¹ Oo aageege, Geembili gee baaito obaangaee goo beebeende aa Yesu mwaigeele baa Gaalilai mboo Pilata eebwanyindee baila aa geemeetchu geaabo. ² Aaecheelaboo mbisa: Bondi geelegi mboo boo galilai beeleende baasumu baaleenee oeetaa baagalilai oobai baatchubu, Aamboo baeene looso gwee ogeelenge? ³ Aatigaalo, Djeende beisaee. Kaasi booti kikogia mbwi, Bombgindi eenu baatchubu geeleenge geemooaa. ⁴ Too mbo, Bee baaito liu la boonaani baapkee gotchee mbeele djee siloeeni laa beembgeendee, bweende geelegimboo bileende obee oeeta obai baatchubu boongaeese goo yeelusaleemi? ⁵ Ati gaalo, Djeende beiseenu batchi kikogi aambi Bombgindi eenu baatchubu geelenge geemoa. ⁶ Abeaalee lio: Booto omoaa eloongeendee osuee gweete geelanga gwaandee gee mewiti. Aadjaa amboo aasilee tumaa, Laa atitchee geaa. ⁷ Laa abeaa aa bookeengeli: Leeta djaadja bilaangaa biseeso goosilaa tumaa ibwee osuee, Laa iti mudjaa. Tinya moo: Pweegi aabundaamoo neele bwaasi? ⁸ Bookeengeli aaecheelaage mbiisa: Iongia ongia, Sidjaa mooalee gee geelanga; Djee buchandee moongoongi ngoongaa, Laa djee seelandee toobi. ⁹ Gee gianaa mootandee tumaa aa bilangaa bidjaalo; Mootimbeambo gaalo, Botinyaandemoo. ¹⁰ Yesu eelaiseendee gweete synaagoogi emooa, Loosigoo loo sabata. ¹¹ Laa leetaa, Moombande aa oogali omooa goo aa boolimo boobee oboigisee gee geetchutchu teee bilaangaa liu laa boonaani; Eeinaameende, Laa ati geelaane oonaanogaa. ¹² Aaho gwaaeneege, Yesu aabeenda baaogi, Laa obeeandee: Ogaali, bwaa kangolaama moo geetchumbee geeago. ¹³ Laa aabunda gee baagoo. Aa geegwoo aeemaala, Laa aamemiaa mungu. ¹⁴ Kaasi ngeene aa synaagogi, Atimidjee moo mwaaele yesu ouhisamaa boo loosigoo loo saabata, Abeea baaidjee: Mongaa sigoo liambee dji ligwa; Djoimbwi bouhie bekoolo bwo, Laa aati losigoo loo saabata. ¹⁵ Baito baa bweela! Iongia ongia aaecheelaboo mbisaa, Aamboo booto aa booto, Loosigo loo saabata, Aapa geelane onyeenyaa ngombee djaandee too punda djaandee goo mbeelee, Pwee djoa goo mwaasa djoo? ¹⁶ Laa oogaali oho, Eengae boosea g! Abalayama, Laa oono gaabundee saatana tee bilaanga liu laa boonaani, Moopa geelanee alipoolamee moobo baadjakaa losigoo loo saabata? ¹⁷ Gwasidjeege obeea gaalo, Baanguna baandee batchubu bee saaboogeendee, Laa baidjee Beeselendalee aa mbeeo iloo itchubu ietee gee. ¹⁸ Abeale: Bookondi boo mungu boongae aambo gii, Laa igeelaanyeelo aagii? ¹⁹ Moongaae aambo djumaa imoa dji seenaapi mwaudjee booto laa otaa gweete geelanga geande; Mwaa neena, Mwaigaa ikooko, Laa nooli djii liolo baangaese gweete beetii beemoo. ²⁰ Aabealee: Djeegelanyisaande bookondi boo mungu aagi? ²¹ Moonga mboo fulu enee djaitola oogali Laa oselaa gweete topimoo toseeso too fulu, Pwe djoo susisaa paate tchubu. ²² Yesu eetendee mbau Laa beei, Olaisaa, Laa olingolaa goo yeelusaleme. ²³ Booto omoa abeande: Iongia ongia, Baaito buhaa baati baidjee? Aaecheelage mbisaa: ²⁴ Eelaa oohiaa pweedjoogota boomee boo oamu. Pweembo, Djeendee beisenu, Baidjee beesilandeemboo baagoote, Laa baapageelanitee. ²⁵ Gee geeadjoemaala ngeene aa mbeelee laa eeindjamboo boome, Laa aamboeenu, Boongaiandi goolusa, Oogaa paangeenu otoba boomee, Oobeambo: Iongia ongia, Iongia ongia, Lipweeleesu! Eeseleendenu mbisaa: Itimoolubaa gwaangaenu. ²⁶ Ahoo boongaindi moobeea: Tooleende laa omwaa goopeeloagoo, Laa boolaiseende gweete ndoolee djiiso. ²⁷ Laa eseeleendeenu mbiisa: Djaabeegiseenu, Itimooluba gesee geengaenu; Otoogeli djei aago, Eenu bootchubu baaito baa beesalaa beebe. ²⁸ Ahoo ndaadjoonga bileeli laa ootchaa bainoo, gee geeadjoeneenu Abaalayama, Isaaka laa Yaakobo, laa baasakoli baatchubu, gweetee bookondi boo Mungu, Laa bootamindi goolusaa. ²⁹ Eedjaande gwaneeneela looha Laa gwaapeeta looha, Djee nooro laa djee miidi; Laa beengaandeese geese geemoa gweete bookondi boo Mungu. ³⁰ Laa leeta, Mongaandee obaambisa beengaande baapeelo, Laa obaa peelo beengaande baambisa. ³¹ Loosigoo loahoo lomoa, Ndaambo djee baafalisai beedjeende goobeandee: Otooga anee, Laanee, Pwee Elode aadjoo loae. ³² Aeselabo mbisaa: Kei, laa bei aa itchingo djaaho: Leete, Djeende bitcha belimo beebe laa djeendeeuhisa bwaina laa aapeendju, Bookolo boo beeseeso. ³³ Kaasi tee iende bwaina, Apeendju, laa agioose; Pwee moopa gelanee boosakoli ambgee golusaa loo yelusaleeme. ³⁴ Yelusaleeme, Yelusaleeme, Indi aloa beesakoli laa otooba ogaa toomela betomelaae baabanga, Mbaala djaanga geongei oosonganya baana baago, Gaala goosonganya nkooko eesonganya baana baande goosee baapalapala baandee. ³⁵ Leetei, Batiindi mbeele djinoo; Kaasi, djeende beisenu, Bopamboolamee omoo gaadje aa lina lii Iongia ongiaa!