¹ Semogisha bo bangae abotosi go angae bangene ba bebeko , la bekondi , Batose , Bagu abesala betubu belo . ² Ati obea loo lobe a boto , Olemba gehoi , omesegela mbeo , bangae a bopolo aboto botubu . ³ Po esu ambale tombende gee geasina a gengaeli gebe , la ngooana , Olimega , ongala a tama , gelenge gebe , uha goete oili , goete kamo , to gelane ba owesu obe la esu ambale tombende moowa bamoa obe la obai , ⁴ Ango galo , gee ge olo bo mungu bouhesi boaiso la oboto boande podje Baito boene gelama nde . ⁵ Euhesa ndesu , ati poa dje mesala be longene abe elesu, kasi poa ye gelenge ge ngandi yande , alubiama bo obotama mbala djasina , la oyambisa bo oenda boelu . ⁶ abolenge gotie djiso la buiye go ndole ye Yesu klisito bouhesi boaiso . ⁷ A gelenge mbo ,touhesame a oboto bwande , toa ngala la geinyele ge baito abango udja ouha bo longo alongo . ⁸ Lie liogi lingae longeme mbo , djelembe mbo bo andanei a loe loo , a buina mbo oba imilie go ga Mungu baote oyanga bagwa balo . ⁹ Leta moa ngoa golola litomba go ngae Baito . kasi pea olutana aboti la tina , obala basego , bepulanyo ,oselenga selenga gotie oimilia . Anongo mongae loo boasi la motia litomba . ¹⁰ Segana gola , moe mongae mbala dje pelo la edjele olubesa age , oga panga oseganisa , ¹¹ La oluba mbo gelenge ge oho boto akikoga , la ende ela basumu , la ende kbesa bindo gelaene . ¹² Geleko geango tomemi aletemosi too tisike , ela saga boye goo saana ai go Nikopolisi ; Ago ndango gelanesei la oetisa gee . ¹³ Udja la limemia poa dje loendo loe la Zenase , Boekesi bo bebeko , la Apolo , mogelenge mbo gea ge moa ge to tiala . ¹⁴ Mogelane nde mbo obaiso baete oela bagwa balo , Imbo toenga nese kamo isika , Ambo batongaa lotsha ota tuma . ¹⁵ Batubu aba ngae lai ba peenu mbote . Paa mbote la aba lembesa goete oimilia . Sidja lipea li mungu lingae aino batubu!