¹ Muli bana ba Nahano, Nyamuzinda wenyu, murha chikulaga murhana jiraga ahantu hachi herero, aha kagarhi k'amasu g'omufu. ² Bulala muli lubaga luchese embere za Nahano, Nyamuzinda wawe; achi shogere w'oyo mpw'obe lubaga lwage omu mbaga zoshi ziri omu malanga mbere g'egulu. ³ Orhahira okalya echintu n'echiguma chihanzizwe. ⁴ Talaga ebirhungano mwagenda mwalya; enkavu, embuzi, n'empene; ⁵ ekulungu, epaa, ekongani, efumbiri, epaa y'omweru, epofu n'efumbiri n'ejirafu. ⁶ Mwagenda mwalya enyama zoshi zigwerhe amahembi ga shongwere, n'echinesenegere chiherhe echinogosho, china vugusa. ⁷ S'aliko murhakazagilya enyama zinavugusa konine, changwa zi gwerhe amahembi ga shongwerwe n'amagulu g'ebinogosho gonine. Na ntyo, murhakazagilya: Engamiya, Enkezi n'ekwanga, zi vugusa, aliko zirhagwerhe mahembi ga shongwere, mukazi zibona nka zizingire. ⁸ Murhakazagilya engulube eherhe ehembi lishongwere, aliko erhavugusa; weyi lole nk'ezingire. Murhakalya omunyofu gwayo, murhakana huma oku mubiri gwayo. ⁹ Omu nyama zilama omu menji zezi zimwelye: Mwelye ngasi yoshi egwerhe amasembe n'amagamba. ¹⁰ Aliko, murhahira mukalya chiro n'enguma erhaherhe masembe n'amagamba, mukazi zibona nka zizingire. ¹¹ Mwelye ngasi nyunyi egishirwe. ¹² Aliko tala ezi murhakalya: Etayi, efurukombe, ekumpagu ch'omu menji. ¹³ Enkengerwa, ekozi, n'eruwewe na ngasi yoshi eyishusha. ¹⁴ Echihungwe na ngasi ech'obuko bwacho. ¹⁵ Embuni, ekirukanja, akahimbi, n'ekipanga na ngasi choshi ch'obuko bwacho. ¹⁶ Ebundi, onumbi, ebundi nkulu, ¹⁷ omwari, enderi, omunandi. ¹⁸ Emembe, ekoikoi, ey'obuko bwacho, ehudihudi, n'omukombe; ¹⁹ Mwelole nk'ebivumirwe, ngasi echigera oku budaka chibalala; ntaku chilya. ²⁰ Mwelye ngasi nyunyi egishirwe. ²¹ Ntakulya enyamafu, we yihereze omuhisi webe aha mwawe; oku ayilye, changwa oyiguze oku w'olwahanda w'omulambagizi, bulala ali lubaga lugishirwe lwa Nahano, Nyamuzinda wawe. Orhahira okayendesa omwana hene guchiri gwayonka. ²² Wekazi kula echigabane oku biwashalwire omu myaka y'omushwa lyawe ngasi mwaka. ²³ Wenalire embere za Nahano, Nyamuzinda wawe, ahantu ye chishoge omu kuhayibusa ezino lyage; entulo y'engano zawe, n'ebishusha n'amavurha gawe, n'oluburha lurhanzi lw'echirhungano chawe chinene bwenene n'echigekegeke; mpu ly'oyiga okuyubaha esiku zoshi Nahano, Nyamuzinda wawe. ²⁴ Nkabaga, amango Nahano, Nyamuzinda wawe ye kugishe, enjira yebe elehere bwenene mpuyi ogala heka entulo yawe; enyanya y'oku herera n'ahantu inji Nyamuzinda ye chishoge mpuyi hayorh'ezino lyage. ²⁵ Nantyo wegurane entulo yawe n'efuranga, wana hira ezo furanga omufune yawe, wanaja ahantu Nahano, Nyamuzinda wawe ye chishoge. ²⁶ Ahola wanagula n'ezola furanga byoshi wakasima, enkavu, engandabuzi, ebirwerwa, amavu n'amavu ga kalihire, ngasi hyoshi hya kusimisa; walire embere za Nahano, Nyamuzinda wawe, onachishinge w'oyo n'omulala gwawe. ²⁷ Orhaka lekerera n'omuhisi oli ahamwawe, bulala arhagwerhe, chiro chigabi eri kashambala haguma nawe. ²⁸ Amango ga myaka esharhu wekule enterekero omu buhirhi bwawe, amango g'omwezi gwa kasharhu wana yihira omu mwawe. ²⁹ Obola hana yinja omukene orhagwerhe chigabi eri kashambala haguma nawe, omwinjira, efubi, n'omukana, bana yugurhe, oku bundi mpuyi Nahano, Nyamuzinda wawe akugishe, omu mikolo yoshi wekolese n'amaboko gawe.