¹ La gaalo yenende bwaa ndjelu nyongela go liolo osulunga goni see, Embeende la lofungola lo lisia lilundu la embeende la bonyololo mo yogo yande. ² Koe bunda dalagona, Ndjo a ye golo golo, Aga ngale djabulu laa satana, La ko ebunda ge bilanga kooto. ³ Koeta gee go lisia lilundu, Kuindja la koekoka la gota go tsheyanda, La foemboo atoi taa le beboto, La ogiaa ngoiga bilanga kooto ogelana. gombise gaalo, Elifolama nde poo ye gee ge ke. ⁴ La yeenende go kiti ye bekondi; Obangale lo felamela bondi boo sambisa. la yeenende beenda abegetame ngingo fooye temo ye Yesu la fooye liogi li iodja odjala obatshambo begumese nde Nama lotsha gelimi geande, La obotshambo benye ndembe go felo ye ba sio babo laa go tshe baago baande. Kobebinogela go uha, La kobengala la kilisito bilanga kooto. ⁵ La beligo biasina bati uhe ale tee bilanga kooto bigelane. mboo ofufunga bofelo felo. ⁶ Osagela laa boyengebene la obangongela ofufuga bafelo felo! Ongba bobaele atiale la ofia go tshe yaabo; Laa bengala nde nganga yi Iongia-ongia laa kilisito, Laa bengala nde laande bilanga kooto. ⁷ Gee gengo koka bilanga kotoo, Satana etama nde se goete bayaka. ⁸ La enenande foo ye oitaa baboto aba ngale goete balio ba nei ba neele, Gogi laa ba gogi, Foo yosela bo gesee gemoo foo ye gimo; Lotango laabo longale lokola lonele nele lo baye oba teu. ⁹ La koe aga go tshee ye neele, La kobegota gombale ye bayengebene la go mbau bolembami. la yimbe imoo ko yi sulugase goliolo, Laa koifetsha boo. ¹⁰ La djabulu, Agaitee bo, Etemo nde goete lotumbo liyiimbe laa sufulu, go gale nama la baemboli ba bueela. bengala nde goete looso bose lotigo, loongo la loongo. ¹¹ La yeene nde kiti yendene ye bokondi ye bwelu, La ge agambe mongala lo liolo. Nele laa go liolo olimega go felo osi boande, la atiuye ale gesee foa yaabo. ¹² La koyeena beligo, Bagololaa bana boli, Obaema le gofelo ye kiti ye bokondi. La biuku kobelifoga. la buku buasi kobolifoga, Genda ngale bokanda bouha. la beligo besambesame nde oengama la besala beabo, Ogea ngale obekomamelo goete bokanda bwaho. ¹³ La baye obalene ba nenisa bilogo obembe go kete yande, La lingbaa la gesingelo kobebinolia oba singe loo oba mbee goete yaabo; La boto la boto asambesama la bela beande. ¹⁴ La ongba laa gesingelo geo ngba ko etemo goete litumbo liyiimbe moende osinga bo baele, Gee ge yumbe. ¹⁵ boto botubu oga tiambo esiginamee nde go kete bokanda boo uha beteeme nde goete litumbo li yiimbe.