¹ Lamawakawa sukana suke la yerusaleme,ndo lama wakawa ko suke la betage kala betaniya, lo leke la lakiko dia dikona dia ewele ,ko jiso akatome ambeki wakinde ahende , akawate ate :Nyutshu longelo kele ² la tondo kanyu , l'etena kayonyoto nya yo tana ona ponda kelekama one lele anto watawahemaka , nyokeleole ndo nyomelande ³ Ndaka onto ayonyombola nyokadimole nyate kumadiondjo kele la ohomba ato . lowonya ako wame, nde akatshike vo tsho . ⁴ Ambeki vo wakatane ona ponda kelekama la soko dia osomba suke mboka , ko vo wakakikelekola . ⁵ Ko amotshi wame waki lawo waka wate kakona katsha landena ? ⁶ Ko vo wakakadimola oko akawatela jiso ,kovo waka tshike vo tsho. ⁷ Wakela jiso ona ponda waka wale ahondo ko jiso akahema ladiko kato ⁸ Efula ka anto wakale ahondo wakiwo lomboka ndo akina tenyi dia wanga dia kawa kote lokondo . ⁹ wane waki la tondo ndo wakatayelaka jiso wakade ekoko osana osana ,tshokoma we la yaye lolokombo la kumadiondjo ¹⁰ Tshokoma we lotombo layaye, lowandji la Davide , one lele shetsho ,osan lodihole dioleki ekila. ¹¹ Jiso akoto la jerusalema lo tapelo , wonya wakandenyi ate aya dikolo ,konde akatshu la betaniya la ambeki ande dikumi lahendi ¹² Lawedi apindju etena kakawatombe mala betaniya ko jiso akoke ndjala . ¹³ Konde akenyi maletale otamba wa fingu wone waki la akatshi konde akatshu dia tenda kana yango loko konde akasukana ,akatotana paka akatshi . ¹⁴ Konde akawotela ate pondjo ndoko onto halekaki olowa wakiye ko ambeki wakinde wakoke. ¹⁵ Wakakome la jerusalema ko jiso akoto lo tapelo kotate lambitshanya wane waka sondjaka ndo waka sombaka lo tapelo konde akasokola wa mesa waki amengodi wa falanga ndo dikoto dia tukudumba . ¹⁶ Konde kotshika ndoko onto bosa ema kalo tapelo ¹⁷ Konde aka tate lambetsha ate : ondena kufundama :ludu lami layoyala ludu la dombelo lo wendja tshe: kokonyu nyambolesha ludu lase wevi ¹⁸ Amboledi waladiko la ambeyi w'elembe waka yange woho wa mbodaka , koko wakokaka woma ne dia ne dia olui w'anto waka lole la wetshelo wande ¹⁹ Etena kaka kome dikolo ,jiso akatombe malosomba. ²⁰ La pindju lama wakawate taka, ambeki wakenyi otamba wa fingo wamboma polo lo edo ande . ²¹ Petelo akoho kene kakete , konde akate jiso ombesha ohenda otamba wa fingo wakaya loke amboma ²² Jiso akoshi oteketa akawate : yonge lambetawo le nzambi. ²³ Lambonyote lomete : ndaka omotshi omo lango toyayoke lo djale ko nde hayadi latamu lo otema ande kokonde mbetawo l'otema ande koko nde mbetawo kene kalombande ayokoshama konde ayenaayokotshama . ²⁴ Dio damomoyote te : kene kayonyolomba lo dombelo nyetawo dia nya mbokilongola ko nyayena ayo kotshama. ²⁵ Ko lo etena kenyu memala lo nomba ndaka we eko ladikambo l'onto kimanyiyande kele shenyu lele l'olongo ayonyodimanyiya pekato yanyu. ²⁶ Ndaka nyu hanyudimanyiyana, shenyu lele l'olongo honyudimanyiya pondjo kolo yanyu. ²⁷ Wakanyomotsho too la jerusalema ,ko l'etena kakatetaka jiso lo tepelo ambeyi waladiko , ambeyi w'elembe ndo dikumanyi wakaye djalende. ²⁸ Ndo wakawote : la wolo wakona wa salaye akambo ane ? ndo akosha lowadji? ²⁹ Jiso akakadimola: dimi lawo layonyombola ,nyokadimole kele dimi layonyote la wolo akona wa salami akambo ane. ³⁰ Batisimu ka yowani kakaye om'olongo kana male anto ? nyokadimole ³¹ Ko wakakanyiya lasawo vate : oma 'lolongo nde ayota ate landena kakinyu kombetawo ? ³² Ndaka I tayokadimola shate : omale anto,vo wakokaka wondja woma ne dia tshe waketawoka yowane oko onvutshi . ³³ Ko laso wakakadimola jiso vate hateye . ko ndo jiso akawate ata ndo dimi handeye ndo hatonyote la wolo akona wa salami akambo.