¹ Gombisa djenende lola lo sika la huma dje sika;mpo mbo lola lo pelo la huma ye pelo yelimogenda,la lodje loteu lotimbe ale. ² la yee nende osuluga go lola,gongaee IONGIAONGIA,yiula diti a lilo yelusalema i sika,ilonganyame ambo gogali ga libala aga enegela bonanga mpo ye bolome gande. ³ La djoende ootoga go kiti dje bokondji liogi lipia liembe le mobea: letei longombe lo IONGIAONG la baito bande!Euha nde la bo,la bengaaa ndebaito bande,la IONGIAONGIA la ene engalande gese gemoo laabo. ⁴ Egombola nde bipoo bitubu go baiso babo,osinga bopangae ale,la mopangae alela ligwa,mopangae la beende,la mopangae la lolilo, po mbo mbeoipelo dja limoga. ⁵ la agangae gotiee mbeo itubu isika la gegambo."koma, mpoo mbo dje mbeo djengaee galo la longene." ⁶ La ebeende, Moa tongama! djengae ALifa la omega,gefangelo la gesukelo.Agangae la kamo djefandege likako li badje ba bomoi,ba bwasi. ⁷ agango longa eudja nde lifeta li mbeo djee; djengalande IONGIAONGIA mpo djande,la engalande bona gai. ⁸ kasi mpo dje bitolombe,obetia biima,beaito ba mesala mebe,obaloa baito,baito ba bikobo,la ba bwela,lifutu liabo liengae libaele." ⁹ Gombisa omoo goete baandjelu a ba bundee keni bosambale indjale la benyo ko eende,la ebeende lai liogi,obea mbo:djoo,djeenesa nde age bogali ga libala, bogali ga bona ga kandolo. ¹⁰ La etolendemi goeta molimo gotie geage ngolo esa,La enesendemi mbau adjati la lilo, yelusaleme,osuluga go lola ootoga gongae IONGIAONGIA,ongala la kembo ge IONGIAONGIA. ¹¹ Ongenga bwande bombende ambo ongenga bo itale bo luuma loteu,ambo itale di yasipi oenishami ambo kisatulu. ¹² Embende a getutu gelene mpe gesa. Embende la beome liu la djele,la goliolo li beome ba andjelu liu la djele, la baina bakomame,baina ba basego liu la baele ba bana yisalaele. ¹³ Go djela bwina beome besaso,go mbole beome besaso,la go laela bwina beome besaso. ¹⁴ Getutu ge mbau gembende la biemaelo liu la djele,la gotie bio baina liu la baele baetani ba bona ga kandolo. ¹⁵ Agambe moselenga lai embende la gepimeli gi ibenda i wolo,mpo apime la osa bo mbau,beome biande la getubu gende. ¹⁶ Mbau ebende la tunga inei dji kokane,la tunga dje osa ekokanende la tunga ye ogue. Ge agapima mbau la ibenda, la eudjende setade koto liu adjele (koto liu la djele;tunga adje oda,tunga adje ogue la goliolo dje kanende). ¹⁷ Epimende getubu,la eudjende mokama la betuku benei la benei,gepimeli ge boto,(gengae ambo age andjelu). ¹⁸ getubu gefoamende la itale iyasipi,la mbau efome nde la wolo ngenengene, ogelami a mosengo ngenengene. ¹⁹ biswamelo bi getubu ge mbau geetshamende la totale to huuma to bilenge la bilenge,gesuamelo ge felo gefoame a yasipi,age biele la salili,age bisaso la kalasedoane age binei la emelode. ²⁰ Age bitano la saladonikise,ege liambe la saladoane, age bosambale la kilisisolite,age bonani la belile,age libwa la topazi,age liu la kirisopalase,age liu la omoa la yaseti age liu la bwile la ametisite. ²¹ Biome liu la biele biembe nde mayaka; bome bomoa la bomoa bombende la liyaka limoa bwasi. ndole ndene ya mbau yaho embende la wolo pendja. ²² Itiene ale mbele ndene ye IONGIAONGIA goete mbau;foo mbo ngene IONGIAONGIA aga bofia engae mbele yande ndene, la bona ga kandolo. ²³ mbau ati la bozanga bo loha ata bo songe mpo ye oenase,fombo kembo dje IONGIAONGIA ende ongongisa mbau,la bona ga kandolo engae geusi ge djimbe. ²⁴ Toula totubu to huma beenda nde la oeneshama,la bekondi be huma betolande kembo yabo. ²⁵ Bikuke biande bifaindjame la bose,fombo go gofangaee la lotigo. ²⁶ Betoela nde go kembo la loguma la toula totubu. ²⁷ Geagebe gefa gote goetande,ata boto omoote agatonga mbeo i lilo la bwela; o abekomame goete buku bo bomoi bo bona ga kandolo nde adjogota.