¹ Yesu abea ambale la baetani bande: Boto omoo ga bioto embe nde la boto gaande aga isela ge bodjui, Be begese nde ge mbo ende iba bia biande. ² Aata ge liogi, La abea laande: Gei geo'emi gongale age? Begesei galo asaele age bia, Po bofa endese ale besala biai. ³ Aga isela ge bia aabea goete ande: Gani atong'emi, Po bokondji bwai ende otolei gobasola booleta bia biande? Osala bosala bo nele? Ifa koke. Oamba? Dje ndoa mosoni. ⁴ Djaluba moango tongei, Po mongale la baito abango djambei mondole djabo gombisa dj'otoga go bosala. ⁵ La, gote ge omoo la omoo abambe la bolima bo bokondji bwande, Aa bea la aga felo: Bongale la bolima bogani gongale bokondji bwai? ⁶ Tuke i baina bokama, Aesha mbisa, La aabea laande: Osa bokanda bwago, Ngala se saga, Komaa betuu tano. ⁷ Aa bea ale la gasina: La age, Bongale lagani? Saki i loso bokama, Aesha mbisa. La aabea laande: Osa bokanda bwago, Komaa betuu bonani. ⁸ Bokondji a fefia boto gaisela ge bodjui ga bwela motonge ge la bokengi. Po bana bagie gekeke bengale la bokengi gongale baninga laabo oeta bana ba losose. ⁹ La emi, Dje nde bea laino: Ngalei mbogo ndji baito ba bodjui bo bwela, Po badjamb'enu go bingaelo bi loongo, Goango djang'enu bodjui. ¹⁰ Aga ngale la bosembo mo mbeo djike engale ambale lalo gombeo djiteu, La agangale la boela mombeo djike engala nde ambale lalo mo mbeo djiteu. ¹¹ Mongala mbo botimbe la bosembo mobodjui bobwela, Indi ango faa age abo soolo? ¹² La mongala mbo botimbe la bosembo mogea ge boto, Indi ango faa age mogago? ¹³ Bosali ao bomoo afa saele bakondji baele. Po, Eela nde omoo ge ko lemba agoi; To eanda nde la omoo ge ko lefola agoi. Bofa koki osaela Iongia-ongia laa Mamona. ¹⁴ Bafalisai ambe molemba falanga, Boende ambale mo gotubu, La bembe nde mosea ge. ¹⁵ Yesu abea laa bo: Enu, Enu boende lembi gonena baito ba sembo gofelo dje baito, Kasi Iongia-ongia elube baofi baino; Po mo eshame liolo goete baito mongale gobe gofelo d'Iongia-ongia. ¹⁶ Bobeko la basaoli bembe nde teeoiga ho Yoani; La gologolo, Bokondji bo Iongiaongia boende beama, La boto la boto ende tonga ofia mbo agote go. ¹⁷ Mongale loo loke mbo lola laa nele djieta nde kasi lisigi limoo li bebeko lifa kbee se. ¹⁸ Boto inandi abitsha bogali gande la osonga gasina otonga gekobo, La boto inandi aga songa bogali aga bitshama la bolome gaande aatonga gekobo. ¹⁹ Mombende la boto omoo ga bodjui, Aga bate tulu djilo la molikani, La bekolo betubu embende muha lolo la Lasalo. ²⁰ Bohoni bomoo, Betange nde ge Lasalo, Efonye nde mo bome bwende, La fata bindo bitubu, ²¹ La embende la kamo djouguto la tofwa tuma se gomesa dje botoga bodjui; La mbwa bembende ale mo lombola fota djande. ²² Bohoni engbe nde, La etolamande la baandjelu go gegba ge Abalayama. Boto ga bodjui engbe nde ambale, La ba kunda ge. ²³ Go gesee ge aba ngbalo, Aesha baiso liolo; La, Gombe ge goete looso lolene, Aena gogola Abalayama, Laa Lasalo mogegba giande. ²⁴ Aa bela bende: Ise Abalayama, Oelei ngandi, La eshaa Lasalo, ate lio li isangala dja nde mo badje la ofeemi itambole la ngingo, Po dje nde gema goete djimbe dje. ²⁵ Abalayama aehela ge mbisa: Bona gai, Gelegia mbo budje nde biago gombe age la luho loago, La mbo Lasalo embe ndela benyoko go abwande; Ogiogi engale goni gehoi, Bwe nde gema. ²⁶ Ata galo,Mongale moeta djaino la baino geage lishaa, Po dje mbo abangale goni betuta ambo odja gongal'enu, To mbo abangale goo dja goni, Bato inya oelamo. ²⁷ Boto ga bodjui gembo: Dje nde sembogel'age la galo, Tata Abalayama, boeshe Lasalo go mbele dj Ise ai; Po dje ngale la bagolo la baoli tano. ²⁸ Po mongale mbo abegese bo djee mbeo dje, Po ba todja ambale mogie gesee ge looso. ²⁹ Abalayama aesha mbisa: Bengale la Mose laa basaoli; Boe bo. ³⁰ La abea: Te, Tata Abalayama, Kasi mongala mbo omoo goete aba songba ea gongale bo, Be kokodja nde baofi. ³¹ La Abalayama abea laa nde: Engala mbo batshoe Mose laa basaoli, Bafa imidje ata boto aga songba eta liolo.