¹ Bekongoli be pako batubu la baito bagelenge ge hua obe bayaa bagu bagu la Yesu po yoimilia ge. ² La baito ba bweli gose lokasi la basiginyi ba imima, kobebea: Ono boto ono ende yambo baito bagelenge geohua obe, La ende lesana laabo. ³ Koebea labo liye lila: ⁴ Boto inandi moete yino, imbaimbo engala la kondolo bokama, La elimanya emoa, Apatenye betu libwa la libwa yee a yimi goete libobo po yosila ogaa limega, Tee udjee ge? ⁵ Udja ge, Etande ge gotie bale moete yo sagela. ⁶ La, Gambo binogage gombele; Etande ba mbogo bande la abangale lande gesee gemoa, La ebea nde laabo: Sagelei lai gesee gemoa, Po yembo yauya kondolo yai aga limegelo. ⁷ La gelenge gemoa, Yaa begisenu, Mongaa nde la gesagela geteu golola po yeboto ga basumu omoa ogaa kikoga, Mogesee be baito balo betu libwa la libwa abati la kamo yokikoga. ⁸ Tombo gogali inandi, Engala la bioto liu, La elimanya limoa, Apa ongane bwinda, apa humbe mbele, La afasile molo ngene, Tee la gambo uyage lo? ⁹ La uya lo, Etande ba mbogo laande la oba ngae laande bagu bagu. La ebea nde: Sagelei lai gesee ge moa, Po yembo ya uya geoto geai oge limege lo. ¹⁰ Gelenge gemoa, Ya begisa enu gesagela gengale moete baandjelu ba Iongia-Ongia po ye boto ga basumu omoa ogaa kikoga. ¹¹ Koe bea ale: Boto omoa embande la bana baele. ¹² Ogambisa abea la Ise gaande: Ise gai, Feemi mbale yai bina abia abingo koka lai. La Isee gande akabola bima la bia. ¹³ Gombise ye bekolo beke, Oga boli, Gosege bima a bia bitubu, Aa boi bomoa bogola, Asegisa bina la bia biande go goeta guhua gia angaa ndumba. ¹⁴ Gosilege osegesa bima la bia bande, Isige iteu iaya goete iyula, La bobola boabanda ogotela ge. ¹⁵ Oyo ho anga boto galigwa ga boto omoa bo goete iyula, Ogaa tomaa ge goketa ye bilanga biande po yembo akengelee ngulu yande. ¹⁶ Embaande motuta mbo alane la mboso yi mata ayebee ngulu mola, Po yembo otimbe laboto go faage bia. ¹⁷ Ga gotege gokete makanisi ge laene, Go ebea goete yaande: Baito babosala la banga benduya tokuma ndiye goangale ise gai, La emi, Goni yende ngba la isige! ¹⁸ Yee malande, Yeande: Ise gai, yaa tongela lola obe laage. ¹⁹ Iti koke alembo itame bona gaago; Selemi ogiangala omoo ga baito bago ba bosala. ²⁰ La ge oho aemala, La aa gongale ise gaande. Ga tambee ge ogalo, Ise gaande oho aenage la ayaala langandi goete liofi, aa maango akbela ge mongingo la olo pwepwa ge. ²¹ Bona oho abea lande: Ise gai, Yaa tongela lola obee laage obe, Iti kokeale mbo itamee bona gaago. ²² Ko ise gaande ebea la baito baande ba bosala: Yoi la tulu aye ngae ndoo, Batisei ge losali, Gotsheuge lopete moloala loande, Laa batiseige tokbata mobaolo bande. ²³ Yoi la bona ga ngombe ga baina, La loeige. tolei la tosagelei; ²⁴ Po yembo ono bona gai, esilende osinga, La auha mbala ya sina; Emegaa nde, La auyama mbala yasina la bobo babanda osagela. ²⁵ Inde faande, Bona gaande gaogalo embaa nde gogato. Aabinola ge la aya bagu la bagu la mbele, Aowa miziki la obina. ²⁶ Ataa liogi omoo goete baito ba bosala bi ise gabo, La atudjage yee mbeo gee giiyo. ²⁷ Oga boto ga bosala abea lande: bOelo gaago abinola ga, La mpo yembo auyamma mbala ya sina la bindo bilo, Isee yaago aloa bona ga ngombe aye baina. ²⁸ Oyo ho aa sudja, La atilembe ale agote go mbele. Isee gande oho akbega, La olelelage mbo agote gombele. ²⁹ Ko ebinoela Ise gaande: Leta, Mwaela bilanga biyee yende tongela age ligwa, La ototongela ge obe moete bebeko biago, la bwina ata bomoa boeti tei bona ga taba po yembo isagele lalo la batomba bayi. ³⁰ La gia yiga bona gaago, Ono agasese bina bia biago la bagali ati la balome, Poyaa nde bwaloa bona ga ngombe oga ngae la baina! ³¹ Bona gai, Ko ise ebea laande, bongae gee getubu lai gesee ge moa, La bitubu abingae ei laalo biye ngaende biago; ³² Mokoke nde mbo tobinee la tosagele, Po yembo ono boelo gaago esngende la auha mbala yasina, Po yembo elimege nde laa uyama mbala ya sina.