¹ Yesu abea la baetani bande: Mofa koke mbo tobau tosto ngala; Kasi ngandi dje aga nenesa to. ² Mogelane nde laande baande ge itale no ngingo la ota ge gete lodje loteu, Mbo tobisa omoo ga bee bake ibau. ³ Ngalei la bokengi goete aino. Mongala mbo bogolo aboli bwago etonga obe, Tea laande; La, Ekokodja ambo liofi, Limbesa ge. ⁴ La mongala mbo atongel'age obe mbala bosambale,bokolo bomoo la mbo djaa mbisa gogago mbala basambale, Obea mbo: Djaa kokodja liofi, Bwa limbesa ge. ⁵ ba toma be bee nde la ngene: Esh'esu oimidja liolo. ⁶ La ngene ge mbo: Engala mbo bombi ndi la oimidja ambo djuma dji ...., Ati bobei ndi la ikoko i sikomola djee: Gogo gaa, La togaa goete lodje lolene; La etose nd'enu. ⁷ Ndi goete aino,Engala la botoga bosala agangale mobisha nele to olesa nama, Ebea nde laa nde, Gee ge dja gembisa go gelanga: Djoo sagaa, Djaa lee bia? ⁸ Afa bee ngene laande mbo: Lmbelei bia bi liolo, Ande tulu kbolo, La selei, Te ilela imoe; Gombisa dje mo, Age, Bolande la bomwa nde? ⁹ Ekoke oimidja bosali boaho mpo motonge ge motudje be tudja ge? ¹⁰ Enu ambale gelenge gemoo, Gee getonge enu motudjame mbo botonge, Bei mbo: Tongale basali bati la tina, Toa tonga mogelane laiso motonga. ¹¹ Yesu, Goege go Yelusaleme, Eete nde mosisi ye Samalia la Galilaya. ¹² Galo agote ge gwiula djimoo, Baito ba singa liu ba djaa goo saana laande. Oemala gola, Ba esha baogi liolo, Bebee nde mbo: ¹³ Yesu, Boekesi, Oel'esu ngande! ¹⁴ Goene enabo, Abea laabo: Kei ka letshei bindo gongale kanga dj'Iongia-ongia. La, Ago ambe bo moa, Mwaiga mbo beuhe nde. ¹⁵ Omoo goete abo, Oena mbo auha, Adjaa mbisa, mo fefia Iongia-ongia la liogi lifia. ¹⁶ Akbase osho monele gofelo dje Yesu, La aeshela nge mbisa. Embe nde boto ga samalia. ¹⁷ Yesu, Goose ge baogi, gembo: bo liu bati uhe? La , Abai libwa batshuhe? ¹⁸ Mongala o la bwe boto ga geanga aga djee mbisa la ofaa luuma gongale Iongia-ongia? ¹⁹ Gombisa abea laande: Emalaa, Kea, Oimidja boago boa uhes'age. ²⁰ Bafalisai betundje nde Yesu gee inandi Geango djaa bokondji bo Iongia-ongia. A eshela bo mbisa: Bokondji bo iIongia-ongia boti modja ambo ofwa liso. ²¹ Bafabee mbo: Engale ane, Too engale gote. Po letaa, Bokondji bo Iongia-ongia bongale mosisi aino. ²² La abea la baetani: Bekolo bedjande abengongal'enu la kamo djoena bokolo bomoo mobekolo be bwenga boto; La bofaeni. ²³ Be bea nde laino: Enale ane,Engale gote. Ndoi, Ndootshwa maango go mbisa. ²⁴ Po, Ogalo aenesa togeligeli golio la lio li lola, Galo nango ngala losigo lo bwenga boto. ²⁵ Kasi mongale mbo ageme angandu, La atame gato la gie gekeke gie. ²⁶ Mwige mo gee ge Noa mwiga nde ambale mo sigo dji bwenga boto. ²⁷ Baito belee nde, be mwe nde, Be songe nde la osongesa bana babo, Tee bokolo abogote Noa goete bwato; Bwela bodjende, la bwa laa bo batubu. ²⁸ Mwige mogee ge lota mwiga nde ambale gele gemoo. Baito be lee nde, Be mwende, Besombe nde, Beendje nde, Be loge nde, Be fwe nde mbele, ²⁹ Kasi bokolo abo nene lota goete sodomo, mbula sje djimbe la bagala umende se go lola, La a loa bo batubu. ³⁰ Mongala nde gelenge ge moo bakolo bongo nena bwenga boto. ³¹ Losigo loaho, Agango ngala gotie losambo, La engala la la bima bia biande goete mbele, Otosuluga mpo djoosa bio; Laa mbo aga gongala go gelanga ato djaa mbisa. ³² Gelegiei bogali ga lota. Agango sila ouhesa bomoi bwande elimesa nde bo. La agango limesa eudja nde ale bo. ³⁴ Dje nde bea laino, Lotigo loaho, Mobaito baele abangongala gotie mbeto emoo, Omoo eosama nde la ogoi otiala. ³⁵ Mo bogali baele abanga tshanga gesee gemoo, Omoo eosama nde la agoi otiala. ³⁶ Mo bolome baele bangongala go gelanga, Omoo eosama nde la agoi otiala. ³⁷ Baetani ba bae laande: Goni ango ngala mo, ndene? Aeshambisa: Goango ngala bindo, go nango songana ndjou.