¹ Bilidadi w'e Shwahi arhola omwazi n'oku derha: ² Kuhika mango chi njiwaderha emyazi eri ntya, n'emyazi y'omu bunu bwawe eri nka mpusi nene? ³ Nyamuzinda ye habula olubanja? Ogala- Byoshi ye habula obushinganyanya? ⁴ Akaba abana bawe bamugayisize, anahanire enyanya z'obubi bwabo. ⁵ Aliko w'oyo, akaba oli mweru kweru embere za Nyamuzinda, akaba walonza Ogala- Byoshi; ⁶ Akaba oli mushinganyanya na mweru kweru, kubinali ntyo akulanga, anahindamule akalamo kawe bwinja; ⁷ Obworhere bwawe bw'embere nji bwaba nka chintu chigeke, n'ebyakehere nji byaba binene. ⁸ Ondosereze obuko bw'embere, oyunvirize bwinja bichi b'eshe babwene. ⁹ Bulala rhwabano rhuli bamulegolo, na ntacho rhumenyere, n'esiku zerhu hano gulu zinali nka mwizimya. ¹⁰ Nji bakuyigiriza, nji banakushambalira, nji banakubwira na byoshi bili omu murhima gwabo: ¹¹ K'Omugugu gwa kamera aharhali luziba? K'olusheke lwakamera aharhali mboho? ¹² Oku luchiri ludorho ntyo na chiro okuba ntaye wachire okulo, lwanayuma duba kulusha ebindi birhibyoshi. ¹³ Nantyo kubigerera boshi bayibirira Nyamuzinda, n'obulangalire bwabajira amabi bwanahera. ¹⁴ Ebya chikubagira byavunikire, esimikiro yage eri logo lwa nyamurhangulira. ¹⁵ Anayegemera oku nju yage, n'okurhaba ekomere; akayilabarhako, yanakunduka. ¹⁶ Omu bushibirizi bwage boshi, amango g'ezuba, amarhabi ga nalanada omu busani bwage, ¹⁷ Emizi yage eri bisongo bisongo omu mabale, n'okusheshera kuhika omu lusika lwa mabale; ¹⁸ Bamushugula halala aliri, halala mwage bamuhaba: Ntakuyinji chiro! ¹⁹ Lolaga obushagaluke bw'enjira zage nji zamulerhera. Nantyo kw'obola budaka abandi nji bayumanga enyuma zage. ²⁰ Nanga, Nyamuzinda arhalekerera omushinganyanya, arhanarhabala ababi. ²¹ Njanabumba obunu bwawe olwamo lw'obushagaluke, n'amarhama gawe ga yimpe enyimpo z'obukuze. ²² Abashombanyi bawe nji babumba shonyi; Amahema g'ababi nji gahera.