¹ La geoho aletshei baye balene bouha, Oolo ogiangala litale li loeti, olimbe mokbega goete kiti ye bokondi bo iongia-ongia laa bona ga kandolo. ² go kete iula laa ngonge tubu yele yi baye balene, mombaande la ikoko youha, ayimbee mofaa tuma mbala liu la baele, Ogambe mofaa tuma tuande kilo songe, Laa kasi yande tombende muhisa biale toba boto. ³ Obonama bomoo bofangale ale. Kiti ye bokondi bo Iongia-ongia laa bokano ga kandolo mwegala nde goete yuula; Besali beande betonge lande gee bagwa laa bena nde osio bwande. ⁴ La lina liande liengala nde mo basio baabo. ⁵ Lotigo lofa ngale ale; La bafangale ale la kamo ye lotambe la ogene negu, Foembo ngeene Iongia-Ongia. Egenesela ndebo. La bengala nde bekondi longo la longo. ⁶ Koe bea lai: Be baogi bengae balo la loongene; La ngeene, Iongia-ongia yi beenda be beomboli, Aa boandje bwande poo yoenisa bali bande mbeo aingo yaa saga. ⁷ La letei, Ye moya saga. Olo gaa ngale mokengela baogi ba bwene selemo bobwe bokanda! ⁸ Moendemi yoani, emi agoe laa oena ge mbeo. La gombise yoena la goaa ya kwase mobaolo ba andjelu ambo enesei ye mbeo, Foo yo gumisa ge. ⁹ La koebea lai: Letaa ingo ela galo! Yengale mbagu yago yebosala, La baelo bago beomboli, La aba ngale mokengela baogi ba bwe bokanda. Gumisaa Iongia-ongia. ¹⁰ La ko ebee lai: Iongia-ongia baogi ba geeneselo ba bwe bokanda. Foombo gee gengale bagu bagu. ¹¹ Ogangale obe angale foo obe, Oga ngale la lilo angale ale la lilo; La boyengebene aele boyengebene, La siyaa mbo aga ngale bwelu angale bwelu. ¹² Laa, Ye moya saga, La lifuti liai liengele, Foo yo futa boto la besala beande. ¹³ Yengale Alifa laa omeega. Oga felo laa oga mbisa, oga gebandeli la oga suka. ¹⁴ oolo goangale aba tita bekoto beabo, Foo youya ndole osulunga, Bagu bagu la ikoko youha, Foo yoo gota mo beame goete yuula! ¹⁵ Nenei ngba, Belemba, La kanga imbe, baito ba pite, Baloi ba baito, Bagu misimba bikeko, La boto botubu alemba la oela bwela! ¹⁶ Emi, Yesu, Yetome nde bwa ndjelu bwami foo yoenese nu ye mbeo goete bango mba. Yengale litina la liboto li Dawiti, Ilonge ayenegelase la noongo noongo. ¹⁷ La boenda la bogali ga libala kobebea: Yoo. Laa ogaendaa aselenge: Yoo. La ogangale la kamo a yee; La aga ngo lemba, Aosee baye buaha, Bwasi. ¹⁸ Yaa bea galo boto botubu aga ngoowa baogi boo baola ba bwe bokanda: mongala mboo boto omoo eta loo lomoo loosina goete lo, Iongia-ongia etoba nde la isobi abo siginyame goete bwe bokanda. ¹⁹ La engala mboo boto omoo etootola gea ge moo mobaogi ba bokanda ba boe geeniselo, Iongia-ongia etootola nde mbale yaande ye ikoko youha, laa yiula yeelu, Abia sosila osiginyama goete bwe bokanda. ²⁰ ono aga selenge yee mbeo abea: Galo, yende ya saga. Oogalo! Yoo, Ngeene yesu! ²¹ Eiya mboo lifea li ngeene yesu mongale laino batubu.