¹ Lam'akandatatombaka omalo tempelo, ombeki and omotshi akawote ate : "Ombetsha, enda wave la mvudu yamena lee !" ² Jiso akawoteate : "Onde we menaka ditongelo ne? Loweho ako tshe, ndooko dive diayotshikala ladiko di dive aha ka koshama. ³ Lamakandadjase lodikona di'esongo w'olive, mbelengane la Tempelo, Petero, Jakobo, Joani la Andele waka wombola lo shopo vate : ⁴ Otote, etena kakona kayosalema akambo aso, ndo djembetelo yakona yayenya dia akambo aso tshe wayanga koma l'etena k'ekomelo? ⁵ Jiso aka tate mbate ate : Nyewo onto atonyonganyiyake. ⁶ anto efula woyoya lo lokombo lami wayota vate : "dimi kele nde, ndo wayo nganyiya anto efula. ⁷ Ndo nto, l'amayonyoka awuyi w'ata no kumu y'ata, tanyokake woma; akambo aso pombaka salema koko ekomelo kataye. ⁸ Wodja ayolosha wodja okina, ndo Diolelo dia losha Diolelo dikina. Adidimu wa Nkete wayoyala l'ahole l'ahole, ndo ndjala ya kasha yayoyala. Oso eko etatelo k'asoyi. ⁹ Nyonge la yambalo. Anto wayonyokimo lo tominadi talo ngelo, wayo nyokomola lo toshinangonga ndo nyayosamba la ntondo ka wa Nguvernere la Nkumi ya dikanga l'ote ami, dia nyu monga emenyi ami. ¹⁰ Ndo nto, lokumu l'ololo pombaka ntondo sambishama lo wedja tshe. ¹¹ Ndo lamayowonyotola dia nyosondja, tanyoyakiyanyake dia kene dia kene kayonyota wonya ako, kanyokite, nedia aha nyu mbayoteketa, koko nyuma k'ololo. ¹² Ndo nto, onto ayokimo onango dia nde ndjakema, obutshi wa pami ayokimo onande ndo ana wayotombokwe ambotshi awo ndo wayowadakisha. ¹³ Ndo anto tshe wayonyohetsha l'ote wa lokombo lami. Koko one leyokike polo l'ekemelo ayoshimbame. ¹⁴ Koko lamayonyena engo ka wononyi katonga elanyelo diambemala lo dihole siaha koke engo kako memala, (on ladia akambo ane onge la shenodi), letena keso, wane wele la Judeya kowolawo otshala okona, ¹⁵ onto lele lo tshoto ya ludu atoholoke ndo atotoke loko dia ndjosa engo tshe kele lo ludu lande. ¹⁶ Ndo onto lele l'ekambo ato kalololake lene ele diango diakandatshike dia ndjosa dihondo diande dia laadiko. ¹⁷ Soyi le wamato w'awemi ndo wane walonya ana l'etena keso. ¹⁸ Nyotetemale nomba diaha etena keso monga loshi ya tshitshi. ¹⁹ Nedia loshi sho, fonu kayoyala woho wahatayalaka omako etatelo k'etongelo kakatonge Nzambi polo l'etena keso, ndo woho wahayalaki nto. ²⁰ Ontondongaka Nkumadiondjo kosusa nshi sho, tshi ke ndoko onto lotoshimbame. Koko nde akasuse shi sho l'ote w'asonami wakandasone. ²¹ "L'Etena keso nto, naka onto ambonyote ate : Eenda Kristo eko lane'', kana : "Eenda nde eko lene", tanyetawoke dioyiso. ²² Nedia Kristo ya kashi ndo amvutshi wa kashi wayotomba ndo wayosala tolembetelo ndo akambo wa diambo ndo minganyiya kaanga asonami naka kokaka. ²³ Okone nyu, nyosenake. Dimilambotanyote akambo aso tshe la ntondo. ²⁴ Koko loshi nsho, l'okongo wa nfonu keso, wonya ayokadimo wodjima ndo ngondo hatosha osase, ²⁵ tooto tayoko omal'olongo ndo dinago dia wolo dia l'olongo dia yosutshasutshama. ²⁶ Ko l'etena keso, vo wayena ona onto ayaye lo wange la wolo w'efula ndo la lotombo. ²⁷ Ko nde ayotoma andjelo, ko vowayotshumanya asonami ande kaame omalo pepe nyeyi omalo koma motshi polo lo koma kina y'olongo. ²⁸ ''Nyokondja wetshelo omal'otamba wa fingo. Kamatondjawo songusongo yawo y'ashashi ndo kam'atondjawo akatshi, nyuteyaka dia eleko k'owo kaya suke. ²⁹ Woho ako wame mbele nyu lawo, lamayonyena akambo aso, kanyeye dia nde aya suke, lo soko. ³⁰ Lo mete kanyotemi te, lolonga lone hateta paka akmbo aso tshe wambosalema. ³¹ Olongo la Nkete wayeta, koko eteketa ami hawetaki pondjo. ³² Lo kene kendana la lushi kana wonya, ndooko onto leya, koyanga andjelo wa l'olongo, koyanga ona, koko paka Papa. ³³ Nyendake, nyosenake, nedia hanyeye lushi laka shikikema. ³⁴ Eko oko onto latashu tsha lo wodja okina konde tshika ludu lande ndo mbisha ase olimu ande lowandji lo mbisha onto la onto olimu ande ndo mbite olami wa soko diande sungukalaka. ³⁵ Okone nyosungukalake, nedia hanyeye etena kayoya owandj waludu, kana la dikolo kana l'ateyi w'otsho, kana lo yosose kana la pindju ka pee. ³⁶ kele lamayondoya lashashimoya, nde atonyotanake nyoladi djo. ³⁷ Koko kene kanyotemi, mbatemi ndo anto tshe nte : "Nyosungukalake."