¹ Omulebi akaja ahakagarhi kawe, changw'alorhere, akubwire echimenyeso changwa obuhanya, ² na chilala chimenyeso eri bulala buhanya buka kurhogera, aku bwiraga omu ku derha: Rhushimbe abandi balyangombe, lyangombe orhayinji, rhuzishenge! ³ Orhayunvirizaga emyazi y'oyola mulebi changwa ey'oyola walorhaga, bulala Nahano Nyamuzinda wawe ye wakurhangulaga okulonza kumenya akaba osima Nahano, Nyamuzinda wawe, n'omurhima gwawe goshi n'omuka gwawe goshi. ⁴ Mukulikire Nahano nyamuzinda wenyu, mumuyubahe, mulolereze amarhegeko gage, mukenge omwazi gwage, mumukolere muna chishwekere okuye. ⁵ Oyola mulebi changwa oyola walorhaga b'ehanwe kuhik'okufa, bulala aderhere ebya kagayisa Nahano, Nyamuzinda wawe, wakukulaga omu chihugo che Misiri anakukula omunju y'ebyaha, analonza akukule omu njira Nahano Nyamuzinda wawe anakurhegekere wageramo; n'oku kula echibi choshi chiri ahakagarhi kawe. ⁶ Akaba mwene wenyu, mugala wa nyoko wawe, changwa mugala wawe, changwa mwali wawe, changwa mukawe olamire aha mwawe, changwa mwira wawe osima nk'okw'ochisima, aku bwire bwibisho mpu: Rhugenda rhukolere ezindi mana, emana eyi w'oyo eyi bayisho mu chigeraga mwa menya. ⁷ Omu balyangombe bw'olubaga lubagorhere, hofi nawe changwa hale nawe, olubibi lw'egulu n'olwindi. ⁸ Orhaka bikengerako, orhakana biyunva, arhakana balola n'esu ly'obonjo, arhababishirira, arhakana bashukulira. ⁹ Aliko w'ebayirhise, efune yawe yinji yarhangi bayirha; n'efune y'olubaga loshi yana kulikizaho. ¹⁰ Webavume banafa, bulala alonzeze ku kukomera emwa Nahano, Nyamuzinda wawe wa kukulaga omu chihugo ch'e Misiri, omunju y'ebyaha. ¹¹ Byebe nk'okola bili mpuyi Israeli yoshi eyunve ena yubahe yibarhana jira echikorwa ch'okuyirha aha kagarhi kawe. ¹² Eri wakayunva baderha oku chilolere echishagala chawe omu bishagala, Nahano, Nyamuzinda wawe akushogere oku walamamo. ¹³ Abantu bayengehere, nji barhengerera emwawe, nji bashunika abalamire mw'echo chishagala banababwira: Rhugende rhukolere ezindi mana, emana orhenji. ¹⁴ Yinji walonzalonza, ojeche,obazirize n'obwirhonzi. Ogo mwazi gurhali gwa bubeshi, echikorwa chabere, echo chubahiro chanabere aha kagarhi kawe. ¹⁵ Ntyo nji wachagulanga n'oboje bw'engorho yawe abalamire boshi mw'echola chishagala; nji walahira ebibuzizwe mw'echo chishagala n'ebirimo byoshi, haguma n'ebirhungano, nji wahajirira entambala oku boje bw'engorho. ¹⁶ Welunde ebinyagano byoshi aha kagarhi k'aholi, ahaweligirhize n'omuliro echishagala haguma n'ebinyagano byage boshi embere za Nahano Nyamuzinda wawe; Byeyorhe esiku n'amango bintu bifire, birhaka chiyirhuka. ¹⁷ Ntacho chihakanirwe oku chihanzizwe, chirhakana chishwekera oku fune, mpu yi Nyamuzinda agalukir'oku mukazo gwage g'oburhe bwage, mpu akubere obonjo oku fune yawe n'obubabale ana kuyushulire nk'oku ali abilaganyize ba yisho. ¹⁸ Eri waka kenga omwazi gwa Nahano, Nyamuzinda wawe omu kuyemera amarhegeko gage goshi nku rhegekere zene, n'oku jira ebishinganene omu masu ga Nahano, Nyamuzinda wawe.