¹ Gombisa djemo, Dje ende andjelu djasina osuluga go lola, A gambe la luuma loteu; La huma adja ngaa gaoo la lolusa lwande. ² ge agaa ta bwende la liogi lifia, Ge mbo: Aa kba se, Babelone a loteu! Aa ngala mbele dje djabulu gesonganelo ge beenda bebe gesonganelo ge noli djibe aiti baito molemba. ³ Po dje mbo baito batubu baa mwaa basanga ba ligege li boola... bwande, Laa mbo bokondji ba huma baa tonga laande libala gombeo dji lilo, Laa mbo baendji ba huma ba udja bomengo mo ndole dje ofia bo bonanga bwande. ⁴ La djoendee liogi liasina odja golola ali bee mbo: nenei go sisi djande, Baito baai, Mbo boto ngai laande ge see gemoo la basumu bande, Laa mbo boto ngai laande ge see gemoo la basumu bande, Laa mbo boto eedji getumbo laabo. ⁵ Po dje mbo basumu babo baiga tee go lola la Iongia-ongia a semoga ob bwande. ⁶ Futei ge ogalo afute ge, Laa eshelei ge mbisa mbala djele ogelana la besala byande. Mo ikombele... Adje bele ge, Belei ge mbala djele. ⁷ ogalo afefei ge bindo la bonanga, Fei ge bangba la basinga ogalo po ende bea goete botema bwande: Dje ngaese bokondji, Iti bogweli la ifa ene lingba ao djea! ⁸ Po dje mo, La bokolo bwaho bomoo, Bonyoko djegelande, Lingba, Maogi laa isige, la efia nde la djimbe, Po engae bofia, Iongia-ongia ngene a katela ge. ⁹ Laa bokondi batubu ba gehuma, Obetonge ande libala go mbeo dji lilo laa bonanga, Belela nde la betata nde mpo djaa nde, Go angoena bo biogi bi ofia bwande. ¹⁰ bengala gola, Mweta e bogasa bo bonyoko... Bwande, Be bea nde mbo: ngandi! Djiula dje teu, Babilone, djula djiteu dji ofia! La ngonga emoo osambesama bwago bwadja! ¹¹ Laa baendji ba gehuma bende lela la bengale mo moogi po djande, Po boto ati ale mosomba belunga byabo, ¹² belunga be wolo, palata, Babanga ba luuma, Pelele, Tulu ifetu, Tulu i iyele, I lonyenge, Djo ngenga, Bilenge bitubu te bi tokoko to lifu, Bilenge bitubu bi bia bietongame la bwanga bo lokolo, Bia bitubu a bitongame la tokoko to loeti la ngandu, Kongga, Geoto la totale to loeti, ¹³ Baina ba kinamomo, Baina ba baime, Malasi, La mola, La libana, la basanga, La bokale bolo, La basangu, La ngombe, La kandolo, La punda, la bakkalo, La bindo la beenda be baito! ¹⁴ Tuma atosagele la mwenda mwago toaa gola laago, la mbeo itubu biago bilo la bonanga bia segamela ge, la bofuudje ale bio. ¹⁵ baendji ba bio bia, A budje bomengo laande, bengaa nde gola, Mweta dje bogasa bo onyokolama bwande; belela nde la bengala nde mo maogi. ¹⁶ la bebea nde mbo: ngandi! Ngandi! djeula djilene, odji bati ... tulu fetu, Mokoto mwelu-mwilo, djele, la aiethame la wolo, La batale ba loeti, la pelele! ¹⁷ Baendesi ba bibei, baito batubu baendela gesee geaho, baito ba bibei, La batubu abangae la besala go tie lodje lolene, Bemaelende o gola. ¹⁸ La bebelende beende, goene bo bogi bo ofetshama bwande: Mbau inandi bogelanaa la ene mbau ene ndene? ¹⁹ Bebelee ndee liuta go liolo li metshwe myabo, Belele nde la bembe ndee mo maogi, betate nde la ba bea mbo: Ngandi! Ngandi! Djiula djilene, Gudje bo bomengo la bodjui bwande bo obengae a bibei. Goliolo li madje malene, La djei ngonga emoo a segesama! ²⁰ Lola, Sagela go liolo lyandee! La enu, Badjengebeni, batomami, Laa basaoli, Sagelei ambale! po Iongia-ongia a tongelenu loongene moo sambisa ge. ²¹ la galo andjelu bofia a osa libanga ambo geage itale, la ge agaa talo go ete lodje lolene, Ge mbo: Aango ta bo babilone la isundja galo, Djiula djilene, La afa ugane ale. ²² la tofoe ale ongae age likime dji obuna tokembe, Ba tshwi ba megele, a o buma fati laa kelelo, bafudje ale go gago aba bwala bo melemo, bo ate ale go gago losele lo totale. ²³ Loosose lo lotambe lofa enegele ale go gago; La liogi li bolome laa bogali lifoane ale go gago, Po dje mbo baendji bago bembe nde baito balene ba huma, Po dje mbo baito botubu beitame la oleemba.... ²⁴ La po dje mbo beitshe nde gogande liila li basaoli la badjengebeni laa baito batubu obe tinyame ngingo mo huma.