¹ Gwagote yesu, Loosigo loomoa loo sabato, Gweete mbeelee djee bookondi bomoa boo ba faalisai, Pwee djoola bia, baa falisai beembeende mooleta. ² Laa leeta booto omoa gaa bwaale boo kumaa kumaa eembendee goopeloandee. ³ Yesu audjaa baogi: Laa obea aba dookotoolo baa bebeko laa abea falisai: Moogelanee, Too tee, ouhisa losigo loo saabatoo? ⁴ Bengaa geehoi. Ahoo yesu oseeganya djogo gooliolo li bootooho, Auhisagee, Laaonyenyaagee. ⁵ Goombisa abeaabo: Ndii gainoo, Soski boona gaande too ngombe djandeopkaa gweete lihiaa, Aapa nyeenyeegee sikagi, Losigo loo saabatoo? ⁶ Laa baatigelanee oecheelaage mbisaa. ⁷ Eebendeaboo baaponami batchubu liseese, Mooletaa gaalooambeebo ogalana gesee gee peelo; Laa abeeabo: ⁸ Aho gaadjotamae botoomoa goo lipati lii libaala, Bingo ngaase geese gee peelo, Pwee obanga imbai booto gainaa agaeteae aa limeemi etamendee aandee, ⁹ Laa ogaa teenu agee laa ogoi atchodja goobeago: Poa ohoo geesegeonga. Ahoo budjaande osaboga pwee djoa gongaase geese gee mbisaa. ¹⁰ Kaasi, Aaho gaadjoo tomae, Tea gongaase goombisaa, Pweembo, gee geadjodja booto gaa tenu, Ebeandeago: Mboogo djai, Etaa goo peelo. Aaho moopandee lokumu goopelo baito baatchubu obaadjolaago geese geemoa. ¹¹ Pweembo ogaadjo eechamaa liolo eechaamandee see, Laa omoo gaadjoo mikiitisaa eechaamandee liolo. ¹² Abeea mbae aa onoo gaatelo: Gee gepae biaa bii noongo too biaa biliooloo, Bingootaa mboogo djaago, Atii baeloo baago, Atii isee laa inaango baago, Atii abaange goo ngoongeagoo obaa boomeengo, Laa bootchoelaee gaaloo. ¹³ Kaasi, Aahoo gaadjopaae lipaati, Taa baaboola, Bibooso, Bitchumbee, Baito balimeege baiso. ¹⁴ Laa boongande aa geesengo pwee baapa geelanee oecheelaee mbisaa; Pwee budjaande libondjaa goo liseekwaa lii baayengeebenee. ¹⁵ Omoa moobambee moola, Gombisee djoowa baogi boo, Abeea aa Yesu: Oloo boo onoo gadjoola biaa biandee gweete bookondi boo Mungu! ¹⁶ Laa Yesu eecheleende gee mbiisa: Booto omoa eelendee gaage lipaati, Laa aata baito baidjee. ¹⁷ Agee gee lipaati, Aatoma boombo bwaandee goabea aa oobatameelo: Djoi, Pweembo biaa bitchubu biikokee. ¹⁸ Kaasi omoa boobatchubu baanga moolengeela boolimbisi. Oga peelo eebende: Djee soombeende geelaanga, Laa mookokeai owaa gooletaa moo; Limbeesei, Djaabondelae. ¹⁹ Gaina abea: Djee sombeende ngoombe djeele te itaano, Laa djeendea gootaabo; Djaabondelae, Limbeesei. ²⁰ Gaina abea: Djoomega osoonga, Laa moomo mwaapa geelanei owaa. ²¹ Boombo, Adjaa mbisaa, Aecheela Ngeene aa biaa bwio mbisaa. Aaho Ngeene ambeele edjaalende aa ligeege ebeende aa booto gaa boosala bwaande mboo: Teaa saaga gweete bisee Laa gweeti ndoole djii mbau, Laa djooa aa bobola aane, Bibosoono, Obaa limeega baiso Laa bitchumbee. ²² Booto gaa ligwa giohoo gaa bea: Nkolo, Moo mwaa beae mweelameende, Laa bisee bwiongaealee. ²³ Laa Ngeene abea booto gaa bosala: Teaa gweeti ndoole Laa bisee bitimbisamee aa loopango, Laa obadjoitchae, Beabo baagote, Pweembo mbeele djai aa djaale. ²⁴ Pwee, Djeendeebeaino, Laa omoa tee moo baaito boo baatameelo aa paotee bilei bwiai bii lioolo. ²⁵ Bitulukaa bileene beelende loendo aa Yesu. Aa kikooga, Laa ebeendeeabo: ²⁶ Moongaambo booto edjaa gwaangaei, Laa atwee isee laa inaangooande, Boogali gaandee, Baana baandee, Baeloo baande baa boolome, Laa baaelo baande baa boogali, Laa bomi bwaande geangeene, Aapa geelanee ongaa booyekoli bwai. ²⁷ Laa bootoono gatii mootola geekulusu geandee, Laa ati molingolei, Aapa geelanee ongaa boetani bwai. ²⁸ Pweembo, Indi gainoo, Eesilambo oopwa mbeele, Atii moongaase peelo pwee djoo baala motuya Laa oleta imbai engae amwadjoo geelanaa oosilisa moo, ²⁹ Mootimbee gaalo goombisa djoosela geepangeelo, Aapa geelane osidjaamo, Laa mboo obaadjoenagee baatchubu baatchoga mooseagee. ³⁰ Beebea ndeembo: Ono booto epangeende oopweecha, Laa atii geelanee osidjaa? ³¹ Too bookondji bwinandji, Eesilambo oela gimoo aa bokondji bwaina, Atii moongase peelo pwee djoleeta imbai egeelanande, Aa baito nkooto liu, Oa goosana aa onoo gendedjaa goolonaande aa nkooto betubeele. ³² Sooki atii geelana neamboo, Aagalo bokondji agoi eeongae goola, Eetomandeege pwee djoolengela geehoi. ³³ Agaalo, Indii gweeteaino atimoopa aamwee mwaangaande aapa geelane ongaa boetani bwai. ³⁴ Bonaana boongae gea geelo; Kaasi bonaana bosilambo ohia boomo, Beepa ndeemo liege linaandi? ³⁵ Moti boolo ata pwee neele, Ata pwee gea geepole; Baateemo golusa. Onoo gaangae aa baatoi pwee djoawa aoee.