¹ Nji mulange amarhegeko goshi n'aba hereze muna gakolese zene, mpu nji mulame, muyusguke, muje chihugo chenyu Nyamuzinda achigashaga ahereza bay'isho benyu. ² Yibuka enjira zoshi Nahano, Nyamuzinda wawe okujirisize amango ga myaka makumi mane omu mpinga, omu kukuzesa eshonyi n'oku kuyerekana, n'okumenyesa gurhe omurhima gwawe gwali kengere n'akaba wali bikirire, nechi erhi nanga agola marhegeko. ³ Aku gayisize, akurhindibuza n'eshali, anakulisa n'amana, orhalimenyere, chiro na bay'isho barhaligamenyere, mpu akuyigirize oku omuntu arhakalama n'omugati gonyine, s'aliko omuntu alama n'angasi chinwa chirenga omu bunu bwa Nahano. ⁴ Omushangi gwawe kurha kushajira ako n'echishando chawe chirharhundaga ago mango ga siku makumi mane. ⁵ Omenye omu murhima gwawe oku Nahano, Nyamuzinda, okwa kuhanula nka kulala omuntu ahanula omwana wage. ⁶ Nji walanga amarhegeko ga Nahano, Nyamuzinda wawe, mpw'olambagire omu njira zage n'omukuyubaha. ⁷ Bulala Nahano, Nyamuzinda wawe, nja kuheba omu chihugo chikwirire, chihugo ch'okusuka mw'amenji, eshoko, n'enyanja, gali ga sukira omu rhubanda n'omu ntondo; ⁸ Chihugo ch'engano, n'ehoro, n'emizabibu, n'emirhi, chihugo ch'emizeituni n'obuchi. ⁹ Chihugo welye mw'emigati bwenene, ntacho n'echiguma w'ebule n'e chihugo ch'amabale gakachiro, n'entondo wakulamo ehoro. ¹⁰ Amango walya okana yugurha wanahuna Nahano, Nyamuzinda wawe, oku chihugo chikwirire akuhereze. ¹¹ Ochilange okuyibarira Nahano, Nyamuzinda wawe, omu kurhalanga amarhegeko gage, n'oburhegesi bwage n'amarhegeko gage, nku yandikire zene. ¹² Amango walya okana yugurha, amango wa nyumbaka okana lama mw'eyo nju nyinja, ¹³ Amango wanabona byamayuhuka ebizibuzibu n'oluganjo lw'ebirhungano byawe, efuranga n'ehoro byanayushuka, n'okuluga kw'ebyawe, ¹⁴ Chihangane omurhima gwawe gurha rhundaga, orhana yibiriraga Nahano, Nyamuzinda wawe, wakukulaga omu chihugo ch'e Misiri, omunju y'obuja. ¹⁵ Wakulambagizaga omula mpinga nene y'oku yubahisa, muli enjoka z'ebisoro n'enyongolo, omu chihugo chiyumire, chirhaherhe mw'amenji, chakulerhera amenji garhenga omubale likomere. ¹⁶ Wakulisaga amana omu mpinga bayisho barhali yinji mpu nji baku suzagura yibakujirira ebikwirire. ¹⁷ Chilanga oku derha omu murhima gwawe mpu : Emisi yani n'obulemere bw'efune zani zizampere obula bugale. ¹⁸ Yibuka Nahano, Nyamuzinda wawe, bulala yi we kurhereza emisi y'oku bibona, omuku yemera nk'oku ebyakujirire zene, echihango anywanaga na bayisho. ¹⁹ Okayibirira Nahano, Nyamuzinda wawe, aka shimba abandi balyangombe, okazishegerera okana zifukamira, mbabwire n'obwalagale oku zene mwafa. ²⁰ Mwe here nka kulala lubaga Nahano ayirhaga embere zenyu, bulala murha yunvaga omwazi gwa Nahano, Nyamuzinda wenyu.