¹ Gombisa ye ho, Emi oho aaaa go lola liogi lifia oogiangala liemba lilene mobea: Aleluya! Uhisama, Laa lokuku, laa ofia biengale nde be Ingia-ongia bwaiso, ² Po ye mbo basambi bande bengale loongene la obina; Po ye mbo aasambise ndumba ayoteu angambe moitaa gehuma goete boola bwande, la aamba baila ba basali biande moyogo yande. ³ Ko bebea mbala ayeyele: Aleluya! ... La bogi bwande moaa liolo loongo la loongo. ⁴ La tonino betuu bele la benei laa baito bauhe banei bafwa baloise laa baesa lokuku la Iongia-ongia liolo agangale go tiye kiti ye bokondi, Ko bebea: Oogalo! Aleluya! ⁵ La liogi limoo liakbega go kiti ye bokondi, Go bea: Esei lokuku lo Iongia-ongia bwaiso liolo, Enu batubu basali beande baito bake la balene! ⁶ La ko yeoa liogi limoo li liemba liteu, ogiangale bagogo bi baye bateu, La oage angala bogogo bi kaki ayindene, obea: Aleluya! Po ye mbo Ngene Iongia-ongia gaiso ogaete ofia aagota goete bokondi bwande. ⁷ Tosagelei la tongalei goete y-osagela, la tofei ge lokuku; Po ye mbo gee geosonga. Bokondolo baaige, La bogali gaande .Aasosila okomia bindo, ⁸ La mofamende ge abatee tulu fetu aye ndembu, Mwonde besala belo be bayengebene. ⁹ La baandjelu abea lai: Siginaa: Oolo goangale baito abatame liogi go gesagelo ge osonga bo kandolo! La ko ebea lai: Bee baogi bengale baloongo ba Iongia-ongia. ¹⁰ Ko yekbase mobaolo bande po ye ogumisage; La ko ebea lai: Letaa ingoela galo! Yengale mbogo yaago ye bosala, La mbogo ye baelo bago abangale la tomo ye Yesu. Gumisaa Ingia-ongia. Po ye mbo temo ye yesu mongale nde boenda bo oembola. ¹¹ La ko yeena lola olifola, La letaa, (Punda) omoo ye bwelu aanenela. Aga egese gotie lo etangame lina mbo loongene pendja, La endesambisa la endelona goete loongene. ¹² Baiso babo bambende agaela ligei li djimbe; Gotiye botchwe bwande biembe ngundu ndiye; Embaa nde la lina limoo alisinamelo, Ogatilube boto ango omoo, Atimbe ooge angene; ¹³ La ebatende tulu ayae tshame la baila. Lina liande mbo Liogi li Iongia-ongia. ¹⁴ Basoola ba lola gotiye punda bweelu bembende motuta ge, Bebate nde tulu fetu aye ndemba, Bwelu, La otomba la lilo. ¹⁵ Go bonwa bwande motshegende ilonde ifelu, Po ye otoba babota; La eendisa ndebo la bwambo bo ge bende; La eendande gotiye iutu ye bagana ba gesudja ge Iongia-ongai agale la himba tabe. ¹⁶ Embaande la lina limoo alisiginame gotiye getomba giande: Bokondi ga bekondi la Ngene ye ba Ngene. ¹⁷ la ko yena baandjelubomoo agambe moemala goete loha. La ko eta bweende la liogi ofia, Obea la noli tubu oyembe mohumboga goliolo: Yooi, Songanei po ye osagela bolome bo Iongia-ongia. ¹⁸ Po ye oola bonugu bo bekondi, Oola bonugu bo bekondi be basaala, Oola bonugu bo baito bafia, Oola bonugu be punda la ambe gotuge punda, Oola batubu, La abatibundame la abangale bekoke, baito bake laa baito balene. ¹⁹ La ko yena nama, Laa bekondi be gehuma, Laa basoola babo baasongana po y-olona la agambe mongalase gotiye punda la mosala abande. ²⁰ La nama ebundamende , laa beomboli be bwela gesee gemoo laande, agambe moela mbeo y-ogemisa go felo yande oyeile mbo aite abambe la ndembe ye nama la abagamise gelimi giande. Bo batubu baelo, bo baatama bauhe goete litumbo li djimbe laa sufulu. ²¹ La baasina bo baaloanesa ilonde ayimbe mokbega gokete ye bomwa bo agambe mongalase gotuye punda; La noli yitubu beugutonde benugu biabo.