¹ Omu mwezi gwa Nisani g'omu mwaka gwa kali makumyabiri g'oburhegesi bwa mwami Artasasita,mango maguma eri ali alya,namulerhera edivayi.Olo lusiku eri ndubire,nabo nta lusiku najire embere zage na ndubire. ² Honaho mwami andosa : Lero burhe buchi bukuherhe muza we ! Ka kulwala walwala ? Ntanya zichi oherhe oku murhima ? Nabere nayunva ntyo nayubaha. ³ Nabwira mwami : Olame emyaka n'eyindi.Waliha,gurhe nankabula oburhe ! Amango echishagala cherhu chiri mwe shinda zaba shokulu cha sherere,n'enyunvi zacho zasirere n'omuliro ? ⁴ Mwami ambaza mpu : gurh'olonzeze nku jirage ? Nahema Nyamuzinda w'enyanya; ⁵ Na bwira mwami mpu : Waliha akaba olonzeze,n'akaba onsimire,ontume e Yuda omu chishagalala chiba mwe shinda zaba shokulu kandi nchiyumbake. ⁶ Mwami andosa eri ayikere eburhambi b'omugoli mpu : mangochi wagenda na mangochi wagaluka ? Ambwira mpu ngende,nani namuhereza ebichanji. ⁷ Nahema mwami amaruba ga barhegesi baba eshiriza y'olwinji lw'e Efurati,bandeke nj'e Yuda. ⁸ Nahema agandi nahekera Asafu omulanzi w'oluchiga lwa mwami mpu y'ampereza emirhi na yumbakamw'enyunvi y'ezamo eri hofu n'aka Nyamuzinda n'eyo kuyumbaka olugurhu lw'e chishagala n'ey kuyumbaka eyani nju najamo. Mwami ayemera agampa,buno Nyamuzinda alingashanire. ⁹ Nahika aha n'omurhegesi walirhambwire eshiriza y'olwinji lw' Efurati namuhereza ago maruba. Mwami ampereza ebilongozi n'enfola miherho b'okugenda oku farasi mpu bamperekeze. ¹⁰ Aliko Sanibalati we Beti-Horori n'omu rhegesi Tobiya w'Abamoni,babere bayunva ntyo bagaya bwenene,okuyunva okuhali omuntu olirhabala Aba Israeli. ¹¹ Nahika e Yerusalemu,na berayo siku esharhu nahumuka. ¹² Nabere namahumuka,nazuk'obudufu n'abantu baguma,aliko ntabwiraga ebi Nyamuzinda ambwiraga by'okujira omu chishagalala che Yerusalemu.Ntacho naliherhe aha nyuma lye Punda nayinjaga nagendako yonine. ¹³ Nahuluka omu chishagalala budufu nagerera omu lunvi lw'omulubanda n'olubanda lwe chisima,n'ebwa lunvi lw'echavu,nayinja nalolereza bwinja olugurhu lwe chishagalala che Yerusalemu,luvunyongokere n'enyunvi zihire n'omuliro. ¹⁴ Narhenga aho,nagera olunda lw'ebwa lunvi lwe lubanda n'ebwa chisima cha mwami. Punda nalishonereko abula enjira oku chavu. ¹⁵ Bwabere bwayira nagera e Kidroni,nagenda nalolereza ougurhu bwinja. Omu kugaluka nagerera omu lunvi lw'omulubanda. ¹⁶ Abarhegesi b'echishagala barhamanyaga ngahe nalijire,na bichi nalijire kujira kuhika zene. Ntabwiraga Aba Yuda ebinagendaga kujira,ntabwiraga chiro n'abajinji,n'abarhambo,na ngasi bandi bakozi boshi. ¹⁷ Ago mango nababwira mpu : Mubwene amalibuko rhulimo,echishagala che Yrusalemu echi chikala mushaka,n'enyunvi zacho ezi za hire. Rhugende rhuyumbake olugurhu lwacho rhumenye rhwankashekerwa. ¹⁸ Nababwira ebisomerenwe bya Nyamuzinda,n'oku mwami ambwiraga,nabo baderha mpu : Rhugende,rhuyumbake olo lugurhu,bachirheganya okurhondera. ¹⁹ Ene Sanibalati w'e Beti-Horoni n'omurhegesi Tobiya w'e Amoni na Gesemi w'omuharabu bamanya ntyo,barhushekera,barhugayaguza,baderha mpu : Bichi muli mwajira ? Ka mwami yi muli mwalonza mugomere ? ²⁰ Nabashuza mpu : Nyamuzida w'enyanya yi warhurhabala,nerhu rhuli bantu bage rhwayumbaka. Aliko mwabo,murhagwerhe hechigabi,ntacho chibashinganene,na nta bukengere mugwerhe omu Yerusalemu.