¹ la omoo goete baandjelu bosambale ababandaa tokombeele bosambale bobo baaya, Bobo baa selenga lai liogi, ko bebea: Yoo, Yeenesa nde age la lisambi li ndamba ayelene agangae se gotie baye bateu. ² Laande nde atonge bekondi benele pite, La bagana ba pite yaande nde ambe baito ba gehuma mokete ye bosinge. ³ Aatolemi moete boenda go liboo. Ko yena gogale omoo engalese gotiye nama emoo ye yele, Eyale la baina ba libona, Embe nde la betchwe bosambale la basea liu. ⁴ Gogali gaho ebatisame tulu ogi angala baila la yele, La ebate wolo, La babanga ba loeti la bapeeleelee. Ebunde nde ikombeelee ye wolo mo yoogo yande, Bweyale obe boetela laa lilo laa boola bo ndumba yaande. ⁵ Moosho bwande mosinamende lina limoo: Babilona bateu, Inango ga boola la obee booetela bo gehuma. ⁶ La yeenende gogali gahoo la bosinge bo baila ba temo yi Yesu. Laa, Goete oenage, Yaangala goete oteu bo ogemisama. ⁷ La baandjelu aabea lai: Po yegi agema age? Yebegisa nde age sekele ye gogali laa ayenama ayetolege, Agangale la betchwe bosambale la baee liu. ⁸ Nama ayeene age ambaande, La atiale. Enenande goete lisha lilundu, La eande goeta olemana. La baito ba gehuma, Bee abatimbo bana babo bosiname goete bokanda booaha ko libandela li gehuma, Begemande ga moenabo nama, Po ye mbo embaande, La atiale la enagelande ale mbala yaasina. ⁹ La ana ndeangale bayele abongale la bweli. Botchwe bosambale, Gotiye lo nde angaele gogali se. ¹⁰ Mwe ngaende ambale bekondi bosambale: Tano baakba, Omoo aago, Agoi eyite, La gaa ngoyage, Mwetiala nde gee geke. ¹¹ la nama agambaa, La agaatiale, Egale ooge laene bokondi bomoo abo bonani, La engalegoete botango oba bosambale, La eande goete ye olimega. ¹² Basee liu abamaene age bengale nde bekondi liu, Abeengitee boi, La beendoya lokuku ogiangala bekondi gesee gemoo goete gee gemoo la nama. ¹³ Bengale la gelenge geemoo y-igeeli, La baafaa ofia bwabo laa lokuku luabo goangale nama. ¹⁴ Belonende la kandolo, la kandolo elongande bo, Po ye mbo engale Ngene yi Ngene la bokondi be kondima, La abatame liogi, La abapona melo la bainameli abangale laande gesee gemoo belongande abale ge. ¹⁵ Ko ebea lai: Baye abamaene age, Abangaele gogali ga ndumba gotiyelo, Mwengale baito, Liemba, Bei, La baogi. ¹⁶ Basee liu obamaene age la nama ndumba obee, Beoisande ge soni la betiande ge bofona, belande benaga biande, La behumba ndege la djimbe. ¹⁷ Po ye Iongia-ongia ete go botema biabo mbo bakokesee igeli imoo, Laa bafee lokuku lwabo goangale nama, Tee mbo baogi ba Iongia-ongia bagelanee. ¹⁸ La gogali agaene age, Mwengae nde mbou eyeteu agengale la lokuku gotiye bakondi begehuma.