¹ Losigo lo Patekote,bembende bobatubu isee imoa. ² sagasaga aowa go lola losele ambo liohohela lihia,lia djala goete mbele gwangae bose. ³ La baogi ambo baogi ba djimbe,beselengamende, la baganyama omoa la omoa,la bangaa gotie bo boto la boto. ⁴ Bo batubu be djalende a bwenda bwelu,la bangaa moselenga a baogi basina,galo abegise bwenda ebegisebo. ⁵ La galo,mombende a bo bokolo go Yelusalema bo bayuda,bolome abaita otosa IONGIAONGIA ba bei betubu obengae gose lola. ⁶ Golosele olo nene lo,goe bue bo baito bedjalende,la kamwende poyembo boto la boto embende moa bendeselenga a liogi liande li iyula. ⁷ Bobatubu bembende mwete okamwa bohia,la bogasa,la bembende mo bea mosisi djabo;letei,beee baito baselenga lobo batubu bati baito ba galilai? ⁸ La gelenge inandi gengaesu mwa bo abaogi baiso ba toula? ⁹ Ba palate,la ba Mede,la Baelanite,la baito aba ita ongago Mesopotami,la Bayuda,la Bakapadose,la bapoti,la baito ba asia, ¹⁰ La Frigia,la Pamfilia,Egipito,la gesege ge libi ogengae begu asirene,la Abadje go boma,bayuda la proselite, ¹¹ Baita bokrete,la baarabe,gelenge inandji gengaesu moowabo bemoselenga mbeo ilene i IONGIAONGIA a baogi baiso ba boi! ¹² Bembende bo batubu mwete okamwa,la bagelegi babo beende gola,bembe nde mobea bamoa la obai: Mwemwende tuta obea gii? ¹³ Kasi basina bembe nde mosea,la obeambo: bedjale goete Bagana ba liege, ¹⁴ Momo petelo,embende mosisi batoma liu la omoa,aesa liogi liolo,la abea abo abwe bobeeli:"Baito ba yuda,la baito batubu abangae mwete yelusalema, lubei we, la lipolei batai mo baogi bai! ¹⁵ Bee baito batia bolangwa,galo angae nu mo gelegia,poyembo mongae geleko ge biseso ge ge loha. ¹⁶ kasi mwe mongae ogelanesa mbeo oibe basakoli yoele: ¹⁷ Mo bekolo be lio,mwabe IONGIAONGIA,yee belande Bwenda bwai gotie boto botubu;Bana baino ba bolome la bana baino gotie boto botubu, Bana baino ba bolome la bana baino ba bogali Besakola nde,Baenga baino la base beenande mbeo adjango dja,la tonino twaino beena nde balooo. ¹⁸ Ee,gotie baito bai baligwa babolome la oba bogali,mo bekolo beaho,yee belande boenda bwai;la bebeande mbeo ajangodja. ¹⁹ Ye nyenya nde bilembo goliolo golola la Tokesa go se gotie nele,Baila,twimbe,geambe,ge bolulu. ²⁰ Lola lo kikogande liima,la songe engande lila,pelombo bokolo bo ngene bwige,bokolobo moa bolenela bo kembo. ²¹ Boto botubu agango taa lina li Ngene euhande ²² Baito ba isalaele, Oameli bee baogi! Yesu na Nazaleta, Ogo boto aga fee Iongia-ongia oenegelama go felo yaino la ogemisama la oenisama goete yino la bilembo, Abitongame laande ofelo, yino, Ogia lube enu, enu la mene. ²³ Ogo boto ogo, ogafaamelo oga beamelo la koe bundama la uimilia bo Iongia ongia, botindi ge mo gekulusu, enu bo baloa ge mo bago ba baito babe. ²⁴ Iongiaongia agangesa ge, ge aga totola ge gesee ge lingba, po ye mbo moti koke mbo angale mo gesee ge lingbaa. ²⁵ Po ye mbo Dawidi embe nde po yaa nde: yeene nde ngene go felo ya mi. go yogo ibolome, po yembo itoegega. ²⁶ La liofi lia mi lingale moete osagela, la logame loami loete olo, laa bindo bia mi bingala nde moete geliakia. ²⁷ Pombo bopa botale mwenda mwayi mongasee ge bouto baso ngbaa, La bopa lembe mbo bo djengene bwago oene ofonda. ²⁸ Bolubisendei ndole dje uha, bodjalisendeyi la gesagela la ongaa bwago. ²⁹ Basego ba bolome boafaa mei ndole mobegesenu molo ngene. po ye ise ga lisego Dawidi, aangba, la kuisama la kunda yaande engale moete yaiso laabuina. ³⁰ Ogaambe ge bosaoli, la elube nde mboo Iongiaongia elubese nde ge la olapisa ge mboo efa nde ge bokondji moeta lisego lia nde. ³¹ Moende ouhusema bo kilisito, abolubesamelo bwa enisama la oselenga mbo mofa tiame goete ba nbga la bonungu bwa nde bofa ngale goete baito ba bwiba. ³² Geogo yesu agaugesa Iongiaongia; esu batubu toene nde. ³³ Olesama liolo la yogo igolome i Iongiaongia, euye nde go ngale ise gaande boenda bolo abolubese ge, mbo etomela nde ge, laa ge agalubesa ogalo aenenu la ogalo aowenu. ³⁴ Poembo Dawidi aatia ge goliolo, la mbo ebea gela ngene: Ngene abea la ngene: ngala go yogo yami igolome, ³⁵ Te ogango tongemi mbo baito bati molemba age ba ngalegose baolo bago. ³⁶ La mbele tubu ye isalaele alube mbo la gelenge gelongene mbo Iongiaongia atonga ngene la kilisito ge yesu aga loenu mo gekulusu. ³⁷ Go mbise yo mbeyo, koebeya la petelo la batomami baa nde basima: bagolo la bali baami ba bolome, toele gani? ³⁸ petelo ebea lago: kokoliei beteme biaino, laa omo omo moete yaino la lina li yesu kilisito. po yolimbisama obasumu baino; la bouye nde boeba bo boenda bolo. ³⁹ Poye mbo yelaka ge ngale po yaino po ye bana baino, laa poye baito batubu bagolo, labuiye aba ngo ta ngene iongiaongia. ⁴⁰ La baogi buige baasina, elubese nde bo laa koelaisa bo loobea; boende lubi mogee ge ge bana basika. ⁴¹ Abangoimilia liogi lia nde belufisiama nde: la, bo bokolo bo, bolongo bo baetani abwa golo gwaeta koto isaso iyi baito. ⁴² Kobebito goete oekisama bobatomami, la gelenge geouhisama goete lisego, la olembana bo mbogo, goete osembogela. ⁴³ La boha ko bogota moete omoo la omoo la kobetonga oenisama buiye la mbeyo logenisa la batomami. ⁴⁴ Obaimilie lo bembe gesee ge moo, la obimbe laabo bimbe nde gesee ge moo. ⁴⁵ Be dje nde bisee biabo la bimabia biabo, la kobeganyanya bio mokete yabo boobatubu, la kamo ye boto la boto. ⁴⁶ Bembe nde okila buina bo batubu ge see ge moo goete gehumbelo, bembe nde molonganya isongu goete mbele, la oosa biabiabo la gesagela, la gehoi goete liofi. ⁴⁷ Ofaa Iongiaongia lokuku, la kobeudja lifea gongale baito. La ngene ogoata, mwasi kila buina goete linginda obauhisamelo.