? Edja kewo kame l'otshiki na wadi, vo kema l'okoko wa kila mbo ya nde. ²⁰ Shi ya yoya yele otshuki wa wadi ayo nyema oma l'ateyi awo,etena keso mbayo wo kila mbo ya nde. ²¹ Ndo onto la tadjaka daka l'etshi ka dihondo d'omusu, ne dia etshika dihondo d'oyoyo ayo kokoto la dihondo d'omusu wolo, ko wosho wayoleka monga woke. ²² Ndoko onto la djaka wawu woyoyo' lo atapa w'emusu wa dikoho dia nyama, ne dia atapa wa yo lana. ko vo todjaka wanu w'oyoyo l'atapu wa koho ka nyama w'eyoyo. ²³ Lushi la Sabato, Jiso aka tetake l'oswe w'asami, ambeki ande wakata mina nanula. ²⁴ Ko Afarize waka wose vate: Landena la Sabato? ²⁵ jiso aka wa kadimola ate: Onde nyu nyatadiaka kene kaka sale David etena kaka ndoke ndjala nde l'anto ande? ²⁶ Nde akato lo luudu la Nzambi. la shiya olombedi wa ladiko Abiyatana, ko akole Mapa w'ekila wone wele paka elombedi mbakaleka, ko akasha ndo anto waki kame lande. ²⁷ Konde aka wate ate: Sabato aka selema dikambo d'ontoo, koko aha dikambo dia Sabato, ²⁸ ona onto oko owandji wa Sabato.