¹ LeroMusa na bana be Israheli bayimpira Nyamuzinda olwimbo baderha ntya: Nayimpira Nahano bulal'ahimire n'obwalagale. Efarasi n'obazigendako bazikir'omu nyanja. ² Nahao y'emisi yani yena lwimbo lwani, yewe ali Nyamuzinda wani, nani nakuza Nyamuzinda wa darha na muharamya. ³ Nahano ali w'ebirha; Nahano ly'ezino lyage. ⁴ Akabwir'emitugari ya Farao n'engabo zage omu nyanja, enfolamiherho ndondolano zage zazikir'omu nyanya ndukula. ⁵ Omuhengere gwabamirire bayandager'emwibi nka bale. ⁶ Okubo kwawe kw'amalyo Nahano kuyereken'emisi. Okuboko kwawe kw'amalyo kwanavunagul'abashombanyi. ⁷ Obunene bw'oburhwali bwawe, bwanahindagaz'abashombanyi. Walikwir'oburhe bwawe bwabayosa nka bukere. ⁸ Omuka gurheng'omu mazulu gawe gwanagab'amenji. Omulaba gwayuga nka murhunda. Omuhengere gwashwekerw'omu nda y'enyanja. ⁹ Omushombanyi aderha: Nabakulikira, nabafarha, nabanyega, enyifinjo zani zayugurh'enyanya zabo. Nahulus'omupanga gwani, nabashemba. ¹⁰ ngaho wabuha n'omuka gwawe, enyanja yabashukira, bazika nka chironko bayandagal'emwibi. ¹¹ Inde oli nka w'omu bijirwamana ewe Nyamubaho? Inde nka woyo mwinj'omu buchese. Oshinganen'obukuze. Okola ebisomezo. ¹² Walambula kulyo kwawe, edaho lyabamira. ¹³ Oku bonjo bwawe wabalongola. washwekula olubaga, okumisi yawe wabayerekeza ebwa nyanja y'obuchese bwawe. ¹⁴ Olubanga lukuyiga n'okudirhimana, edaho lya chirhola Abafilistini. ¹⁵ Abakulu b'edomu basomerwa, omusisi gwafarha abanya kanani boshi barhogera omu chihombo ¹⁶ omushalamo n'obuba nji bwabafarha kugerera obunene bw'okuboko kwawe, nji basira nka bale kuhika abantu bawe bashabuke, Muhanyi. kuhika olubaga wachishogaga lugere. ¹⁷ nji wabalerha nji wabahira oku Ntondo y'oburhambo bwawe, ahantu wachijirire echikalo w'oyo we Nahano. hawayumbakaga n'amaboko gawe. ¹⁸ Nahano wayima siku n'amango. ¹⁹ Bulala e Farasi za Farao zaja omunyanja haguma n'emitugari yage, nabagenda oku Farasi bage. Nahano ashunika enyanja enyanya zabo, aliko bene israheli balambagira ahakalire omunyanja. ²⁰ miriyamu mulebi w'omukazi, mwali wabo Haruni arhola obushegu omufune; abakazi boshi bamukulikira n'emijegerezo n'okuzina. ²¹ miriyamu ababwira: Muyimpire Nahano bulala ahimire n'obukuze, e farasi n'oyigendako bazikire omu nyanja. ²² Musa alongola bene Israheli barhenga ebwa nyanja ndukula, bahulukira omu mpinga y'e suri; bagenda lugendo lwa siku esharhu barhabona menji. ²³ Bahikire aha Mara barhagalaga kunywa amenji gaho bulala galilulire charhuma bamahamagala Mara ²⁴ Abantu balubira baderha bichi rhwanywa? ²⁵ Musa alakira Nahano, Nahano amuyereka omurhi, agukabula omenji, amenji galoka. nantyo abaha erhegeko na mahano bagerageza. ²⁶ Aderha: ekaba okuyunva mwayunva omulenge gwa Nahano Nyamuzinda wawe n'okujira ebinja embere zage, n'okuyunva marhegeko gage, n'okulanga amahano gage goshi, ntakahira endwala yoshi yoshi enyanya lyenyu nkezinahiraga oku bamisri; bulala nyono ndi Nahano wokukufumya.