¹ Mombende PETELO la YOANI moselenga a baito, Bekumi belene, la kapitene ye gehumbelo,la Basadukai. ² Bembende la ligege mo gelenge ogembebo molaisa baito,la gobea mpo ye yesu mpo ye otesa baito liolo mwete bangbi. ³ Bobo baata baago gotshe yabo, la ko betabo goete beloko teee la giose oboyalo mpo ye mbo mombende la liolo. ⁴ La galo baito baiye babo baowa liogi la oimiliya, la bolongo bo bolome bo boaa liolo bagu la koto tano. ⁵ La giose oboyalo, bekondi be baito bagologu, la baito ba gologolo la ba sekilibe,besonganelende go yelusaleme. ⁶ La ANA botomami bolene bo bokumi KAYAFA,YOANI,ALESANDALA,la obambeho batshubu mo lisego li bekumi belene. ⁷ Baemalisa bo moete yabo PETELO la YOANI, la ko betshundjabo," La opia bondji,toombo molina lindji bo botongenu galo"? ⁸ Ogalo ayale Petelo la opia boboenda bolo,geoho aabea bo: bekondi be baito, la bogolo ba yisalaele. ⁹ Mpo yembo baatshundjesu bwaina gotshe loo lolo olotongame la golome ogambe abwale,mpo yembo tobeembo geni gelenge geuhe ge. ¹⁰ Lubeimbo, molubane gwangae baito batubu ba yislaele balubee! goete lina li yesu kilisito ye Nasalete, bo bombenu motage go gekulusu,lambo IONGIAONGIA oho aatesage liolo goete bangbi,mpo yande boto ogaemale gopelo yino oyala la bindo bilo. ¹¹ Yesu engae itale oyitame gato la enu obalupisialo, la ogaa ngaa bopwisi bolene bolene bolio. ¹² Geuhelo getshi gwangae boto ata omoa, mpo yembo otsha lina liyasina gose lola,moete yeho oyakoke gouhisiesu. ¹³ Gwambebo moleta piko ye Petelo la yoani, bobo baakamwa,la golubambo bee bolome batshi baito obayekolelo, la baalubana mpo ye mwambebo moenda la yesu. ¹⁴ La gelenge gemoa giambebo mwena gongonge yabo golome ogauhisiamelo,batshilube goesia loombisa. ¹⁵ Bobo bapaabo ndole mbo banenee go mbele ye IONGIAONGIA ye Sanediline, la bobo baaselengana moete yabo,gobea mbo: Toelegani mpo ye baito bee. ¹⁶ Mpo yembomolubanende moete baito batshubu ba yelusaleme gombo ogemisa bomoa obolubanelo mogelanisamende moete yabo, la esu topakoke gopeabo. ¹⁷ lambo, mpo yembo loo lotoo pandoga pelo moete baito,tokakoleebo la gelenge geoselenga bobe mbala yembisa la boto botshubu mo lina liso. ¹⁸ la bobo baatabo liogi molina li yesu. ¹⁹ Petelo la Yoani bo baaesielabo mbisa,"Sambisiei ge mongaambo engae ga loongene gopelo IONGIAONGIA, goete otosenu koliko la IONGIAONGIA. ²⁰ Mpo yembo esu topakoke go selenga goete mwaenesu la mwaowesu". ²¹ Momo moaigelabo obe bosika, la bobo baalibolabo,lotsholuba gelenge geobkesabo mpo ye baito baiye,mpo yembo bobatubu bepende lokuku gwanae IONGIAONGIA goete mwaigelamelo. ²² Mpo yembo boto ogambe goete ouhisiama bo ogemisama embende la bilanga oeta betubenei. ²³ Gombise yosumbola bo,bobo baaa gwangaee bo, la ko betamboli yitshubu oyibeee bekondi be bekumi la bogolo gi abee bebea abo. ²⁴ Gee geowebo galo, bobo baapa luuma gwangaee IONGIAONGIA gwesia baogi liolo bobatshubu gesee gemoa,la ko bebea,"Ngene, age nde atonge lola goliolo,la Nele la loye lolene,la biima biya bitshubu obiuganelo go huma. ²⁵ Age nde abeelo goete Boende bolo, goete bongwa bo ise iso,botomami bwago bo ligwa Dawidi, Mpo ye gi aasila baito bweli bo bwasi goete toula, la bagelegi ba bwasi goete baito? ²⁶ Bekondi be huma bo baemala la ligege,la bekondi be bogali baemaela la gelenge gebe gwanae Ngene la opea kilisito. ²⁷ La galo,gopea Boenda botomami bwago yesu,oga pamboleae,elodila poti pilate bobo baandana moete bo boi laa toula la Baito ba yisalaele. ²⁸ Mpo yotonga mbeo yitshubu oyitonge yogo yago la liano lilo liago olipeage pelo. ²⁹ La ogiogi,Ngene,aena bagelegi babe babo, la paa la baito bago ba ligwa gobegisia liogi lilo liyago la oyalisama laoimiliya. ³⁰ La go nanola yogo, mpo yembo auhisie baoto, la ogemisa, la bilembo,la moetelina li boenda botomami bwago boloongene yesu. ³¹ Gee gembelo mosembogela,gesee ogembe bo muugana gio geaguluma,beyalanende liogi liloli IONGIAONGIA la oimiliya. ³² Baito koto la koto obasiliye goimiliya mombende la botema bomoa,la boenda bomoa.Boto laa omoaatshibeembo biima biya biye bingae biande mpendja, la biya bitshubu biende bi lisangana liso batshubu moete yiso. ³³ Baetani belingolende la liopi angandju goete mwaenebo go taaliolo bo Ngene yesu.la lipea lilene liembende gothe yabobatshubu. ³⁴ Mpo yembo motshimbe mwete yabo la boto laa omoa ogajangelo, baito batshubu obambe la bilanga too obambe la mbele beenjende,beyende la loeti oloenjeabo la buja. ³⁵ La beselengende mo baolo ba batomami, la betongende goganya biima biya la boto la boto la gelenge ge kamo ye boto ³⁶ YOSEFU, ogatame lina li Balanabasi, mwabea gombo: bona ogalaisa baito,go boi bo molewi,boto ga kupulu. ³⁷ Eenjende gelanga geande gemoa ogembeande,geoho aayaa la bioto, , la geoho aatshia mobaolo ba batomami.